Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ырҙында эштәр гөрләй
Ырҙында эштәр гөрләйУраҡ эштәре Ауырғазы районы хужалыҡтарында ла тулы ҡеүәтендә бара. Иң мөһиме, игенселәрҙең күңеле тыныс, сөнки техникалар төҙөк, яғыулыҡ алдан әҙерләнгән. Көндәр генә аяҙ торһон, ти улар.

“Дуҫлыҡ” ауыл хужалығы етеш­тереү кооперативының үҙәге Сәмәндә урынлашҡан. Әйткәндәй, хужалыҡ элиталылар рәтенә инә. Сөнки бында 20 йылға яҡын бойҙай һәм арпаның иң юғары сорттарын үҫтереү менән шөғөлләнәләр. Быйылғы ашлыҡ бигерәк тә шәп уңған. Гектарынан уртаса 34 центнер уңыш алалар. Бер үк ваҡытта ужым культураларын сәсеүгә лә төшкәндәр. Сәсеүҙә биш агрегат эшләй. Сергей Иванов, Таһир Ғәлләмов, Георгий Александров, Сергей Иванов киләһе уңышҡа нигеҙ һалыуҙа алдынғылыҡ күрһәтә. Мал аҙығы ла әҙерләйҙәр. Силос һалғандар.
Ырҙында эштәр гөрләйБөгөнгө көндә мең гектарҙан ашыу ер эшкәртелгән дә инде. Әйткәндәй, хужалыҡ барлыҡ ер эштәрен дә үҙҙәренең көсө менән башҡара, ситтән көс йәлеп итмәйҙәр. Әлеге көндә “Дуҫлыҡ”тың заманса алты комбайны бар. Ошо көндәрҙә тағы ла берәү өҫтәләсәк. Ғөмүмән, ҡоролма-ҡорамалдарға ҡытлыҡ юҡ хужалыҡта. Һуңғы өс йылда ғына йәмғиәт 120 миллион һумлыҡ техника һатып алған. Заманса орлоҡ киптергес, ырҙын табағы, келәттәр — барыһы ла төҙөк, ҡараулы. Әйткәндәй, орлоҡ киптергестә сәғәтенә 500 тонна ашлыҡ эшкәртелә. “500 ферма” программаһы сиктәрендә һөтсөлөк фермалары ла заманса йыһазландырылған. Ҡеүәтле һөт, һыу үткәргестәр, һыуытҡыстар урынлаштырылған.
Бөгөнгө көндә хужалыҡтың 3500 баш һыйыр малы бар, шуларҙың 800-ҙән ашыуы һауын һыйыры. Стәрлетамаҡ ҡалаһының “Аллат” һөт комбинатына көн һайын 12 тонна аҡ тапшыралар. Тоҡомсолоҡ репродукторы булараҡ, симменталь тоҡомло таналар, үгеҙҙәр ҙә үрсетеп һаталар. Айырыуса Ырымбур өлкәһе, Пермь крайы эшҡыуарҙары менән тығыҙ хеҙмәттәшлек булдырылған. Мал һатып ҡына йәмғиәт йылына 10 миллион һум килем ала.
— Бер уңыш та еңел бирелмәй, күп көс, тырышлыҡ йәлеп итергә кәрәк. Хеҙмәткәрҙәргә, уларҙың эш шарттарына иғтибарлы булыу ҙа мөһим роль уйнай. Кредит ҡулланмайбыҙ, тик үҙебеҙҙең аҡсаға йәшәйбеҙ. Эш хаҡын да ваҡытында түләп барабыҙ, коллектив ағзаларын шифаханаға ла ялға ебәрәбеҙ. Әйт­кәндәй, быйыл мең гектарҙа көнба­ғыш, 500 гектарҙа шәкәр сөгөлдөрө ултыртҡайныҡ, уңыштары ҡыуан­дыра. Шишмә, Мәләүезгә оҙатмаҡ­сыбыҙ, — ти “Дуҫлыҡ” ауыл хужалығы етештереү кооперативы рәйесе, Башҡортостандың атҡаҙанған ауыл хужалығы хеҙмәткәре Зиләүер Мәҡсүтов.
Хужалыҡҡа 12 ауыл инә, коллектив 330 кешенән тора. Кадрҙарға ҡытлыҡ юҡ. Ололарға алмашҡа йәштәр етерлек. Йәмғиәткә эш һорап килеүселәр ҙә күп, сөнки бында хеҙмәт хаҡы юғары, теләгәндәр ашлығын да, быҙауын да ала. Бесән-һалам бушлай таратыла. Зиләүер Хәйҙәр улы ком­бай­нерҙар Камил Ниғмәтйәновты, Дмитрий Петров, Айҙар Ғәлләмов, Вәлийән Йәрмөхәмәтов, водителдәр Николай Иванов, Юрий Алексеев, Фаяз Баймановты маҡтап телгә алды.
Төбәктең эре хужалыҡтарынан һаналған “Наумкин” яуаплылығы сикләнгән йәмғиәтендә лә эштәр ҡыҙыу бар. Хужалыҡтың 10 мең гектар ере бар. Баҫыуҙарҙа биш комбайн эшләй. Техника паркының бай булыуы ла кампанияны ваҡытында һәм бер ниндәй тотҡарлыҡһыҙ үткәреп сығырға ярҙам итәсәк.
— Беҙҙең продукцияға ихтыяж һәр саҡ ҙур булды. Шуға ла уны һатыу буйынса ҡыйынлыҡтар юҡ, күп кенә ауыл хужалығы предприятиелары менән уңайлы килешеүҙәр төҙөлгән, – ти “Наумкино” хужалығы идарасыһы Любовь Александрова.
Хужалыҡта ҡайҙа ла тәртип, иҫәп-хисап ваҡытында атҡарыла. Игенселек менән бер рәттән төп йүнәлеш итеп малсылыҡ тармағын да алған­дар. Наумкин, Мәҫәле, Төрөмбәт ауылдарындағы өс һөтсөлөк ферма­һында ике мең башҡа яҡын һыйыр малы аҫрала. Шуның 500-ө – һауын һыйыры. Белгестәр белдереүенсә, һауын һыйырҙарын ишәйтеү үҙҙәре үҫтергән таналар иҫәбенә бара. Уҙған йыл ғына ла 60 баш өҫтәлгән. Бынан тыш малҡайҙарҙы Киров өлкәһенән дә һатып алғандар.
Ырҙында эштәр гөрләйЕтәкселек киләсәктә агрофирманы тоҡомсолоҡ заводы итеп күрергә хыяллана, ә бының өсөн бөтә уңайлы шарттар бар. Йәмғиәт үҙ көсө менән заманса алты һөт үткәргес, һыуытҡыс урынлаштырған. Бөгөн һауынсылар элекке кеүек биҙрә, феләк күтәреп этләнмәй.
Әлеге көндә 218 гектар майҙанда ужым арышы йыйып алынған, уның гектар ҡеүәте 34 центнер тәшкил итә. Шулай уҡ 193 гектарҙа ужым бой­ҙайы, 293 гектарҙа тритикале һуғып ал­ғандар. Ямғырлы йыл булһа ла, иген уңған. Көндәр аяҙ торһа ошо арала арпа, бойҙай, ҡарабойҙайға ла төшмәкселәр. Бер рәттән мал аҙығы әҙерләү кампанияһы ла бара. Күп йыллыҡ үләндәр сабылған, һигеҙ мең тонна сенаж соҡорҙарға һалын­ған да инде. Кукуруз да уңған. Уны ла ошо арала йыйып, силосҡа һала­саҡтар.
Хужалыҡта 160 кеше иҫәпләнә. Уларға көнөнә ике тапҡыр йылы аш тәҡдим ителә. Эшселәрҙе эш урынына ике “ГАЗель” машинаһы ташый. Йәмғиәттә төҙөлөш, төҙөкләндереү эштәре йыл әйләнәһенә дауам итә. Әлеге көндә ике яңы һөтсөлөк фермаһы, силос соҡорҙары төҙөлә.
– Беҙҙең йәмғиәт башҡаларҙан бер нимәһе менән дә айырылмай. Тырышып эшләгән кешегә йөҙ менән боролоп, шарттар тыуҙырырға ғына кәрәк, – ти йәмғиәт идарасыһы Любовь Александровна.
Етәкселек алдынғы механиза­торҙар Юрий Ефимовты, Александр Васильевты, водителдәр Анатолий Осиповты, Ришат Залиловты, Владислав Семеновты һәр яҡлап маҡтап телгә алды.

Ауырғазы районы.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Штабной тигән исем алғандар

Штабной тигән исем алғандар 22.02.2019 // Йәмғиәт

Һалдат һурпаһын эсмәгән, сылғау бәйләй белмәгән егет егет буламы?!...

Тотош уҡырға 0

Һәр саҡ сафта

Һәр саҡ сафта 22.02.2019 // Йәмғиәт

Егеттәрсә төҙ кәүҙәле, Урал ҡарағасындай ныҡ, хәрбиҙәргә хас аҙымдар менән атлап, йәштәрсә донъя...

Тотош уҡырға 0

Ватан ҡушҡан бурыс

Ватан ҡушҡан бурыс 22.02.2019 // Йәмғиәт

Хәтеремдә, унынсы класта уҡып йөрөгән йылда мәктәп линейкаһында Афғанстандан совет ғәскәрҙәренең...

Тотош уҡырға 0

Ҡаһарманлыҡ дәресе – файҙаға

Ҡаһарманлыҡ дәресе – файҙаға 22.02.2019 // Йәмғиәт

Беренсеһе – батырлыҡ, икенсеһе – тәүәккәллек....

Тотош уҡырға 20

Илһөйәрлек ҡайҙан башлана?

Илһөйәрлек ҡайҙан башлана? 22.02.2019 // Йәмғиәт

Уларҙың һыны һәйкәл булып ҡалҡты....

Тотош уҡырға 22

Көслө армия – ил терәге

Көслө армия – ил терәге 22.02.2019 // Йәмғиәт

Ватан һаҡсыһы һөнәре бер ваҡытта ла абруйын юғалтмай....

Тотош уҡырға 40

Тыныслыҡ һәм мәңгелек билдәһе

Тыныслыҡ һәм мәңгелек билдәһе 22.02.2019 // Йәмғиәт

1990 йылдың 11 октябрендә Юғары Совет тарафынан Башҡортостан Республикаһының Дәүләт суверенитеты...

Тотош уҡырға 27

Бында ысын илһөйәрҙәр үҫә!

Бында ысын илһөйәрҙәр үҫә! 22.02.2019 // Йәмғиәт

Ике тапҡыр Советтар Союзы Геройы Муса Гәрәев исемендәге башланғыс осош әҙерлеге алып барылған Өфө...

Тотош уҡырға 27

“BashDic” ниҙәр тәҡдим итә?

“BashDic” ниҙәр тәҡдим итә? 21.02.2019 // Йәмғиәт

Өфөлә “BashDic” электрон уҡыу баҫмаһының исем туйы үтте. Сараға китап уҡыусылар, студенттар,...

Тотош уҡырға 27

Өфөлә ҙур Еңеү парады көтөлә

Өфөлә ҙур Еңеү парады көтөлә 21.02.2019 // Йәмғиәт

Хәбәр итеүебеҙсә, “Башҡортостан – мөмкинлектәр биләмәһе” форумында йәштәр Радий Хәбировҡа бик күп...

Тотош уҡырға 73

Красногорск халҡы беҙҙән ни өсөн көнләшә?

Красногорск халҡы беҙҙән ни өсөн көнләшә? 21.02.2019 // Йәмғиәт

“Башҡортостан – мөмкинлектәр биләмәһе” форумында Рәсәйҙә билдәле актер Антон Богданов ҡатнашты....

Тотош уҡырға 61

Йәштәр белә: Башҡортостан – мөмкинлектәр биләмәһе

Йәштәр белә: Башҡортостан – мөмкинлектәр биләмәһе 21.02.2019 // Йәмғиәт

Бөгөн республика Башлығы вазифаһын ваҡытлыса башҡарыусы Радий Хәбиров төбәктең әүҙем йәштәре менән...

Тотош уҡырға 78