Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Үҙ” матбуғат сараһын табыу зарур
Ошо көндәрҙә Рәсәй Йәмәғәт палатаһы баш ҡалабыҙҙа Волга буйы федераль округынан йыйылған, йәмғиәтебеҙҙең төрлө даирәләрендә хеҙмәт иткән белгестәрҙе берләштергән ҙур сара уҙғарҙы. “Берләшмә” тип аталған, алға хәрәкәт итеүселәрҙе, әүҙем эшмәкәрлек яҡлыларҙы туплаған форумда граждандар йәмғиәтенең көнүҙәк мәсьәләләре тикшерелде, тәжрибә уртаҡлашыу, фекер алышыу майҙансыҡтары эшләне.

Атап әйткәндә, форум бизнес, власть вәкилдәре һәм йәмғиәт араһында өс яҡлы асыҡ диалог булдырыу, уртаҡ социаль проекттарға нигеҙ һалыу, үҙ-ара хеҙмәттәшлектең һөҙөмтәлелеген арттырыу өсөн ойошторолғайны. Төрлө төбәктәрҙең коммерциялы булмаған ойошма вәкилдәре, Йәмәғәт палаталары етәкселәре һәм ағзалары, форумда ҡатнашыуҙан тыш, республиканың социаль объекттары менән танышты, торлаҡ-коммуналь өлкәнең торошо менән ҡыҙыҡһынды.
Йәмғиәттәге башҡа мөһим проблемалар менән бер рәттән, форумда хәйриә фондтарының, коммерциялы булмаған ойошмаларҙың эшмәкәр­леген матбуғат сараларында яҡтыр­тыу темаһы ла айырым “түңәрәк өҫтәл”дә тикшерелде, унда респуб­ликаның баҫма матбуғаты, радио һәм телевидение каналдары етәкселәре, журналистар, власть органдары һәм коммерциялы булмаған ойошмалар вәкил­дәре ҡатнашты. Йәнле һөйләшеү бер килке журналистарға дәғүә белдереү­ҙе хәтерләтте: нигеҙҙә, хәйриә фондтары уларҙы үҙҙәренең күп яҡлы эшмәкәрлеген яҡтыртырға баш тартыуҙа, ғөмүмән, мәрхәмәт­лелек темаһы менән ҡыҙыҡ­һынмауҙа ғәйепләһә, матбуғат саралары вәкилдәре, нигеҙҙә, был теманан бер ваҡытта ла баш тартмауын, әммә аныҡ кешеләрҙең тарихын үҙ аудиторияһына ярашлы итеп, үҙҙәре теләгән форматта биреүен, ғөмүмән, рейтингтарға килгәндә, был теманың аудитория өсөн бик үк ҡыҙыҡ булмауын һыҙыҡ өҫтөнә алды.
“Беҙҙең балалар” хәйриә фондын ойоштороусы, Социаль мәғлүмәт агентлығы журналисы Ольга Власова проблеманы үҙ күҙлегенән баһаланы:
– Күпселек коммерциялы булмаған ойошмаларҙа профессионалдар юҡ, улар проекттары, башҡарған эштәре тураһын­да тулы итеп, матур тел менән грамоталы мәғлүмәт еткерә белмәүе, матбуғат сара­һында баҫып булырлыҡ әҙер матбуғат релизы бирмәүе лә ихтимал. Шул уҡ ваҡытта, күпселек осраҡта, матбуғат са­ра­лары яғынан да иғтибарһыҙлыҡ ҡына түгел, хатта битарафлыҡ күҙәтелә. Үҙе­беҙгә килгәндә, беҙҙең Агентлыҡ һәр саҡ хеҙмәттәшлеккә әҙер һәм барлыҡ коммерциялы булмаған ойошмаларҙы ла хеҙмәттәшлеккә саҡыра. Сайтыбыҙҙа мәғлүмәт ифрат күп, шул иҫәптән мат­буғат сараларында яҡтыртырлыҡтары ла.
Башҡортостан юлдаш телеканалы етәксеһе Рөстәм Зарафутдинов телека­налдың коммерциялы булмаған ойошмалар менән эшләүҙә үҙ юлдарын табыу­ҙарын, атап әйткәндә, “Русфонд”, “Беҙҙең балалар”, “Мәрхәмәт” һәм башҡа билдәле бер нисә фонд менән әүҙем хеҙмәт­тәш­лек итеүҙәрен, халыҡҡа мәғлүмәт етке­реүҙең һөҙөмтәле юлын табыуҙарын, ентекле анализ үткәргәндән һуң, нигеҙҙә, мәрхәмәтлелек күрһәтеүгә саҡырылған сюжеттарҙың эфирҙа ҡасан һәм нисә тапҡыр сығыуын хәл итеүҙәрен һөйләп үтте.
– 2017 йылда беҙҙең телеканал “Русфонд”ҡа дауаланыуға мохтаж 40-тан ашыу балаға ярҙам күрһәтеү өсөн 9 миллион һум самаһы аҡса йыйырға ярҙам итте, – тине ул. – Әммә бының өсөн беҙ сюжетты аҙнаһына бер тапҡыр күрһә­теүҙән арттырмайбыҙ, сөнки мәғлүмәт тамашасы өсөн ҡәҙимгегә әүерелә, маҡсаттың һөҙөмтәлелеге юғала.
“Тамыр” балалар каналы етәксеһе Гөлназ Ҡолһарина ла һәр хәйриә фондының эшмәкәрлеген даими яҡтыр­тыу мөмкин түгеллеген, шуға күрә коммерциялы булмаған ойошма “үҙ” матбуғат сараһын табырға, уртаҡ фекергә килергә тейешлеген тағы берҙе билдәләне.
“Түңәрәк өҫтәл”дә социаль селтәр­ҙәр­ҙең әһәмиәтлелеге, уларҙың аудито­рияһы гәзит-журналдарҙың, телевидение-ра­дионың аудиторияһы менән тап килеү-килмәүе, матбуғат сараларының заман талаптарына ярашлы контент менән социаль селтәрҙәргә сығыу мөмкинлектәре хаҡында ла фекер алышыу булды. Рәсәй Йәмәғәт палатаһы секретары Валерий Фадеев, коммерциялы булмаған ойош­ма­ларҙың һәм матбуғат саралары хеҙ­мәт­тәшлеген арттырыуҙа төбәктәрҙең Йә­мәғәт палаталары ла әүҙем ҡатна­шырға тейеш, тип белдерҙе.



Беҙҙе Яндекс Дзен лентаһында уҡығыҙ
Комментарий өҫтәргә






Илфат Йомағолов арабыҙҙан китте

Илфат Йомағолов арабыҙҙан китте 24.09.2018 // Йәмғиәт

Башҡортостандың атҡаҙанған артисы Илфат Йомағолов арабыҙҙан китте....

Тотош уҡырға 16

Хәтер — мәңгелек

Хәтер — мәңгелек 24.09.2018 // Йәмғиәт

Башҡортостандың халыҡ шағиры Мостай Кәрим тыуған көндө республика Башлығы Рөстәм Хәмитов уның...

Тотош уҡырға 11

Журналистар музейға юллана

Журналистар музейға юллана 22.09.2018 // Йәмғиәт

Рәсәй Журналистар союзы рәйесе Владимир Соловьев менән Рәсәй Музейҙар союзы президенты Михаил...

Тотош уҡырға 47

Ғорурлығым – Рәсәй!

Ғорурлығым – Рәсәй! 22.09.2018 // Йәмғиәт

“Балалар һәм йәштәр эштәре буйынса төбәк-ара методик үҙәге” коммерцияға ҡарамаған автономиялы...

Тотош уҡырға 40

Ризыҡҡа бирелгән бәрәкәт

Ризыҡҡа бирелгән бәрәкәт 21.09.2018 // Йәмғиәт

Ҡунаҡсыллыҡ – йомартлыҡ, яғымлылыҡ, бер-береңә ихтирам сағылышы. Ул Исламда юғары баһалана....

Тотош уҡырға 50

Урынһыҙға маҡтаһалар...

Урынһыҙға маҡтаһалар... 21.09.2018 // Йәмғиәт

Арабыҙҙа ниндәй генә кеше юҡ: асыҡ күңеллеләр, йомоғораҡтар, түҙемһеҙҙәр, сабырҙар, ярһыуҙар,...

Тотош уҡырға 61

Зөләйханың өс ғүмере

Зөләйханың өс ғүмере 21.09.2018 // Йәмғиәт

Ҡатын-ҡыҙ өсөн бәхет нимә ул? Аҡ йөҙлө, көләс, еңел кәүҙәле, етеҙ был ҡатын менән уның тыуған ауылы...

Тотош уҡырға 54

Хеҙмәт кешеләрен данлаусы

Хеҙмәт кешеләрен данлаусы 21.09.2018 // Йәмғиәт

Энгель Зәйнетдинов – нефть һәм уның әһәмиәте, бигерәк тә үҙебеҙҙең Башҡортостанға ҡағылышлы тарихы...

Тотош уҡырға 42

Мәғрур Кирәлегә терәлеп...

Мәғрур Кирәлегә терәлеп... 21.09.2018 // Йәмғиәт

Ҡоҙғон-Әхмәр халҡы юғарылыҡҡа ынтылып ғүмер итә Белорет районында шундай ауыл бар: халҡы егәрле лә,...

Тотош уҡырға 55

Хеҙмәткә һәм оборонаға әҙерһеңме?

Хеҙмәткә һәм оборонаға әҙерһеңме? 20.09.2018 // Йәмғиәт

Шәмбе көндә Өфөлә “Хеҙмәткә һәм оборонаға әҙер” Бөтә Рәсәй физкультура-спорт комплексы фестивале...

Тотош уҡырға 51

Көҙ йылыһы менән йәмле

Көҙ йылыһы менән йәмле 20.09.2018 // Йәмғиәт

Башҡортостанда ял көндәрендә йылы һәм яуым-төшөмһөҙ буласаҡ. “Башгидромет” синоптиктары хәбәр...

Тотош уҡырға 46

Айыуға юлыҡмағыҙ!

Айыуға юлыҡмағыҙ! 20.09.2018 // Йәмғиәт

“Башҡортостан” милли паркының матбуғат хеҙмәте төбәктә айыуҙарҙың әүҙемләшеүен хәбәр итә һәм...

Тотош уҡырға 49