Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Йылайыр”ҙа иң тәүҙә һыу буласаҡ
Баймаҡ районында хакимиәттең уҙған йылдағы эшмәкәрлеге менән халыҡты яҡындан таныштырыу, урындағы мәсьәләләрҙе өйрәнеү һәм күҙмә-күҙ ҡарап аралашыу маҡсатында мәғлүмәт төркөмдәре эшләй.

Мәғлүмәт төркөмө ағазалары күпселек ауыл биләмәләрендә булып, халыҡ менән осрашып, уларҙы борсоған проблемалар хаҡында ишетеп тә өлгөрҙө. Бындай осрашыуҙар ике яҡ өсөн дә отошло: етәкселәр мәсьәләне урында кешеләрҙең үҙҙәренән ишетһә, ауыл халҡы етәкселәрҙе күреп, уларға шәхсән мөрәжәғәт итә. Күпселек мәсьәләләр урында уҡ хәл ителә.

Баймаҡ районы хакимиәте вазифаһын башҡарыусы Фәнис Әминев етәкселегендәге мәғлүмәт төркөмө ҡасандыр бар донъяға үҙенең иген фабрикаһы менән билдәле булған Ленин орденлы “Йылайыр” совхозы халҡы менән осрашты. Ә бында хәл итәһе проблемалар ҙа, эшләнәһе эштәр ҙә етәрлек.

“Һыуһыҙ күпме интегергә була?.. Күп фатирлы йорттарҙың подъездарында ремонт ҡасан яһалыр?.. Ни өсөн Баймаҡта балалар майҙансыҡтары бар, ә беҙҙә юҡ?..” тигән һорауҙар яуҙырҙы ауыл халҡы.


Һаулыҡ һаҡлау өлкәһендә 38 йыл шәфҡәт туташы булып эшләгән Сафия Мөхәмәтйәнова ҡасандыр гөрләп торған дауахананың ябылыу алдында тороуын әсенеп һөйләне.

– Сирлеләр Баймаҡ, Сибай ҡалаларына йәки Иҫке Сибай дауханаһына йөрөргә мәжбүр. Педиатр, теш табибының булмауы хәлде йәнә ҡатмарлаштыра. Медицина учреждениеһына күптән ремонт талап ителә, һыу юҡ, бина ныҡ иҫкергән, – ти ул.


Уның һүҙҙәренә өлкән шәфҡәт туташы Алһыу Юнысбаева ҡушыла: “Беҙҙә туғыҙ бүлексәлә бөтәһе дүрт меңдән ашыу кеше иҫәпләнә. Дауаханала ни бары ун урын ғына”.

“Ялан” фольклор ансамбле ағзалары Миңһылыу Ҡылысова һәм Роза Сәлимованы авария хәлендәге мәҙәниәт йорто борсой.

– Клуб ябылды, музыкаль хеҙмәткәрҙәр юҡ, халыҡ нисек итеп мәҙәни тормошһоҙ йәшәргә тейеш? – тиҙәр.


Баймаҡ район хакимиәте башлығы вазифаһын башҡарыусы Фәнис Әминев әйтеүенсә, халыҡ һаман да элекке бай совхоз осорон һағынып йәшәүҙән арынмай. Күп проблемаларҙы ауыл биләмәһе башлығы менән бергәләшеп, аңлашып, үҙ-ара хәл итергә лә мөмкин.

Боҙ аҡрынлап урынынан ҡуҙғала, иң тәүҙә һыу проблемаһы хәл ителәсәк. Республика Хөкүмәте ярҙамында проект эштәре өсөн 17 миллион һум аҡса бүленгән. Шулай уҡ мәҙәниәт усағы ла яңыртыласаҡ, балалар өсөн уйын майҙансыҡтары ла эшләнәсәк.

Мәғлүмәт төркөмө ағзалары халыҡтың үҙҙәрен дә әүҙемерәк булырға саҡырҙы, шулай уҡ ауылдарҙы төҙөкләндереүҙә ҙур ярҙам булған федераль һәм республика кимәлендәге “Уңайлы ҡала мөхите”, быйылдан иғлан ителгән “Тыуған урам” проекттарында ҡатнашырға тәҡдим итте.


Автор: К. Ишбулдина
Фото: Баймаҡ районы хакимиәте сайтынан


Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 182

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 185

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 238

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 402

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 306

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 248

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 255

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 495

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 58

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 145

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 117

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 128