Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Саф шишмә кеүек
Шундай кешеләр осрай: ҡарашы ла, һүҙе лә тынысландырып ебәргәндәй була. Һәр кемгә ихлас күңелдән сыҡҡан шифалы һүҙҙәр табып, кәйефен күтәрә белеүендә генә лә түгел икән хикмәт. Һүҙем “Юлдаш” радиоһы журналисы, бик күп тапшырыу авторы булараҡ күптән билдәле Венера Ситдиҡова тураһында. Ул – матур күңелле ихлас кеше һәм оҫта журналист! Сығышы менән йырҙарҙа йырланған, әҙәбиәттә данланған ҡеүәтле һәм моңло яҡтан – Бөрйәндән.

Һөйкөмлө, яғымлы, йор һүҙле, ихласлығы менән күңелдәрҙе арбаған изге йән менән студент саҡта таныштыҡ. Хәҙер байтаҡ йылдар инде ҡулға-ҡул тотоношоп эшләйбеҙ.

Бәләкәйҙән үк ҡул эшен дә ҡалдырмай, аш-һыу тирәһендә лә булыша, бесәнен дә саба, йәйге каникул мәлдәрендә әсәһе урынына йәйләүҙә һыйыр ҙа һауа, быҙау ҙа ҡарай. Мәктәпте тамамлаған йылда ялан кәртәһе менән ишек алдын бүлгән ҡоймаһын да алмаштырып ҡуя. Наҙланып, һайланып тормай – бар эште емертеп башҡара.

БДУ-ла уҡыған йылдары – йәшлегенең алтын сағы. Республиканың төрлө төбәктәренән йыйылған талантлы, дәртле йәштәр менән бергә уҡый, төркөмдәштәренең күбеһе киң билдәле шәхестәр булып китә. Венера Фәнис ҡыҙы университеттың ижади мөхитендә ҡайнап йәшәй: кисәләрҙә ҡатнаша, республика гәзит­тәренә мәҡәләләр яҙа, радиоға тапшырыуҙар әҙерләй. Тырышыуы бушҡа китмәй: диплом алғас, радиоға эшкә саҡыралар. Йәш һәм егәрле журналистарҙан көслө коллектив туплап, яңы “Радио-2” каналын ойошторған саҡ була был. Радиоһөйләшеүҙәр, радиоуйындар, бигерәк тә байрам һәм ял көндәрендә барған программаларҙы ышанып тапшырыуҙары йәш журналистың булдыҡлылығы хаҡында һөйләй. Бишәр сәғәт тура эфирҙа эшләп, төнгө 12-лә генә тамамлап, иртәгәһенә йәнә иртәнге 9-ға килеп етеү өсөн, һис һүҙһеҙ, физик көс тә талап ителә.

Тәүге эш сәфәре. Ырымбурҙа йәшәгән милләттәштәребеҙ янына юл ала Венера. Шулай башланып китә уның журналислыҡ эше һәм Бөтә донъя башҡорттары ҡоролтайының Башҡарма комитеты менән тығыҙ хеҙмәт­тәшлеге. Төп бурыстарынан тыш, ғилми тикшеренеүҙәр алып бара, йәмәғәт эштәрендә әүҙем ҡатнаша. Йырлы-мәғлүмәтле йүнәлешкә ҡоролған тапшырыуҙары тәүге көндәрҙән үк радио тыңлаусылар тарафынан һөйөү яулай. Фәнни-ғәмәли йыйындар, конференциялар, ғалимдарҙың эшмәкәрлеге тураһында йыш мәғлүмәт бирә Венера Ситдиҡова. Туған тел, диалектология буйынса сит ил һәм төбәк белгестәре сығыштары юғары кимәлдә дауам ителә.

Беҙ төрлө райондарға экспедицияға йыш сығабыҙ. Мәҫәлән, ике йыл элек Учалыға барғанда Венера ла ҡатнашты. Ике тиҫтәнән ашыу ауылда булып, халыҡ менән аралаштыҡ. Райондағы төрлө ырыу башҡорттарының һөйләш үҙенсәлектәрен, аш-һыуын, легендаларын яҙып алдыҡ, боронғо ҡулъяҙмалар эҙләнек һ.б. Ғөмүмән, бик бай мәғлүмәт туп­ланды. Уларҙан Венера Ситдиҡова тәрән йөкмәткеле, фәһемле, файҙалы тапшырыуҙар әҙерләне. Ул был эште артабан тыуған яғы Бөрйәндә лә дауам иткән. Иҫке төрки яҙмаларын табып тәржемә иткән. “Эҙләгән таба”, – тип әйтергә ярата тәжрибәле журналист.

Һуңғы арала Саҡмағош, Баҡалы, Туймазы, Шаран яҡтарынан бай мәғлүмәт йыйып ҡайтты. Ҡыр-йылан, эске-йылан, ҡырғыҙ, йәлдәк, йәнәй ырыуы башҡорттары тураһында элек тә тапшырыуҙарында мәғлүмәт бирә торғайны. Тимәк, радио архивы тағы ла тулыланасаҡ.

Халыҡ хазиналарын халыҡҡа еткереү – ғәйәт ҙур хеҙмәт. Тәбиғәт ҡосағында үҫкән ихлас кеше генә башҡара алалыр уны.

Мин Венера Фәнис ҡыҙын саф шишмә менән сағыштырыуҙан туҡтамайым, сөнки уның күңеле шундай пак, телмәре эфирҙан сылтырап ағып тора. Тағы ниндәй яңылыҡ ишетермен, ҡайһы район кешеләренең тауышын тыңлармын, ниндәйерәк хәл-ваҡиға менән танышырмын, тип ашҡынып көтә уның тапшырыуҙарын халыҡ. Шишмә кеүек һәр саҡ юлын табып, ҡаршылыҡтарҙы еңеп, гелән алға табан бара халыҡ һөйөүен яулаған журналист. Шәһит Хоҙайбирҙин исемендәге премияға күптән лайыҡ ул.



Беҙҙе Яндекс Дзен лентаһында уҡығыҙ
Комментарий өҫтәргә






Хәрби ант көнө кәрәкме?

Хәрби ант көнө кәрәкме? 12.12.2018 // Йәмғиәт

Рәсәйҙә яңы иҫтәлекле дата булдырыу тураһында закон проекты әҙерләнеүе тураһында “Известия” гәзите...

Тотош уҡырға 0

Пенсионер таштарҙы “терелтә”

Пенсионер таштарҙы “терелтә” 12.12.2018 // Йәмғиәт

Кушнаренко ауылы эргәһендәге Ағиҙел йылғаһы ярында ҡаяларҙың “терелгәнен” күреп, һоҡланыуҙан хайран...

Тотош уҡырға 0

Шығайға Ҡыш бабай килгән...

Шығайға Ҡыш бабай килгән... 12.12.2018 // Йәмғиәт

Яңы йылға әҙерлек дәррәү бара — ҡайһы берәүҙәрҙең ихатаһы алдында күптән шыршы балҡый, боҙ һәм...

Тотош уҡырға 0

Өмәләр — ауыл йәме

Өмәләр — ауыл йәме 12.12.2018 // Йәмғиәт

Муллыҡ байрамдары — ҡаҙ өмәләре Йәрмәкәй районында гөрләп уҙа. Усман-Ташлы ауылында Гөлсәсәк менән...

Тотош уҡырға 0

Ҡәйнәһен үлтереп, йортон яндырған

Ҡәйнәһен үлтереп, йортон яндырған 12.12.2018 // Йәмғиәт

Яңауыл районының Бәнибаш ауылында йорт янды. Фажиғә урынында 85 йәшлек хужабикәнең мәйете табылды....

Тотош уҡырға 0

Бүләк алыу тыйыла...

Бүләк алыу тыйыла... 12.12.2018 // Йәмғиәт

Рәсәйҙә табиптарға һәм уҡытыусыларға, чиновниктарға кеүек үк, бүләк алыуҙы тыйыуҙары ихтимал....

Тотош уҡырға 0

Ярай әле тәгәрмәстәрен “сәлдермәгән”

Ярай әле тәгәрмәстәрен “сәлдермәгән” 12.12.2018 // Йәмғиәт

Ишембайҙа “ВАЗ-2106” автомобиленең аккумуляторын урлағандар....

Тотош уҡырға 2

Кесерәйтһәгеҙ, кесерәйергә мин ярармын,  Үҙегеҙ ҙурайырға яраһағыҙ...

Кесерәйтһәгеҙ, кесерәйергә мин ярармын, Үҙегеҙ ҙурайырға яраһағыҙ... 12.12.2018 // Йәмғиәт

Бөйөк Аҡмуллабыҙ әйткән быны. Кеше кәмләүселәргә гел шуны әйтке килә... Ҡана һуң, үҙе ҙурайырға...

Тотош уҡырға 44

Йәшәү мөхитебеҙ ихтирам талап итә

Йәшәү мөхитебеҙ ихтирам талап итә 12.12.2018 // Йәмғиәт

1 ғинуарҙан ҡаты ҡалдыҡтар менән эш итеүҙең яңы системаһына күсергә әҙербеҙме?...

Тотош уҡырға 54

Йомшаҡ ҡуллы,  тәмле телле “фәрештә”

Йомшаҡ ҡуллы, тәмле телле “фәрештә” 12.12.2018 // Йәмғиәт

Ул 40 йылға яҡын сәләмәтлекте хәстәрләй. Йыш ҡына мәрхәмәтле, йомшаҡ ҡуллы, тәмле телле табиптарҙы...

Тотош уҡырға 43

Уҡытыусыларҙың уҡытыусыһының исеме мәңгеләштерелде

Уҡытыусыларҙың уҡытыусыһының исеме мәңгеләштерелде 11.12.2018 // Йәмғиәт

Сирек быуаттан ашыу бай тарихы булған Сибай педагогия колледжы – төбәктә генә түгел, бөтә...

Тотош уҡырға 36

Мәктәп белем биреп еткермәйме?

Мәктәп белем биреп еткермәйме? 11.12.2018 // Йәмғиәт

Башҡортостандың мәғариф министры вазифаһын башҡарыусы Айбулат Хажин мәктәптәрҙә репетиторлыҡ...

Тотош уҡырға 63