Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ауыл ҡотон һаҡлай уңғандар
Ауыл ҡотон һаҡлай уңғандарЗаман ауыр, тиҙәр, ә бит ауыл ерендә тормош көтөү бер ҡасан да еңел булмаған. Бынан тиҫтә йыл самаһы элек кеүек үк, башҡаларҙан кәм-хур булмайым тигәндәргә бөгөн дә ең һыҙғанып ете ҡат тирен түгергә тура килә. Уның ҡарауы, ашы мул, донъяһы ҡотло, башҡалар алдында йөҙө яҡты ундайҙарҙың. Һатлыҡ ауылында ғүмер иткән Фәниә менән Нәсим Мозафаровтарға ла мул тормош күктән төшмәгән, күркәм пар барыһына ла үҙ тырышлығы, үҙ көсө менән өлгәшкән...

Халҡыбыҙҙа изге йола бар: төпсөк ул атай нигеҙен ҡоротмаҫҡа тейеш. Биш ул араһында иң кесеһе булған Нәсим дә ошо ғөрөф-ғәҙәткә тоғро ҡалып, кәләше – Мәләүез районының Хәсән ауылы һылыуы Фәниә менән 1995 йылда яҙмыштарын уртаҡ итеп, сәстәрен сәскә бәйләгәндән һуң, ауылда төпләнгән. Тырыш кеше ҡайҙа ла юғалып ҡалмай бит ул: ауыл хужалығы институтын тамамлаған егет, ауыл эшен танһыҡ күреп, Энәк урмансылығында йөҙөп йөрөп эшләп китә. Тормош ҡанунына ярашлы, тартҡан атҡа һәр ваҡыт йөктөң ауырырағын тейәйҙәр – бер килке уға ауыл биләмәһе башлығы ла булып эшләргә, ауыл биләмәһе депутаты йөгөн дә тартырға тура килә, аҙаҡ инде йәнә өйрәнгән эшенә – урмансылыҡ тармағына ҡайта.
Бәхеткә күрә, кәләше Фәниә килен булып төшкән ауылын да, ҡайныһы менән бейемен дә, яңы туғандарын да тәү күреүҙән үҙ итә. Әйткәндәй, ул үҙе лә 22 йыл эсендә улар өсөн генә түгел, ауылдаштары өсөн дә күптән үҙ кешегә әйләнгән. Һайлаған һөнәре буйынса эшләү мөмкинлеге булмаһа ла, ауылда эш юҡ тип ҡул ҡаушырып ултырмай егәрле килен. Йыл да 50-ләп ҡаҙ-өйрәк бәпкәләре, бройлер себештәре үҫтерә, бер түгел, ике баҡса ултырта. Аш-һыуға оҫталығы хаҡында әйтеп тораһы ла түгел, ул бешергән ҡоймаҡ, бауырһаҡтарҙы ауыҙ иткән кешеләр алдарға бирмәҫ: Фәниә — бынамын тигән хужабикә!
Әлеге мәлдә ауыл ерендә күптәрҙең төп килеме – мал, Мозафаровтар ҙа был тармаҡҡа ҙур иғтибар бүлә, бөгөн уларҙың ҡураһында, өс аттан тыш, 16 һыйыр малы бар. Бынан тыш, умартасылыҡ менән дә шөғөлләнергә ваҡыт табалар.
– Бәләкәйҙән шулай эшләп үҫкәс, мал ҡарау артыҡ ауыр тойолмай, тик уны аҡ­са­ға әйләндереү – үҙе бер бәлә. Көс түгеп үҫтергән малыңды осһоҙ ғына хаҡҡа алып һатарҙарға биреп ебәрергә тура килә, – ти улар.
Ә бына ҡорот, май, эремсек, ҡаймаҡ кеүек ризыҡтарҙы һатыу, киреһенсә, бер ниндәй ҙә ауырлыҡ тыуҙырмай икән, сөнки хужабикәнең аш-һыуға таҙа булыуын, бөхтәлеген белгән ауылдаштары үҙҙәре үк өйгә килеп ала.
Ололар өйҙөң ҡотон һаҡлай, тиҙәр. Ысынлап та, Мозафаровтарҙың өйҙәренән ҡот-йәм бөркөлөп тора һәм, һис шикһеҙ, бында улар менән бергә йәшәгән Хөмәйрә инәйҙең дә өлөшө ҙур. Сәйетҡол ауылында тыуып үҫкән инәй — төп йортта нигеҙләнгән улы менән килененә генә түгел, ситтә йәшәгән балаларына ла ныҡ­лы терәк, төп кәңәшсе, “аҡыл һандығы”. Фәниә менән Нәсимдең балаларының яҡшы уҡыуында, аҡыллы булып үҫеүендә лә ҡартәсәй тәрбиәһенең йоғонтоһо көслө.
– Беҙгә, һуғыш осоро балаларына, артыҡ уҡыу эләкмәне. Әле лә хәтеремдә, 1-се класта беҙҙе, 60 баланы, Зәйтүнә апай рәт-рәт итеп, һәр партаға дүртәребеҙҙе теҙеп ултыртыр ине. Китап-дәфтәр тигән нәмә юҡ, улар урынына таҡта киҫәге бирәләр. Танау аҫтары ла кипмәгән сабый тип тормайҙар, уҡыу араһында эшкә йөрөтәләр. Ураҡ менән ҡулды уйып бөтә торғайныҡ.
Уҡыуға шул тиклем ынтылышым көслө булды ла бит... Мораҡта 10-ды бөттөм. Артабан уҡырға китергә йөрөгәндә, өйөбөҙҙөң бер мөйөшө емерелеп төштө, Динә һеңлем менән икебеҙҙе яңғыҙ үҫтергән әсәйем (атайым һуғышта ятып ҡалды) артабан ҡалай уҡытһын инде... Һатлыҡ ауылы егете Зәбих һоратҡас, кейәүгә сыҡтым да, баш баҫып донъя көтөп алып киттем. Шулай ҙа, үҙем уҡый алмағас, исмаһам, балаларымды уҡытырмын тигән уй күңелемдә тороп ҡалды. Шөкөр, улдарым Йәмил, Ғаяз, ­­Мөҙәрис, Камил, Нәсим үҙ ваҡытында уҡып, һәр береһе һөнәрле булды. Ейән-ейәнсәрҙәрем дә тырыш, Нәсимемдең улы Илмир Башҡорт дәүләт педагогия институтының сит телдәр факультетында белем алды, Гүзәлиәбеҙ Мораҡ башҡорт гимназияһын алтын миҙалға тамамлап, үҙ көсө менән медицина университетына уҡырға инде. Әлфинәбеҙ әле 3-сө класта, ул да апаһы менән ағаһы кеүек яҡшы уҡый.
Балаларҙың шатлығы – минең бәхет. Ете ейән-ейәнсәремдең етеһе лә аҡыллы, тырыш, шөкөр. Ошо ҡыуанысты бабай ғына күрә алманы, 60 йәшенә лә етә алмай вафат булды, — ти ғүмере буйы тырышып донъя көткән, эш һөйөүсәнлеге менән әле лә балаларына, яҡындарына өлгө булып торған Хөмәйрә инәй.
...Мозафаровтарҙың сағыу нағыштар менән биҙәлгән, тәҙрә төптәре шау сәскәле гөлдәргә күмелгән йортона һоҡланмау мөмкин түгел. Өйҙән бигерәк, ошо матурлыҡты үҙ ҡулдары менән тыуҙырған хужалар үҙҙәре күңелдә һоҡланыу һәм ихтирам уята. Ундайҙар булғанда, ауылдарыбыҙ йәшәйәсәк әле.

Күгәрсен районы.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Йөҙ йәшкә тиклем эшләгең киләме?

Йөҙ йәшкә тиклем эшләгең киләме? 18.02.2019 // Йәмғиәт

Рәсәйҙең баш ҡалаһында йәше 100-ҙән артҡан ете пенсионер һин дә мин эшләй йөрөй....

Тотош уҡырға 0

Ышанмағыҙ! Бөтәһенә лә түгел

Ышанмағыҙ! Бөтәһенә лә түгел 18.02.2019 // Йәмғиәт

Һуңғы көндәрҙә мессенджерҙар барлыҡ эшләмәгән пенсонерҙар шифахана-курорт дауалауы өсөн 3300 һумлыҡ...

Тотош уҡырға 0

20 мартҡа тамамларға!

20 мартҡа тамамларға! 18.02.2019 // Йәмғиәт

Сибай карьерын һыу менән тултырыу буйынса эш планға ярашлы бара. Был турала Хөкүмәттә үткән...

Тотош уҡырға 0

Мәскәүҙе маҡта ла... Бөрйәндә тор

Мәскәүҙе маҡта ла... Бөрйәндә тор 18.02.2019 // Йәмғиәт

Рәсәйҙә тормош кимәле иң яҡшы төбәктәрҙе атанылар. Тикшереүселәр быны билдәләгәндә тормош...

Тотош уҡырға 0

Батыр үҫтергәнһең икән, ял ит!

Батыр үҫтергәнһең икән, ял ит! 18.02.2019 // Йәмғиәт

Радий Хәбиров тиҙ арала Афған һуғышында һәләк булған хәрбиҙәрҙең ата-әсәләренә урындағы...

Тотош уҡырға 10

Подъезығыҙ ни хәлдә?

Подъезығыҙ ни хәлдә? 18.02.2019 // Йәмғиәт

Радий Хәбиров чиновниктарға күп фатирлы йорт подъездарына барып күрергә, уларҙың торошон тикшерергә...

Тотош уҡырға 40

Денге биҙгәген йоҡтороп ҡуйма!

Денге биҙгәген йоҡтороп ҡуйма! 18.02.2019 // Йәмғиәт

Ҡулланыусылар хоҡуғын яҡлау һәм кеше именлеген күҙәтеү буйынса федераль хеҙмәт Рәсәй граждандарына...

Тотош уҡырға 50

“Туҙанға батып ятһағыҙмы...”

“Туҙанға батып ятһағыҙмы...” 18.02.2019 // Йәмғиәт

Башҡортостан Хөкүмәтендәге оператив кәңәшмәлә республика Башлығы вазифаһын ваҡытлыса башҡарыусы...

Тотош уҡырға 32

Тәртипкә килтереүе ҡыйынмы ни?..

Тәртипкә килтереүе ҡыйынмы ни?.. 18.02.2019 // Йәмғиәт

Башҡортостан Башлығы вазифаһын ваҡытлыса башҡарыусы Радий Хәбиров оператив кәңәшмәлә Хөкүмәттең...

Тотош уҡырға 28

Быныһы ла Ҡазанға китмәһен...

Быныһы ла Ҡазанға китмәһен... 18.02.2019 // Йәмғиәт

Өфөләге Башҡорт дәүләт опера һәм балет театры бинаһы янындағы аллеяла күренекле яҡташыбыҙ, бейеүсе...

Тотош уҡырға 50

Ҡойроғона баҫтылар...

Ҡойроғона баҫтылар... 18.02.2019 // Йәмғиәт

Өфөлә йәшәгән ханым егерме йыл элек наркотик һатыуҙа тотолоп, уға ҡарата енәйәт эше ҡуҙғатыла....

Тотош уҡырға 77

Аҡ бал кемгә оҡшамаһын!

Аҡ бал кемгә оҡшамаһын! 18.02.2019 // Йәмғиәт

13 – 15 февралдә Италияның Рим ҡалаһында ҡортсолоҡ буйынса халыҡ-ара симпозиум үтте....

Тотош уҡырға 52