Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Кәрәк икән беҙ – йүнсел, кәрәк икән – комбайнсы!

“Шар төртөү” тигәнде генә аңлатмай спорттың был төрө.

Гел генә “эшләргә, эшләргә” тигән девиз менән йәшәп булмай. Кешегә күңел асыу, аралашыу, ял итеү өсөн дә уңайлы мөхит кәрәк. Дүртөйлөләр буш ваҡытын нисек уҙғара икән? Юл ыңғайы “Империя” тигән яңғырауыҡлы атамалы мәҙәниәт-күңел асыу үҙәгенә һуғылмаҡсы булдыҡ.

Элекке район ҡулланыусылар йәмғиәтенән ҡалған ике ҡатлы бинаны “Империя”ға әүерелдерергә кем баҙнат иткән? Тәүге ҡатында — яландай банкет залы, ә цоколь ҡатында бөтә уңайлыҡтар булдырылған бильярд һәм боулинг залдары. Бар эшләй. Үҙәктең хужаһы, Башҡортостан бильярд спорты федерацияһының Дүртөйлө районы буйынса вәкәләтле вәкиле Азат Хасбуранов биләмәһе менән таныштырыу барышында спорттың ошо төрөнә нисек ылығып китеүен, хәҙер унан башҡа донъя йәмен күҙ алдына ла килтерә алмауын һөйләне.

— Бынан ун йыл самаһы элек спорт мәктәбенә йөрөп, бильярд уйнарға әүәҫләндем. Бик боронғо уйын, тыуған иле — Азия, кемдәрҙер — Һиндостан, икенселәр Ҡытай тип раҫларға тырыша. ХVIII быуат аҙағында ул хатта Европала һәм Рәсәйҙә дворяндарҙы тәрбиәләүҙең мотлаҡ программаһына индерелгән.

— Уйында еңеү өсөн ниндәй сифаттар талап ителә?

— Бильярд бит ул “шар төртөү”ҙе генә аңлатмай. Бик ҡыҙыҡлы, аҡыл һәм зирәклек талап иткән уйын. Геометрияны яҡшы белеү ҙә, логика ла кәрәк. Хатта шахмат уйыны менән сағыштырырға була. Һалҡын ҡанлылыҡты, түҙемлекте ярата, “ҡыҙыу баш”тар өсөн түгел. Кешенең холҡон белгең килһә, мотлаҡ бильярд уйнарға кәрәк, тип белеп әйтәләрҙер. Элек был уйынды һанламаһалар, хәҙер уға ҡараш тамырынан үҙгәрҙе. Ярыштар, турнирҙар бильярдты бына тигән ҡыҙыҡлы спорт төрөнә әүерелдерҙе. Өҫтәүенә уны төрлө йәштәге кеше уйнай ала, йәш сикләнмәгән.


Беҙ әле йыл аҙағында уҙасаҡ Башҡортостан чемпионатының аҙаҡҡы этабына әҙерләнәбеҙ. Еңеү өсөн бары өҙлөкһөҙ күнекмәләр һәм тыныс холоҡлолоҡ кәрәк, Азат Фаил улының “урыҫ” һәм “америка” бильярдтары, уйын ҡағиҙәләре тураһында мауыҡтырғыс итеп һөйләүен ҡыҙыҡһынып тыңланыҡ. Бильярдтың уйын ғына түгел, ә бизнес икәнен дә аңланыҡ, сөнки ул, ғәҙәттә, уңышлы ҡаҙаныштар яулағандарҙың шөғөлө.
Стеналары кубоктар, приздар, иҫтәлекле фотолар менән сыбарланған, заманса дизайн, ҡорамалдар менән йыһазландырылған залды ошо хәлгә индереү өсөн бер йыл дауамында ремонт эшләнек, ти эшҡыуар Азат.

— Ярай әле ағай-эне ярҙам итәйек, тип кенә тора, өмә лә үткәрҙек. Бөгөн коллективтағы ун кеше менән залдарҙы тәртиптә тотабыҙ, банкеттар үткәрәбеҙ. Таңғы сәғәт 4-кә тиклем “Империя” гөрләп тора. Табыш сығымдарҙы ҡапларға ла, эш хаҡы түләргә лә, артабан үҫешергә лә ярҙам итә, — ти ул.

“Хеҙмәтеңдән кинәнес алыу — һирәктәр өлөшө, яратҡан эш ялҡытмайҙыр?” – тигәс, Азат Фаил улы көлөмһөрәп ҡуйҙы.

— Эш түгел, “Империя” — минең өсөн хобби ғына, — тип аптыратты. — Иген игеүҙән дә яҡшыраҡ, күңелгә ятҡан эш юҡ. Маҡтанып әйтә тип уйламағыҙ, мин МТС хужалығында “арбанан төшөп ҡалғандарҙан” түгелмен. Быйыл “Челенджер” комбайнында 40 мең центнер иген йыйып тапшырҙым, 1600 гектар майҙанда иген һуҡтым. Күпме эш хаҡы алдың тип һорайһығыҙмы? Теүәлләп әйтеп тормаһам да була, бик яҡшы түләнеләр, ҡәнәғәтмен.

Баҡһаң, беҙ быйылғы ураҡта механизаторҙар араһында ойошторолған конкурста еңеүселәрҙең, Chevrolet Niva автомобиле менән бүләкләнгән алдынғы комбайнсыларҙың береһе менән әңгәмәләшеп торабыҙ икән.

— Мәктәпкә уҡырға төшкәндән алып гел механизатор атайым эргәһендә йөрөнөм. Ҡыуһалар, ҡасып-боҫоп бункер машинаһы аша комбайнға менеп ултырам. Иванайҙа атайымдың комбайнсы ярҙамсыһы булып та байтаҡ йөрөнөм. Игенсе хеҙмәтенең әсе-сөсөһөн бала сағымдан татып үҫкәнгә шулай яҡын да, ҡәҙерле лә был һөнәр. Салауат ағайым да ошо хужалыҡта эшләй, гел алдынғылар иҫәбендә.

Булмышы менән эшҡыуарлыҡҡа, йөрәге менән ер эшенә тартылған егеттең һөнәрҙәре лә һанап бөткөһөҙ: Азат — ташсы, Азат — бетонсы, Азат — иретеп йәбештереүсе... Дүртөйлөнөң егәрле, ныҡыш ир-аттары халыҡ аҡылына таянып эш итә, күрәһең: “Егет кешегә етмеш төрлө һөнәр ҙә әҙ”.

Автор: Динә АРЫҪЛАНОВА әҙерләне
Фото: Айрат Нурмөхәмәтов фотоһы


Беҙҙе Яндекс Дзен лентаһында уҡығыҙ
Комментарий өҫтәргә






Кемдең быймаһы иң йылыһы һәм матуры?

Кемдең быймаһы иң йылыһы һәм матуры? 22.01.2019 // Йәмғиәт

Йылы, йомшаҡ быймаларҙы кем генә яратмай?! Бигерәк тә беҙҙең төбәктә. Был аяҡ кейеменә ихтыяж һәр...

Тотош уҡырға 68

Шарттар ниндәй – һөҙөмтә шундай

Шарттар ниндәй – һөҙөмтә шундай 22.01.2019 // Яңылыҡтар / Йәмғиәт

“Халыҡтың хәүефһеҙлеге полиция хеҙмәткәрҙәре өсөн булдырылған шарттарға, уларҙың эшкә ниндәй...

Тотош уҡырға 46

Яңы машина кемдә?

Яңы машина кемдә? 22.01.2019 // Йәмғиәт

Әбйәлил районы ветеринария станцияһы өр-яңы “Лада Ларгус” автомобиле менән тулыланды....

Тотош уҡырға 33

Аҡса алмашына!

Аҡса алмашына! 22.01.2019 // Йәмғиәт

Өфө урамында бер ханым өлкән йәштәге инәйгә килеп, алыҫ туғаны булыуы хаҡында хәбәр итә һәм тиҙҙән...

Тотош уҡырға 171

18 -се ҡаттан осоп төшкән

18 -се ҡаттан осоп төшкән 22.01.2019 // Йәмғиәт

Бөгөн Өфөнөң Пушкин 45/1 урамындағы йорттоң 18-се ҡатынан 13 йәшлек үҫмер осоп төшкән....

Тотош уҡырға 177

Тере баланы ...ерләгәндәр

Тере баланы ...ерләгәндәр 22.01.2019 // Йәмғиәт

Һиндостандың Шахджаханупр ҡалаһында була был хәл....

Тотош уҡырға 259

Ғәйепләнеүсе яман шеш менән сирләй

Ғәйепләнеүсе яман шеш менән сирләй 22.01.2019 // Йәмғиәт

Башҡортостанда тәүтикшереүсе ҡыҙҙы көсләүҙә ғәйепләнеүселәрҙең береһе яман шеш менән сирләй....

Тотош уҡырға 128

Автобус ауҙы

Автобус ауҙы 22.01.2019 // Йәмғиәт

Стәрлетамаҡ – Раевка юлында НефАз пассажирҙар автобусы ауған....

Тотош уҡырға 116

Һыуыҡ көндәр дауам итә

Һыуыҡ көндәр дауам итә 22.01.2019 // Йәмғиәт

Башҡортостан гидрометеорология һәм тирә-яҡ мөхит мониторингы идаралығы яңы мәғлүмәт бирҙе....

Тотош уҡырға 64

Яҡташыбыҙ зыян күрҙе

Яҡташыбыҙ зыян күрҙе 22.01.2019 // Йәмғиәт

Ошо көндәрҙә Цабал тау полигонынан Абхазиялағы даими тупланыу пунктына барғанда хәрби техника...

Тотош уҡырға 94

Сибай карьерына һыу тултырасаҡтар

Сибай карьерына һыу тултырасаҡтар 22.01.2019 // Йәмғиәт

Биш-ете көндән Сибайҙағы карьерға һыу ағыҙыу буйынса эш башлана....

Тотош уҡырға 88

Муттарға шул ғына кәрәк!

Муттарға шул ғына кәрәк! 22.01.2019 // Йәмғиәт

Фажиғәнән дә үҙҙәренә кәсеп табып, табыш алып йәшәгәндәр бар. Магнитогорскиҙағы ҡайғылы ваҡиғанан...

Тотош уҡырға 83