Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ҡайҙа барһаң да, дуҫтар кәрәк...
Ҡайҙа барһаң да, дуҫтар кәрәк...Ысынлап та, был тормошта дуҫтарһыҙ йәшәү еңел түгел. Әбйәлил районының Сиҙәм урта мәктәбе коллективы ла “Башҡортостан” гәзитенә барлыҡ коллектив менән яҙылып, дуҫтарыбыҙ һанын арттырҙы.

Сиҙәм мәктәбе — районда иң ҙур һәм өлгөлө белем усаҡтарының береһе.
Элек-электән мәктәп, данлы сиҙәмселәр традицияһына тоғро ҡалып, үҙ уҡыусыларын ауыл хужалығы һөнәрҙәренә йүнәлтеүҙе маҡсат итеп алған. Бөгөн дә бында өҫтәлмә дәрестәр нигеҙендә уҡыусыларға хеҙмәт тәрбиәһе биреүҙе, өлкән класс егеттәрен механизатор һөнәренә уҡытыуҙы ла дауам итәләр. Күптәре артабан ошо йүнәлештә белемен камиллаштырып, ватан һәм сит ил техникаһын “ауыҙлыҡлап”, тора-бара үҙ эшенең оҫтаһына әүерелә. Араларында фермер булып киткәндәре лә, хужалыҡ етәкселәре лә юҡ түгел.
Йәш быуынды сәләмәт рухта тәрбиәләү, мәктәп, район, республика чемпиондарын ғына түгел, хатта уларҙы Рәсәй күләмендә әҙерләү йәһәтенән дә ал бирмәй Сиҙәм мәктәбе. Бында бигерәк тә бокс һәм кикбоксинг секциялары уңышлы эшләй. Рөстәм Нуретдин улы Мәүлетдиновтың тәрбиәләнеүселәре, оҫталыҡ һәм ныҡышмалылыҡ күрһәтеп, еңеү артынан еңеү яулай. Мәктәптең ғорурлығы Гүзәл Сәғитова, Вадим һәм Венер Ғүмәровтар, Морат һәм Рәсүл Мәүлетдиновтар, Әмир Сөләймәнов, Алина Йәғәфәрова бокс һәм кикбоксинг буйынса Рәсәй чемпионы булһа, Динир Шакиров менән Альфред Фәхрисламовҡа еңел атлетикала тиңләшеүсе юҡ!
Быйылғы сығарылыштың 35 уҡыусыһы араһында ла район һәм республика предмет олимпиадаларында еңеүселәр, призерҙар бар. Мәҫәлән, Нурзиә Нафиҡова — алтын, Әлфиә Вәлитова иһә көмөш миҙалға дәғүә итә. Ҡыҙҙарҙың тырыш һәм ныҡышмал булыуын иҫәпкә алғанда, улар мәктәптең, ата-әсәһенең ышанысын тулыһынса аҡлауына өмөт ҙур.
Ағай һәм апайҙарына алмашҡа килергә йөрөгән 30 бала беренсе класҡа әҙерлек төркөмөнә яҙылып та өлгөргән.
Шуны ла билдәләү мөһим: коллектив уҡыусылар менән мәктәп яны участкаһында йыл да төрлө емеш-еләк, йәшелсә үҫтерә, ҡышҡылыҡҡа тулыһынса үҙҙәренә етерлек аҙыҡ туплай. Хатта артығын ауыл халҡына һатып, кәрәк-яраҡҡа тотонорлоҡ аҡса ла эшләйҙәр.
Мәктәптә төрлө йүнәлештә 17 түңәрәк бар. Айырыуса уҡыусылар Нәзифә Өмөтбаева етәкләгән “Йәйғор” бейеү ансамбленә, “Оҫта ҡулдар” (Мәрзиә Өмөтбаева), “Ағас һырлау” (Ләлә Ибраһимова) түңәрәктәренә әүҙем йөрөй.
Ошоғаса урыҫ мәктәбе тип иҫәпләнгән Сиҙәм белем биреү усағы хеҙмәткәрҙәренең коллектив менән “Башҡортостан”ға яҙылыу акцияһына ҡушылыуы, һис һүҙһеҙ, хуплауға лайыҡ. Бына кемдәрҙән өлгө алырға кәрәк! Артабан сиҙәмдәрҙең изге эшен күтәреп алыусылар булырмы икән?
Кәримә УСМАНОВА
Әбйәлил районы.



Беҙҙе Яндекс Дзен лентаһында уҡығыҙ
Комментарий өҫтәргә






Саф шишмә кеүек

Саф шишмә кеүек 25.09.2018 // Йәмғиәт

Шундай кешеләр осрай: ҡарашы ла, һүҙе лә тынысландырып ебәргәндәй була. Һәр кемгә ихлас күңелдән...

Тотош уҡырға 36

Динебеҙҙә – сәс хаҡында

Динебеҙҙә – сәс хаҡында 25.09.2018 // Йәмғиәт

Һаулыҡта матурлыҡтың сағылышы бар, тиҙәр. Ысынлап та, тән сәләмәтлеге, күңел бөтөнлөгө һәм таҙалыҡ...

Тотош уҡырға 37

Ауылдаштарымдың ҡаһарманлығы

Ауылдаштарымдың ҡаһарманлығы 25.09.2018 // Йәмғиәт

Илебеҙҙе һаҡлаған, кешелек донъяһын фашизмдан ҡотҡарған кешеләргә рәхмәтебеҙ сикһеҙ булырға тейеш....

Тотош уҡырға 27

Булдыҡлының эше уң

Булдыҡлының эше уң 25.09.2018 // Йәмғиәт

Байым ауылында өлгөлө ғаиләләр күп. Улар тырышып донъя көтә, балалар үҫтерә. Ауыл ерендә эш юҡ тип,...

Тотош уҡырға 31

Артабан да бергә ҡалайыҡ

Артабан да бергә ҡалайыҡ 25.09.2018 // Йәмғиәт

Һәр ваҡыттағыса, редакцияға хөрмәтле гәзит уҡыусыларыбыҙҙан хаттар ағымы туҡтамай. Уларҙың һәр юлы...

Тотош уҡырға 32

Таш хәтерен яңыртыусы

Таш хәтерен яңыртыусы 25.09.2018 // Йәмғиәт

Геолог тормошона арналған саралар үтте. Күренекле геолог һәм дәүләт эшмәкәре, СССР Дәүләт премияһы...

Тотош уҡырға 46

Юл түләүле буласаҡ

Юл түләүле буласаҡ 25.09.2018 // Йәмғиәт

М-5 һәм М-7 федераль трассаларын тоташтырасаҡ Өфө ҡалаһынан Көнсығыш сығыу юлы автомобиль...

Тотош уҡырға 39

Әбейҙәр сыуағы хушлаша

Әбейҙәр сыуағы хушлаша 25.09.2018 // Йәмғиәт

Башҡортостан биләмәһендә һауа торошо үҙгәрә: сыуаҡ көндәргә алмашҡа көҙгө ямғырҙар башланыуы һәм...

Тотош уҡырға 39

Ҡомартҡылар тарих һөйләй

Ҡомартҡылар тарих һөйләй 25.09.2018 // Йәмғиәт

Көслө зат яҙмышы иленекенән айырылғыһыҙ. Музей. Тынлыҡ. Яй ғына баҫып, бер ҡомартҡынан икенсеһенә...

Тотош уҡырға 33

Сик буйында тора һаҡсы...

Сик буйында тора һаҡсы... 25.09.2018 // Йәмғиәт

Ошондай һәйкәлдәр һәр төбәктә бармы? Төбәгебеҙҙең рухи мәккәһе булған Сибайҙа тарихыбыҙға, йәштәр...

Тотош уҡырға 42

Элвин Грей ауырыған

Элвин Грей ауырыған 25.09.2018 // Йәмғиәт

Кисә йырсы Радик Юлъяҡшиндың (Элвин Грей) социаль селтәрҙәге сәхифәһендә уның сирләп китеүе...

Тотош уҡырға 44

“Үҙгәрештәрҙән ҡурҡмаҫҡа”

“Үҙгәрештәрҙән ҡурҡмаҫҡа” 25.09.2018 // Йәмғиәт

Риэлтор эшмәкәрлеге ниҙән ғибәрәт? Яңы фатир алам тип бөтөнләй мөйөшһөҙ ҡалғандар хаҡында...

Тотош уҡырға 41