Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Үҙ өйөңдә йәшәү һөйөнөс
Үҙ өйөңдә йәшәү һөйөнөс“Ауыл биләмәләренең тотороҡло үҫеше” маҡсатлы федераль программаһына ярашлы, Учалыла 16 торлаҡ сертификаты тапшырылды. Йорт һалыу өсөн тәғәйенләнгән социаль түләүҙәр ауыл ерендә йәшәгән һәм эшләгән йәш ғаиләләргә, белгестәргә бирелә. Илдәге демографик хәл торошон иҫәпкә алғанда, уға тәү сиратта күп бала тәрбиәләүселәр хоҡуҡлы. Бөгөн дә, ғаилә ағзалары иҫәбенә ҡарап, аҡсалата ярҙам күләме 750 меңдән алып бер миллион ярымға тиклем тәшкил итте.


2014 йылдан ғәмәлгә ингән федераль программа ярҙамында төбәктә 58 ғаилә ауыл ерендә йорт һалып ингән. Программа шарттарына ярашлы, сығымдың бер өлөшөн урындағы бюджет күтәрә.
— Ҡала-район предприятие­лары­ның тотороҡло эшмәкәрлеге беҙгә программаны тормошҡа ашырыу өсөн урындағы бюджеттан аҡса бүлергә мөмкинлек бирә. Артабан да яҡташ­тарыбыҙҙың торлаҡ мәсьәләһен хәл итеү буйынса маҡсатлы эш дауам итәсәк. Белемегеҙ, хеҙмәтегеҙ, тырыш­лы­ғығыҙ менән ауылдың иҡтисадын, тормош кимәлен күтәреүгә ҙур өлөш индерәһегеҙ. Бөгөн тапшырыласаҡ социаль түләүҙәр хыялдарығыҙҙы тормошҡа ашырырға ярҙам итһен. Барығыҙҙы ла был шатлыҡлы ваҡиға менән ҡотлайым, — тип телмәр тотто район хакимиәте башлығы Фәрит Дәүләтгәрәев.
Рәсүл ауылында йәшәгән Ғәлиевтәр дүрт бала үҫтерә. Гөлсинә Рәйес ҡыҙы “Зауралье Агро” предприятиеһында бухгалтер булып хеҙмәт итә, ә Динар Рифҡәт улы быраулаусы булып эшләй. Быға тиклем ғаилә иҫке генә йорт һатып алып, шунда йәшәй. Шатлыҡтары йөҙҙәренә сыҡҡан Ғәлиевтәрҙең. Шулай булмай ни, әлеге сертификат уларға күптән борсоған торлаҡ проблемаһын хәл итергә ярҙам итәсәк. Әйткәндәй, йорт өсөн буралары әҙер, хәҙер уны күтәреп, төҙөп бөтөү бер ни тормаясаҡ.
— Иптәшем менән бер ауылданбыҙ. Ҡалаға күсеү мөмкинлеге булһа ла, тыуған төйәгебеҙҙе ташлап китеү уйыбыҙға ла инеп сыҡманы. Саф һауа, тыныс мөхит, күркәм тәбиғәтте нисек ҡаланың шау-шыуына алмаш­тыра­һың? Балалар ҙа эшкә өйрәнеп, сынығып үҫә. Ауыл ерендә тырыш­тарға етеш йәшәү өсөн бөтә шарттар ҙа бар. Өҫтәүенә бындай ярҙам күрһәт­һәләр, бигерәк тә яҡшы. Хөкүмә­тебеҙгә, район хакимиәтенә күп балалы ғаиләләрҙе даими хәстәр­ләгәндәре өсөн ҙур рәхмәт, — ти Гөлсинә Ғәлиева.
Ураҙ ауылынан Ғәйфуллиндар дәүләт ярҙамын дүрт йыл көткән. Өсөнсө балаларының тыуыуы сиратты тиҙләтә.
— Шатлығыбыҙ сикһеҙ, йорт төҙөп сығырға күптән уйлай инек, ер майҙаны ла һатып алдыҡ. Был ярҙам хыялыбыҙҙы тормошҡа ашырасаҡ, — ти лицейҙың сит телдәр уҡытыусыһы Илнур Ринат улы.
Юлиә менән Линар Зекерйәновтар өйләнешкәс Себерҙә лә, күрше Силәбе өлкәһендә лә йәшәп ала.
— Тыуған ер үҙенә тарта. Ҡайтҡас, программа тураһында ишетеп, си­ратҡа торҙоҡ. Быға тиклем “Байрам­ғол” агрофирмаһы ҡарамағындағы фатирҙа йәшәнек. Был ярҙам башла­ған төҙөлөштө тамамларға этәргес буласаҡ, — ти ике бала үҫтергән йәштәр.
Был көндө Мәүлит Сафин да түҙемһеҙлек менән көтөп ала. Яҙмыш ҡушыуы буйынса уға “Маяҡ” производство берекмәһендә радиация фажиғәһен кисерергә тура килә. Учалыға күсеп килгәс, оҙаҡ йылдар ҡатынының ата-әсәһе менән бер ҡыйыҡ аҫтында йәшәйҙәр. “Радиация арҡаһында зыян күреүселәрҙе торлаҡ менән тәьмин итеү” программаһына ярашлы бүленгән аҡсаға Сафиндар, ниһайәт, торлаҡ проблемаһын хәл итәсәк.
Бөгөн “Ауыл биләмәләренең тото­роҡло үҫеше” федераль программаһы нигеҙендә көнкүреш шарттарын яҡшыртыу маҡсатында район буйынса йөҙгә яҡын ғаилә сиратта тора.
Уларҙың да хыялы, һис шикһеҙ, тормошҡа ашыр тип ышанғы килә, сөнки үҙ йорттары булған ғаиләләр генә үҙҙәрен ысын мәғәнәһендә бәхетле итеп тоя.

Учалы районы.



Беҙҙе Яндекс Дзен лентаһында уҡығыҙ
Комментарий өҫтәргә






Радий Хәбиров үҙенең тыуған яғында

Радий Хәбиров үҙенең тыуған яғында 14.12.2018 // Йәмғиәт

Башҡортостан Башлығы вазифаһын ваҡытлыса башҡарыусы Радий Хәбиров үҙенең тыуған, уҡыған һәм хеҙмәт...

Тотош уҡырға 61

Рөстәм Хәмитов эш башланы

Рөстәм Хәмитов эш башланы 14.12.2018 // Йәмғиәт

Башҡортостандың элекке етәксеһе Рөстәм Хәмитовты “Башнефть” йәмғиәтенең Директорҙар советына...

Тотош уҡырға 77

Сибайҙа эвакуацияға әҙерҙәр

Сибайҙа эвакуацияға әҙерҙәр 14.12.2018 // Йәмғиәт

Сибайҙа эвакуация була ҡалһа, халыҡты ҡабул итеү өсөн 1750 кешегә иҫәпләнгән 27 пункт әҙер....

Тотош уҡырға 143

Һөйөнсө! Берәү... үлде

Һөйөнсө! Берәү... үлде 14.12.2018 // Йәмғиәт

Эйе-эйе, арабыҙҙа кеше үлгән өсөн шатланғандар ҙа бар....

Тотош уҡырға 319

Саҡ “ҡойроҡһоҙ” ҡалмаған

Саҡ “ҡойроҡһоҙ” ҡалмаған 14.12.2018 // Йәмғиәт

Өфөнән Нижневартовскиға йүнәлгән самолет осоу һыҙатында ҡойроғо менән ергә һуғылған....

Тотош уҡырға 88

Йәшәнек беҙ ерҙә...

Йәшәнек беҙ ерҙә... 14.12.2018 // Йәмғиәт

Урман буйында – тиҫтерҙәремдең йөҙө....

Тотош уҡырға 53

Кем милләт әсәһе була ала?

Кем милләт әсәһе була ала? 14.12.2018 // Йәмғиәт

Өлгөлө, күпте күргән ағинәй. Үҙемде башлыса публицист итеп тойһам да, халыҡ мине кроссвордтар...

Тотош уҡырға 73

Яҙмышҡа зарланмай ундайҙар

Яҙмышҡа зарланмай ундайҙар 14.12.2018 // Йәмғиәт

Абрар Камалетдинов бер эштән дә ҡурҡып тормай....

Тотош уҡырға 35

Сит ил йәшәйешенә бер ҡараш

Сит ил йәшәйешенә бер ҡараш 14.12.2018 // Йәмғиәт

Хыялдағы татлы тормош. Ҡасандыр ил сиктәре ҡаты йоҙаҡтар менән бикләнгәйне, капиталистик илдәрҙәге...

Тотош уҡырға 51

Нәфсеңде тыймаһаң, өйөңә килерҙәр

Нәфсеңде тыймаһаң, өйөңә килерҙәр 14.12.2018 // Йәмғиәт

Әбйәлил районында хоҡуҡ һаҡлау органдары элекке ауыл биләмәһе хакимиәте башлығының ҡатыны исеменә...

Тотош уҡырға 87

Тормош – фәлсәфәүи төшөнсә ул

Тормош – фәлсәфәүи төшөнсә ул 14.12.2018 // Йәмғиәт

Академик Фәнил Фәйзуллин бөгөнгө фәндең хәле, ғалимдарҙың йәмғиәттәге урыны һәм уға йоғонтоһо...

Тотош уҡырға 28

Рәхмәт һүҙе

Рәхмәт һүҙе 14.12.2018 // Йәмғиәт

Тамамланып килгән 2018 йыл ғаилә байрамдарыбыҙ менән иҫтә ҡалыр, моғайын....

Тотош уҡырға 40