Рухи сылбырға ҡушыл, замандаш!

2-03-2018, 00:03 // Йәмғиәт // Баҫып сығарырға
Рухи сылбырға ҡушыл, замандаш!Учалы ҡалаһы һәм районы башҡорттары ҡоролтайының башҡарма комитеты “Илем, телем һағында” исемле эстафета, йәғни “рухи сылбыр” иғлан итә. Маҡсаты һәм бурыс­тары — башҡорт телен, әҙәбиәтен, мәҙәниәтен, мөхитен һаҡлау, яҡлау, үҫтереү, донъя кимәленә күтәреү; ошо өлкәлә башҡарылған эштәрҙе әүҙемләштереү, ыңғай һәм алдынғы тәжрибә менән уртаҡлашыу.

Был сылбырҙа башҡорт теленә һәм мәҙәниәтенә битараф бул­маған һәр замандашыбыҙ ҡатнаша ала. Эстафета Яйыҡ йылғаһы башланған ике ҡитға – Европа ме­нән Азия тоташҡан Учалы ерен­дә – Башҡорт дәүләт универси­тетының Учалы вәкиллегендә башланды.
Туған телебеҙҙе, мәҙәниәте­беҙҙе, мөхитебеҙҙе һаҡлау, яҡлау, үҫтереү өсөн күп көс һалған замандаштарыбыҙҙы саҡырып, сылбыр рәүешендә рәхмәт һүҙҙә­ребеҙҙе, теләктәребеҙҙе еткереп, иҫтәлекле бүләгебеҙҙе тапшы­рабыҙ, әйткәндәй, дөйә лә – бүләк, төймә лә – бүләк. Иғтибарға лайыҡ булған шәхес, үҙ сиратында, һанап үтелгән юҫыҡта изге эштәр баш­ҡарған икенсе рухташын тәбрик­ләп, дәртләндереп ебәрә. Эста­фе­таның шарты буйынса бүләк­ләнгән һәр бер кеше сылбырҙы өҙмәҫкә, дауам итергә тейеш. Ошо күркәм мәлде видеотаҫмаға тө­шөрөп, “Бәйләнештә” социаль селтәрендәге “Илем, телем һағын­да” төркөмөнә һалырға кәрәк.
Берәү бер нисә сылбырҙың башында тора ала. Сара 2019 йылдың 21 февралендә сәғәт 12-лә тамамлана. Эстафетаның иң сағыу биттәрен барлап үтербеҙ. Бәлки, рухи сылбыр артабан дауам итер, уныһы беҙҙең тәүәк­кәллектән, әүҙемлектән тора. Рухташтар, фекерҙәштәр, бер­ләшәйек!

Ойоштороу комитеты.