Хеҙмәтенә күрә — хөрмәте

31-05-2012, 01:01 // Йәмғиәт // Баҫып сығарырға
Рәсәй Федерацияһы Президенты указдары менән ватан мәҙәниәтен һәм сәнғәтен үҫтереүҙәге ҙур хеҙмәте, оҙаҡ йылдар уңышлы эшләгәне өсөн Заһир Исмәғилев исемендәге Өфө дәүләт сәнғәт академияһының кафедра профессоры Мортазина Миләүшә Ғәли ҡыҙы — II дәрәжә “Ватан алдындағы хеҙмәттәре өсөн” орден миҙалы; балаларҙы тәрбиәләүҙәге һәм ғаилә традицияларын нығытыуҙағы хеҙмәте өсөн Ауырғазы районы Юламан ауылының урта дөйөм белем биреү мәктәбе уҡытыусыһы Ивановой Алексей Яковлевич, Ауырғазы районынан Иванова Вера Александровна — “Ата-әсәлек даны” ордены; Мәләүез районы хакимиәте башлығының беренсе урынбаҫары Гавва Николай Алексеевич, Мәләүез районының “Проект-смета төркөмө” муниципаль унитар предприятиеһының төп инженер-төҙөүсеһе Гавва Ольга Ивановна, Әбйәлил районындағы “Белоретгаз” филиалы мастеры Ҡунафин Таһир Данияр улы, Әбйәлил районындағы шәхси эшҡыуар Ҡунафина Гөлфиә Фазулла ҡыҙы, Борай районының Ленин исемендәге крәҫтиән хужалыҡтары, ауыл хужалығы кооперативтары һәм бәләкәй предприятиелар ассоциацияһы умартасыһы Нуретдинов Мирзаһит Әхмәтнур улы, Борай үҙәк район дауаханаһының Туҡай ауылындағы фельдшер-акушерлыҡ пункты фельдшеры Нуретдинова Римма Тәлғәт ҡыҙы, Бәләбәй ҡалаһының үҙәк мәҙәниәт һарайы хеҙмәткәрҙәре: урыҫ халыҡ уйын ҡоралдарының халыҡ коллективы дирижеры Крылов Павел Николаевич, “Реченька” халыҡ коллективы ансамбле хормейстеры Крылова Зинаида Тимофеевна, Бәләбәй ҡалаһының “СтройСнабСервис” яуаплылығы сикләнгән йәмғиәтенең инженер-энергетигы Щукин Владимир Анатольевич, Бәләбәй ҡалаһындағы 1-се гимназияның бейеү түңәрәге етәксеһе Щукина Надежда Камил ҡыҙы “Ата-әсәлек даны” орден миҙалы менән бүләкләнде.