Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Гимн минеке түгел, ул — халыҡтыҡы!
Республикабыҙҙың дәүләт байрамдары, юғары кимәлдәге спорт ярыштары айҡанлы тантаналарҙы һәм рәсми сараларҙы Башҡортостан гимны менән башлап ебәрергә күнегелгән. Ошо көндәрҙә республиканың дәүләт символдары — гимн менән герб тураһында закондар ҡабул ителеүгә 19 йыл тула. Республика көнө алдынан Башҡортостан гимны авторы Фәрит Иҙрисов “Башҡортостан”ға ҡунаҡҡа килде. Форсаттан файҙаланып, уның менән ҡыҫҡа ғына әңгәмә ҡороп алдыҡ.

— Гимн ҡабул ителгән көндө әле лә яҡшы хәтерләйһегеҙҙер, моғайын?
— Әлбиттә! 1993 йылдың 12 октябрендә Гимн менән Герб бер юлы ҡабул ителде. Юғары Советтың 20-се сессияһында булды был хәл, хатта ваҡытын да беләм — сәғәт көндөҙгө 12 ине. 15 йыл үткәс, 2008 йылда, уның һүҙҙәре лә раҫланды.
— Гимндың тексы менән ҡәнәғәтһегеҙме?
— Был бик ҙур коллектив эш булды, арҙаҡлы шәхестәребеҙ, шағирҙарыбыҙ ҡатнашты. Урыҫ теленә тәржемә иткәндә үҙем дә ярҙамлаштым. Эйе, һүҙҙәре менән ҡәнәғәтмен һәм ризамын.
— Сит илдәрҙә гимнды халыҡ яттан белә, ә беҙҙә был күҙәтелмәй. Сәбәбе ниҙә икән?
— Ысынлап та, сит илдәрҙә гимн һүҙҙәрен һәйбәт беләләр, хатта ҡушылып йырлайҙар. Әле Рәсәй гимнын да ятлап алыусылар арта башланы. Беҙҙекенә килгәндә, бәлки, уның әлегә киң таралмауындалыр сәбәп.

— Ә нисек таратырға?
— Балалар баҡсаһынан, мәктәптән үк уҡытырға кәрәктер. Ул артыҡ ауыр һәм ҙур күләмле әҫәр түгел. Белеүемсә, Мәрйәм Бураҡаеваның “Тормош һабаҡтары” китабына һүҙҙәре индерелгән, шулай булғас, уҡыусыларҙың ҡул аҫтында бар. Күп нәмә тәрбиәнән килә: балала бәләкәстән ватансылыҡ, гражданлыҡ хисе тәрбиәләргә кәрәк. Тап гимнды белеү, герб менән флагка ихтирамлы ҡараш — ошоноң нигеҙе.
— Гимн оҙаҡ яҙылдымы?
— Дөрөҫөн генә әйткәндә, ярты сәғәт эсендә тыуҙы! Ысын-ысын. Ни өсөн тигәндә, мин уны ғүмерем буйы күңелем түрендә йөрөткәйнем. Унда минең барлыҡ ҡарашым, хистәрем, тойғоларым тупланған. Әле Дәүләт суверенитеты тураһындағы декларация ҡабул ителгәнгә тиклем үк үҙаллылыҡ тураһында хыялланып йөрөнөк. Ә үҙем, хәрби музыкант булараҡ, бәләкәй саҡтан республикабыҙға гимн кәрәк тигән уйҙы күңелемдә йөрөттөм.
— Берәй урында гимн уйнағанын ишетһәгеҙ, ниндәй тойғо кисерәһегеҙ? Уны үҙегеҙ яҙғас, ғорурлыҡтыр, моғайын...
— Ижад кешеһе әҫәр өҫтөндә эшләгән саҡта ғына ул уныҡы. Ошо ижадының емешен тағы бер кешегә күрһәтһә, ул инде һинеке булыуҙан туҡтай. Ә халыҡ үҙ иткән, закон нигеҙендә ҡабул ителгән дәүләт символы булып китһә, ул дөйөм халыҡтыҡына әүерелә. Бик тулҡынландырғыс хистәр кисерәм, һүҙ менән генә аңлатып булмай...
— Гимнды яҙғанда күҙ алдығыҙҙа ниндәй образдар тыуҙы?
— Был һорауығыҙға ла аныҡ ҡына яуап биреп булмай. Күҙ алдымда Башҡортостаным булды. Музыка белеме булғандар, ноталар менән таныш кешеләр һиҙәлер — унда боролоштар бер өҫкә уҡтала, бер аҫҡа төшөп китә кеүек. Бында, ғөмүмән, Урал тауы образы ята.
— Бер урынында көй урғылып-урғылып киткәндәй тойола, һәм ҡурай тауышы асыҡ ишетелә...
— Гимн ҡурай өсөн махсус яҙылды. Халҡыбыҙҙың төп уйын ҡоралынан тыш гимнды күҙ алдына ла килтереп булмай. Ысынлап, тап ҡурай уны үҙенсәлеклерәк итә, беҙҙең халыҡтың күңеленә яҡынайталыр.
Әлфиә ӘЙҮПОВА әңгәмәләште.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Һәр саҡ сафта

Һәр саҡ сафта 22.02.2019 // Йәмғиәт

Егеттәрсә төҙ кәүҙәле, Урал ҡарағасындай ныҡ, хәрбиҙәргә хас аҙымдар менән атлап, йәштәрсә донъя...

Тотош уҡырға 0

Ватан ҡушҡан бурыс

Ватан ҡушҡан бурыс 22.02.2019 // Йәмғиәт

Хәтеремдә, унынсы класта уҡып йөрөгән йылда мәктәп линейкаһында Афғанстандан совет ғәскәрҙәренең...

Тотош уҡырға 0

Ҡаһарманлыҡ дәресе – файҙаға

Ҡаһарманлыҡ дәресе – файҙаға 22.02.2019 // Йәмғиәт

Беренсеһе – батырлыҡ, икенсеһе – тәүәккәллек....

Тотош уҡырға 20

Илһөйәрлек ҡайҙан башлана?

Илһөйәрлек ҡайҙан башлана? 22.02.2019 // Йәмғиәт

Уларҙың һыны һәйкәл булып ҡалҡты....

Тотош уҡырға 22

Көслө армия – ил терәге

Көслө армия – ил терәге 22.02.2019 // Йәмғиәт

Ватан һаҡсыһы һөнәре бер ваҡытта ла абруйын юғалтмай....

Тотош уҡырға 40

Тыныслыҡ һәм мәңгелек билдәһе

Тыныслыҡ һәм мәңгелек билдәһе 22.02.2019 // Йәмғиәт

1990 йылдың 11 октябрендә Юғары Совет тарафынан Башҡортостан Республикаһының Дәүләт суверенитеты...

Тотош уҡырға 27

Бында ысын илһөйәрҙәр үҫә!

Бында ысын илһөйәрҙәр үҫә! 22.02.2019 // Йәмғиәт

Ике тапҡыр Советтар Союзы Геройы Муса Гәрәев исемендәге башланғыс осош әҙерлеге алып барылған Өфө...

Тотош уҡырға 27

“BashDic” ниҙәр тәҡдим итә?

“BashDic” ниҙәр тәҡдим итә? 21.02.2019 // Йәмғиәт

Өфөлә “BashDic” электрон уҡыу баҫмаһының исем туйы үтте. Сараға китап уҡыусылар, студенттар,...

Тотош уҡырға 27

Өфөлә ҙур Еңеү парады көтөлә

Өфөлә ҙур Еңеү парады көтөлә 21.02.2019 // Йәмғиәт

Хәбәр итеүебеҙсә, “Башҡортостан – мөмкинлектәр биләмәһе” форумында йәштәр Радий Хәбировҡа бик күп...

Тотош уҡырға 73

Красногорск халҡы беҙҙән ни өсөн көнләшә?

Красногорск халҡы беҙҙән ни өсөн көнләшә? 21.02.2019 // Йәмғиәт

“Башҡортостан – мөмкинлектәр биләмәһе” форумында Рәсәйҙә билдәле актер Антон Богданов ҡатнашты....

Тотош уҡырға 61

Йәштәр белә: Башҡортостан – мөмкинлектәр биләмәһе

Йәштәр белә: Башҡортостан – мөмкинлектәр биләмәһе 21.02.2019 // Йәмғиәт

Бөгөн республика Башлығы вазифаһын ваҡытлыса башҡарыусы Радий Хәбиров төбәктең әүҙем йәштәре менән...

Тотош уҡырға 78

Киттек Бухартовскийҙың йортона!

Киттек Бухартовскийҙың йортона! 21.02.2019 // Йәмғиәт

Өфө йәмәғәтселәре ташландыҡ архитектура ҡомартҡыларында өмәләр ойошторорға тәҡдим итә....

Тотош уҡырға 48