Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Матурлыҡ үҙебеҙ өсөн кәрәк
Матурлыҡ үҙебеҙ өсөн кәрәкРеспубликала уңайлы ҡала мөхитен булдырыу программаһы уңышлы тормошҡа ашырыла. Уның һөҙөмтәһендә ҡала һәм райондарҙа урамдар, йорт алдары, ихаталар, йәмәғәт урындары тәртипкә килтерелә. Был йәһәттән Белорет ҡалаһында хәлдәр нисек һуң?

Эш сәфәрен етәкселәр менән һөй­ләшеүҙән түгел, ҡала менән таны­шыуҙан башларға булдыҡ. Иң тәүҙә халыҡ менән осрашайыҡ, фекерҙәрен һорашайыҡ тигән ниәттән. Бер сы­ғышында район хакимиәте баш­лығы Владислав Миронов: “Элек гөрләп торған ҡала паркының хәле шәптән түгел, ошо проект эсендә беҙ уны төҙөкләндерергә теләйбеҙ. Ул бөгөн ҡала халҡы ялын файҙалы һәм күңелле үткәреү өсөн ашҡынып килгән урынға әүерелергә тейеш”, – тигәйне.

Әммә беҙгә ҡаланың бер яҡ осондағы был паркка навигатор күрһәткән юл буйынса тиҙ генә барып етергә насип булманы. Күп кенә урындарҙа юлдарҙы йүнәтеү эше барыу сәбәпле урап үтергә йә ҡаршы яҡтан килгән транспортты үткәреп ебәреү өсөн бер аҙ көтөп торорға тура килде. Уңайлы мөхит булдырыу өсөн ваҡытлыса уңайһыҙлыҡтар тыуҙырырға ла тура килә шул. Ниһайәт, Ленин урамына сығып парк­ка яҡынлаштыҡ тигәндә лә бер аҙ тотҡарландыҡ. Ремонт бара. Бына йөк машинаһы юлға асфальт бушатты. Шуны ғына көтөп торған егеттәр йәһәт кенә иҙмәне тарата ла башланы. Улар эшен теүәлләгәс, ҡеүәтле трактор юлды тигеҙләргә тотондо. Андрей Номадшинин юл ситенә бордюр теҙеү менән мәшғүл. Уңғандарҙы йәһәт кенә фотоға төшөрөп, тауҙар ҡосағындағы ҡаланың матурлығына һоҡлана-һоҡлана юлыбыҙҙы дауам итәбеҙ.

Ағастарҙан алтын япраҡтар ергә һибелә. Төш мәле булһа ла, паркта халыҡ шаҡтай ине. Бер төркөм балалар тренерҙары менән күнекмәләр үткәрә. Әкрен генә атлап килгән инәй менән танышабыҙ. Ғүмер буйы ҡала металлургия комбинатында эшләп хаҡлы ялған сыҡҡан, күптән түгел 75 йәшен тултырған Тамара Шилова ине ул. Заманында конькиҙа шыуыу буйынса спортсы ла булған.

– Ошо паркты йүнәтеп шәп иттеләр әле, – тип һүҙ башланы ул. Элек ташландыҡ булғас, бында килеүе лә ҡурҡыныс ине. Эскеселәр, берәҙәктәр ояһына әйләнеп бара ине. Хәҙер матурланғас, ундай кешеләр юғалды. Кистәрен лампочкалар янып тора. Ба­лаларға ла рәхәт. Ана, күрә­һе­геҙме, кинәнеп велосипедта йөрөй­ҙәр. Фатирым яҡында ғына булғас, гел ошонда ял итергә сығам. Һауа шундай саф бында.

Белорет ҡалаһы хакимиәте башлығы Сергей Поляков, ваҡыты тығыҙ булыуға ҡарамаҫтан, бер үк ваҡытта “Уңайлы ҡала мөхите”, “Бәләкәй ҡалалар паркы” федераль проекттарында ҡатнашыуҙары хаҡында ихлас һөйләне.

— Был программала халыҡтың үҙенең әүҙем булыуы шарт, – тип һүҙ башланы ул. – Ихатала нимә эшләргә, ниндәй йәмәғәт биләмә­ләрен, урамдарҙы, парк һәм сквер­ҙарҙы төҙөкләндерергә икәнен үҙҙәре хәл итә. 2017 йылда башланған уңайлы ҡала мөхитен булдырыу эше быйыл да дауам итте. Быйыл был проектҡа урындағы инициати­валарҙы хуплау программаһы өҫтәл­де. Бығаса Өфө ҡалаһы биләмәһендә генә эшләй ине. Ул йорт алды ихаталарын төҙөкләндереүгә ҡайтып ҡала. Ике йыл эсендә ҡалала бығаса булмағанса йүнәтеү эше алып барылды, 20 процент самаһы ихаталар яңыртылды. Программа 2022 йылға тиклем дауам итә, эш киләсәктә лә ошо күләмдә барһа, һөҙөмтә ҡыуаныслы буласаҡ. Әлегә беҙ 75 йорт алды ихатаһын ипкә килтерҙек. Былар башлыса биш, туғыҙ ҡатлы йорттар.

Бының сере нимәлә һуң? Ҡала етәксеһе бындай йорттарҙа йәшәү­селәр әүҙемлеге менән айырылып тороуын, беренселәрҙән булып заявка биреүен, смета-докумен­тация­һын әҙерләүен билдәләне. Программа шарттары буйынса был хәстәрҙәр уларҙың иңендә ята. Ике йыл эсендә балалар өсөн ун уйын майҙансығы барлыҡҡа килгән. Был, әлбиттә, ҙур булмаған ҡала өсөн ҙур күләм.

Проекттың һөҙөмтәләре ҡыуаныс­лы: былтыр 41 йорт алды яңы ихаталы булһа, быйыл 34 өй тирәһе танымаҫлыҡ итеп үҙгәртелгән. Бынан тыш, йәмәғәт урындары ла матурлана, төҙөкләнә.

– Беҙ ошо программаға ярашлы иҫтәлекле урындарҙы ла ипкә килтерәбеҙ, – тип һүҙен дауам итә Сергей Поляков. – Революционер В.К. Блюхер һәйкәле һәм эргә-тирәһе төҙөкләндерелә. Тарихҡа хөрмәт менән ҡарарға кәрәк.

Ленин урамындағы Үҙәк сквер, бығаса ташландыҡ хәлдә булмаһа ла, ремонттан һуң бөтөнләй икенсе төҫ алған. Эскәмйәләр, яңы плитәләр һалынған, сәскәләр ултыртылған, атай-әсәйҙәр балалары менән килә, рәхәтләнеп ял итә. Матур урын үҙе матурлыҡҡа саҡыра шул.





Беҙҙе Яндекс Дзен лентаһында уҡығыҙ
Комментарий өҫтәргә






Земфира Байбулдина ... ит һата башлаған

Земфира Байбулдина ... ит һата башлаған 12.12.2018 // Йәмғиәт

Башҡортостандың атҡаҙанған артисы Земфира Байбулдинаның баҙарҙа ит һатып торғанын күргән кешеләр...

Тотош уҡырға 407

Йәшәһен Сәйетбаба “такси”һы!

Йәшәһен Сәйетбаба “такси”һы! 12.12.2018 // Йәмғиәт

Сәйетбаба — республикалағы иң ҙур башҡорт ауылы. Уның бер осонан икенсеһенә етер өсөн ярайһы ғына...

Тотош уҡырға 116

Электрон тәртиптә йыш теркәләләр

Электрон тәртиптә йыш теркәләләр 12.12.2018 // Йәмғиәт

Башҡортостан хоҡуҡтарҙы дәүләт теркәүенә электрон тәртиптә бирелгән ғаризалар һаны буйынса Рәсәй...

Тотош уҡырға 34

Хәрби ант көнө кәрәкме?

Хәрби ант көнө кәрәкме? 12.12.2018 // Йәмғиәт

Рәсәйҙә яңы иҫтәлекле дата булдырыу тураһында закон проекты әҙерләнеүе тураһында “Известия” гәзите...

Тотош уҡырға 32

Пенсионер таштарҙы “терелтә”

Пенсионер таштарҙы “терелтә” 12.12.2018 // Йәмғиәт

Кушнаренко ауылы эргәһендәге Ағиҙел йылғаһы ярында ҡаяларҙың “терелгәнен” күреп, һоҡланыуҙан хайран...

Тотош уҡырға 46

Шығайға Ҡыш бабай килгән...

Шығайға Ҡыш бабай килгән... 12.12.2018 // Йәмғиәт

Яңы йылға әҙерлек дәррәү бара — ҡайһы берәүҙәрҙең ихатаһы алдында күптән шыршы балҡый, боҙ һәм...

Тотош уҡырға 58

Өмәләр — ауыл йәме

Өмәләр — ауыл йәме 12.12.2018 // Йәмғиәт

Муллыҡ байрамдары — ҡаҙ өмәләре Йәрмәкәй районында гөрләп уҙа. Усман-Ташлы ауылында Гөлсәсәк менән...

Тотош уҡырға 42

Ҡәйнәһен үлтереп, йортон яндырған

Ҡәйнәһен үлтереп, йортон яндырған 12.12.2018 // Йәмғиәт

Яңауыл районының Бәнибаш ауылында йорт янды. Фажиғә урынында 85 йәшлек хужабикәнең мәйете табылды....

Тотош уҡырға 79

Бүләк алыу тыйыла...

Бүләк алыу тыйыла... 12.12.2018 // Йәмғиәт

Рәсәйҙә табиптарға һәм уҡытыусыларға, чиновниктарға кеүек үк, бүләк алыуҙы тыйыуҙары ихтимал....

Тотош уҡырға 67

Ярай әле тәгәрмәстәрен “сәлдермәгән”

Ярай әле тәгәрмәстәрен “сәлдермәгән” 12.12.2018 // Йәмғиәт

Ишембайҙа “ВАЗ-2106” автомобиленең аккумуляторын урлағандар....

Тотош уҡырға 42

Кесерәйтһәгеҙ, кесерәйергә мин ярармын,  Үҙегеҙ ҙурайырға яраһағыҙ...

Кесерәйтһәгеҙ, кесерәйергә мин ярармын, Үҙегеҙ ҙурайырға яраһағыҙ... 12.12.2018 // Йәмғиәт

Бөйөк Аҡмуллабыҙ әйткән быны. Кеше кәмләүселәргә гел шуны әйтке килә... Ҡана һуң, үҙе ҙурайырға...

Тотош уҡырға 67

Йәшәү мөхитебеҙ ихтирам талап итә

Йәшәү мөхитебеҙ ихтирам талап итә 12.12.2018 // Йәмғиәт

1 ғинуарҙан ҡаты ҡалдыҡтар менән эш итеүҙең яңы системаһына күсергә әҙербеҙме?...

Тотош уҡырға 63