Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ауылдаштарымдың ҡаһарманлығы
Илебеҙҙе һаҡлаған, кешелек донъяһын фашизмдан ҡотҡарған кешеләргә рәхмәтебеҙ сикһеҙ булырға тейеш. Ир-ат менән бер рәттән ҡатын-ҡыҙ ҙа Бөйөк Ватан һуғышында ҙур батырлыҡ күрһәтте. Шулар рәтендә Инйәр ауылынан Таисия Голубева ла бар.

Инйәрҙә тыуып үҫкән ҡыҙ 1942 йылда Белорет районы военкоматы тарафынан хеҙмәткә саҡырылып, элемтәсе һөнәрен үҙләштерә. Яуҙың аҙағына тиклем ҡатнашып, ефрейтор Таисия Михайловна тыуған яғына орден-миҙалдар тағып ҡайтып төшә. Тыныс тормошта ла һынатмай ул, һәр саҡ алдынғылар рәтендә була. Оҙаҡ йылдар Инйәр урман хужалығында эшләп хаҡлы ялға сыға. Ҡыҙғанысҡа ҡаршы, бер ниндәй уңайлыҡтары булмаған иҫке йортта көн күрергә мәжбүр була.

Анна Бушмакина ла Инйәрҙә тыуа һәм уҡый. 1943 йылда хеҙмәткә алынып, госпиталдә санитарка булып хеҙмәт итә. Рядовой Анна Ивановна 1945 йылда Инйәргә әйләнеп ҡайта. Хәҙер улар беҙҙең арала юҡ инде.

Тыл батыры Хөснийыһан Янышева 1923 йылда Йәрмәкәй районында тыуа. Репрессияға эләгеп, Урта Төлмәйгә килеп эләгә. Белорет ҡалаһына йөрөп уҡый. Педагог һөнәрен алып, Инйәр урта мәктәбе ятағында тәрбиәсе булып хаҡлы ялға сыҡҡансы эшләй. 2016 йылда баҡыйлыҡҡа күсә. Репрессия ҡорбандарына беренсе сиратта фатир бирелергә тейеш булһа ла, Х.Ғ. Янышева иҫке һәм һалҡын йортта ғүмерен үткәрҙе.

Һуғыш яланында һәм тылда батырлыҡ күрһәткәндәр хәҙер бармаҡ менән генә һанарлыҡ. Улар тураһында хәстәрлек күреү һәр кемдең изге бурысына әүерелергә тейеш. Нисек кенә булмаһын, бөтә халҡыбыҙ — һуғыш яланындағылар, тылдағы ҡатын-ҡыҙ, ҡарт-ҡоро, бала-саға ил өсөн барыһын да эшләне, Ватан именлеге өсөн үҙҙәрен йәлләмәне. Был бар халыҡтың еңеүе булды.

Тыл батырҙары Сәрбиямал Сәлимова, Тәнзилә Ғүмәрова, Менәүәрә Миһранова, Сабира Хәсәнова, Хәбирә Фәтҡуллина, Шәрифә Көлсөбаева, Хәбибъямал Асҡарова һәм башҡа бик күптәр Инйәр урмандарында Белорет металлургия комбинаты өсөн ағас күмере әҙерләне.

Белорет районынан һәм ҡалаһынан Евгений Губинға, Иван Оглоблинға, Иван Суховҡа, Владимир Артамоновҡа, Александр Серебрянниковҡа, Павел Кудимовҡа, Зөбәй Үтәғоловҡа, Степан Полуэктовҡа, Шаһи Ямалетдиновҡа, Федор Беловҡа, Алексей Ташкевичҡа, Степан Пугаевҡа, Павел Алексеевҡа Советтар Союзы Геройы исеме бирелде. Илебеҙҙе һаҡлаған, кешелек донъяһын фашизмдан ҡотҡарған кешеләргә ҙур рәхмәт!

Ватанды һаҡларға ауылыбыҙҙан иллегә яҡын ир-егет фронтҡа оҙатылды. Уларҙың яртыһы һуғыш яланында ятып ҡалды, ҡайтҡандарының да күбеһе яралы ине. Ғәббәс Әбүбәкиров тыуған еренә аяҡ баҫыу менән баҡый донъяға китте. Нәҙерғәле Байрамғоловтың бер аяғы операциянан һуң ҡыҫҡа булып ҡалды. Ул урман хужалығына эшкә сыҡты. Урман ҡырҡты, ат менән утын ташыны. Хаҡлы ялға сыҡҡансы шунда эшләне. Зыятхан Абдрахманов, Әйүп Ғәббәсов, Мосауир Ғүмәров, Ишбирҙе һәм Ишбулды Хафизовтар, Исмәғил Кәримов, Мөсәлләм Хәсәнов, Абдрахман Әбүбәкиров, Ғилфан Ғилманов һәм башҡалар һуғыш яланында ятып ҡалды.

Тылдағы ҡатын-ҡыҙҙың төп эше 1,25 метр оҙонлоғондағы йәш, һыу, ауыр утындарҙы 68 һәм 90 кубометр мейестәргә тултырырға кәрәк була. Бер эш көнөндә бының менән дүрт кеше шөғөлләнә. Мейестәр тулмаһа, план үтәлмәһә, аҙыҡ билдәләнгән норманан кәм бирелә. Был ваҡытта инде, билдәле, үҙең дә, балаларың да ас ҡала. Беҙҙекеләр Түбәнге Төлмәйҙә эшләй. Төрлө ауылдарҙан Белорет заводы өсөн бөтәһе 206 мейес күмер әҙерләп оҙаталар.

Һуғыштан һуң да маныштылар һынатманы, ағас әҙерләүҙә, ташыуҙа алдынғылыҡты бирмәне. Рәжәп Мирасовтың бригадаһы айҙан-айға план нормаһын 130 — 150 процентҡа үтәне. Бындай күрһәткес урында ғына түгел, ә бөтә “Башлес”та беренсе булды. Шуның өсөн бригадир Р.Б. Мирасов күп тапҡыр орден-миҙалдар, ордендар, ҡиммәтле бүләктәр менән бүләкләнде.

Юғарыла телгә алынған ауылдаштарҙан әле Ғәзиз Шаһыбал улы Байрамғәлин генә иҫән, ә башҡалар яҡты донъянан китеп бөттө. Беҙ уларҙың береһен дә онотмайбыҙ. Йәндәре йәннәттә булһын.



Беҙҙе Яндекс Дзен лентаһында уҡығыҙ
Комментарий өҫтәргә






Санала  елеп кенә!

Санала елеп кенә! 09.12.2018 // Йәмғиәт

Һуңғы ваҡытта Белорет районы яҡтарына юл йышайып китте. Бирҙеғол ауылына етәрәк ат менән бесән алып...

Тотош уҡырға 63

Иң оҙондар ҡайһы ауылда?

Иң оҙондар ҡайһы ауылда? 09.12.2018 // Йәмғиәт

Район үҙәгендәге спорт-һауыҡтырыу комплексында төбәктәге ауыл биләмәләренең йыйылма командалары...

Тотош уҡырға 40

Урлашҡан... төрмә начальнигы!

Урлашҡан... төрмә начальнигы! 09.12.2018 // Йәмғиәт

Билдәле: төрмәлә тәртип боҙғандар ултыра. Ә бына уларҙы тәрбиәләү менән мәшғүл булырға тейешле...

Тотош уҡырға 60

Уңайлы булһын өсөн

Уңайлы булһын өсөн 09.12.2018 // Йәмғиәт

11 декабрҙән Әбйәлил районының Асҡар ауылындағы Күп функциялы үҙәк “бер тәҙрә” принцибы буйынса...

Тотош уҡырға 31

Мораҙым тарлауығына миндек ташыйҙар

Мораҙым тарлауығына миндек ташыйҙар 08.12.2018 // Йәмғиәт

Күгәрсен районындағы “Мораҙым тарлауығы” тәбиғәт паркы хеҙмәткәрҙәре 25 мал ҡарау майҙансығы...

Тотош уҡырға 55

Иң күңелсәк һәм тапҡырҙар Йәркәйҙә йәшәй

Иң күңелсәк һәм тапҡырҙар Йәркәйҙә йәшәй 08.12.2018 // Йәмғиәт

Илештәр эштә, спортта ғына түгел, ә ял итеүҙә лә ал бирмәй. Райондың ауыл биләмәләре араһында...

Тотош уҡырға 38

Офис өй туйланы

Офис өй туйланы 08.12.2018 // Йәмғиәт

Электр энергияһы ҡулланыусыларҙы хеҙмәтләндергән Бүздәк клиент офисы өр-яңы бинаға күсте. Элек ул...

Тотош уҡырға 40

Иҫке Ҡуянда ла байрам булыр

Иҫке Ҡуянда ла байрам булыр 08.12.2018 // Йәмғиәт

Баҡалы районының хакимиәт башлығы Александр Андреев Туҡбирҙе ауылындағы социаль учреждениеларҙың...

Тотош уҡырға 36

"Торатауҙы һаҡлау тураһындағы ҡарар – берҙәмлек хаҡындағы ваҡиға ул"

"Торатауҙы һаҡлау тураһындағы ҡарар – берҙәмлек хаҡындағы ваҡиға ул" 07.12.2018 // Йәмғиәт

Торатауҙы һаҡлап ҡалыу тураһындағы яңылыҡты мәғлүмәт киңлегендә бик күптән көтәләр ине, тигән...

Тотош уҡырға 43

Ҙур баһа

Ҙур баһа 07.12.2018 // Йәмғиәт

Бөрйән районы хакимиәтендә Ғәҙәттән тыш хәлдәрҙе иҫкәртеү буйынса комиссия ултырышы уҙғарылды. Унда...

Тотош уҡырға 75

Туристик объекттарға йоғонто яһалмаясаҡ

Туристик объекттарға йоғонто яһалмаясаҡ 07.12.2018 // Йәмғиәт

Стәрлетамаҡта сода етештереү маҡсатында Ҡуштауҙы эшкәртеү киләһе 30 йылда ошо тауҙағы туристик...

Тотош уҡырға 40

Вәғәҙә үтәлде

Вәғәҙә үтәлде 07.12.2018 // Йәмғиәт

Әбйәлил районында эш сәфәре ваҡытында Республика Башлығы вазифаһын ваҡытлыса башҡарыусы Радий...

Тотош уҡырға 95