Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ышаныслы аҙымдар менән
Ышаныслы аҙымдар менәнБөрө юл ремонт-төҙөлөш идаралығы республикабыҙҙың төньяҡ райондары юлдарын хеҙмәтләндерә. Тотороҡло коллективҡа тәжрибәле, тырыш, талапсан белгес — Фаат Хәлитов етәкселек итә.

Уны был яуаплы вазифаға 1995 йылда тәғәйенләйҙәр. Предприятиеның ныҡлы матди-техник базаһы, үҙ эшенең оҫталарынан торған коллектив — тап Фаат Ғәднән улының ныҡышмалы хеҙмәт емеше тиһәк, һис арттырыу булмаҫ.
Бөгөн Бөрө юл ремонт-төҙөлөш идаралығы республика, муниципаль-ара, район тәғәйенләнешендәге 319 километр юлды, ике тиҫтәгә яҡын күперҙе хеҙмәтләндерә. Юлдарҙың яртыһынан күп өлөшөнә асфальт түшәлгән.
Коллективта йөҙҙән ашыу кеше эшләй, шуларҙың 25 проценты — йәштәр. Уларҙы, иң беренсе сиратта, хеҙмәт шарттары йәлеп итә: эш хаҡын ваҡытында түләйҙәр, матди ярҙам да күрһәтелә. Хеҙмәткәрҙәргә һәм уларҙың ғаилә ағзаларына йыл һайын шифаханаларҙа ял итеү мөмкинлеге бар. Йәштәрҙең белемен, оҫталығын артабан үҫтереү, камиллаштырыуға ла ҙур иғтибар бирелә. Эшселәрҙең яҡшы сифаттарын күрергә, уларҙың һөнәри үҫешенә ярҙам итергә, кадрҙарҙың ҡәҙерен белергә кәрәк, тип фекер йөрөтә идаралыҡ етәкселеге. Эйе, шул осраҡта ғына һәр кем илһамланып, дәртләнеп эшләйәсәк һәм уның хеҙмәт һөҙөмтәһенән коллективтың дөйөм уңышы хасил буласаҡ.
Предприятиела йәштәргә өлгө алырлыҡ тәжрибәле һөнәрмәндәр етерлек. Мәҫәлән, эшсе Виктор Апкаликов, мастер Евгений Йәнбулатов — 1994 йылдан, машинистарЫшаныслы аҙымдар менән Родион Князев, Анатолий Белюшин 1997 йылдан алып эшләй. Ябай эшсенән баш инженер вазифаһына тиклем күтәрелгән, бөгөн асфальт-бетон заводының мөдире Владимир Александров фиҙаҡәр хеҙмәте өсөн “Рәсәй Федерацияһының почетлы юлсыһы” исеменә, бихисап Почет грамотаһына, Маҡтау ҡағыҙына лайыҡ булған.
Бында бер нисә ғаилә династияһы ла бар. Миҫалға Айдыбаевтарҙы алайыҡ — башта коллективта аталары эшләгән, хәҙерге көндә ике улы тырышлыҡ һала. Стариковтарҙан да атаһына алмашҡа улы килгән.
Ауыл юлдарын төҙөү, йүнәтеү буйынса федераль программала ҡатнашыу Бөрө юл-төҙөлөш идаралығына иртәгәһе көнгә ышаныс менән атларға мөмкинлек бирә. Былтыр 136 миллион һумлыҡ эш башҡарһалар, быйыл уны 140 миллионға еткерергә уйлайҙар.
Предприятие республиканың төрлө райондарында эшләү барышында яңы технологияларҙы ҡыйыу үҙләштерә, айырыуса Канада юлсыларының алымдарын үҙ итәләр, сөнки тәбиғәт шарттары оҡшаш икән. Борай — Иҫке Балтас—Көйәҙе трассаһындағы арала тәүгеләрҙән булып “техпол” материалын ҡулланып юл төҙөй башлағандар. Өфө — Бөрө — Яңауыл юлының Мишкә районы аша үткән өлөшөндәге төҙөлөштә асфальт-бетон составына “фибро” материалы ҡушыла. Әлегә быны һынау рәүешендә генә ҡулланалар. Әлбиттә, барлыҡ саралар, эште фәнгә таянып башҡарыу юлдарҙың хеҙмәт итеү ваҡытын оҙайтыр, уның өҫкө ҡатламы тиҙ боҙолмаҫ, тип көтөлә. Сығымдар ҙа кәмейәсәк.
Һуңғы ике йылда ғына предприятие вибрациялы тигеҙләгес, тейәгес, “Беларусь” тракторы, “Газель” мкироавтобусы, грейдер, өс үҙбушатҡыс “КамАЗ”, асфальт һалғыс һатып алған. Матди-техник базаның ҡеүәтле булыуы, кадрҙарға мохтажлыҡ кисермәү коллективҡа “Башкиравтодор” филиалдары араһында алдынғы урынды һаҡларға, ҡатмарлы бурыстарҙы билдәләнгән ваҡытҡа үтәргә булышлыҡ итә.
Заманса сит ил техникаһында эшләү өсөн белем, һөнәри оҫталыҡ та кәрәк. Егәрле тракторсы-машинистар И. Бәхтегәрәев, А. Зәйнетдинов, Р. Вәлиев, А. Матеевский һәм башҡалар үҙҙәренә тапшырылған “ҡорос ат” менән ышаныслы идара итә. Үҙ бурысына яуаплы ҡараған хеҙмәткәрҙәр урта звено етәкселәре, техниканы хеҙмәтләндереүсе, асфальт-бетон заводында эшләүселәр араһында ла бар.
Бөрө юл ремонт-төҙөлөш идаралығында хеҙмәт традицияларын ҡәҙерләп һаҡлайҙар. Шулай уҡ бында коллектив ағзаларының ялын һәм һаулығын да ойошторорға онотмайҙар. Спорт менән әүҙем шөғөлләнәләр. Бөрөләрҙең тармаҡтың республика ярыштарында яуланған күп һанлы дипломдары, кубоктары — шуға миҫал. Идаралыҡ төрлө райондарҙа эшләү менән бер рәттән Бөрө ҡалаһының урамдарын, кварталдарын йүнәтеү, төҙөкләндереүгә тос өлөш индерә.



Беҙҙе Яндекс Дзен лентаһында уҡығыҙ
Комментарий өҫтәргә






Мостай Кәрим алда бара

Мостай Кәрим алда бара 17.11.2018 // Йәмғиәт

Өфө аэропортына исем һайлау буйынса биш көн тауыш биреү барышында халыҡ шағиры Мостай Кәрим алда...

Тотош уҡырға 0

Беҙ – хәүефһеҙ республика

Беҙ – хәүефһеҙ республика 17.11.2018 // Йәмғиәт

Республика халҡы менән тиҙ генә кире бәйләнеш булдырыу өсөн Башҡортостандың Ғәҙәттән тыш хәлдәр...

Тотош уҡырға 18

Әллә ҡыш, әллә йәй...

Әллә ҡыш, әллә йәй... 17.11.2018 // Йәмғиәт

Бөгөн, 17 ноябрҙә, Өфөлә урыны-урыны менән боҙло ямғыр яуып үтте....

Тотош уҡырға 29

Юлсылар эште туҡтатты

Юлсылар эште туҡтатты 17.11.2018 // Йәмғиәт

«Приуралье” юл идаралығы Өфө – Ырымбур юлын ремонтлауҙы туҡтатырға булды. Был ҡарарҙы ул үҙе...

Тотош уҡырға 34

Кокорин урамында ҡурҡыныс

Кокорин урамында ҡурҡыныс 17.11.2018 // Йәмғиәт

Сибайҙа Кокорин урамында “ПАЗ” маркалы автобус янып киткән. Янғын-ҡотҡарыу хеҙмәтенең диспетчер...

Тотош уҡырға 46

Эсәр һыу таҙа булһын!

Эсәр һыу таҙа булһын! 17.11.2018 // Йәмғиәт

Ҡариҙел ауылында һыу үткәргестәрҙе йүнәтеү, яңыларын төҙөү йәһәтенән район хакимиәте махсус ҡарар...

Тотош уҡырға 30

Подъезына ҡарап йортон ярат

Подъезына ҡарап йортон ярат 17.11.2018 // Йәмғиәт

Башҡортостандағы күп ҡатлы йорттарҙың байтағында подъездар насар хәлдә. Уларҙың күпселеге капиталь...

Тотош уҡырға 51

Парктар төҙөкләндереләсәк

Парктар төҙөкләндереләсәк 17.11.2018 // Йәмғиәт

Башҡортостанда парктарҙы төҙөкләндереү буйынса төбәк программаһы әҙерләнәсәк һәм ҡабул ителәсәк....

Тотош уҡырға 30

Радий Хәбиров: «Беҙ һеҙгә эш хаҡын арттырасаҡбыҙ»

Радий Хәбиров: «Беҙ һеҙгә эш хаҡын арттырасаҡбыҙ» 17.11.2018 // Йәмғиәт

Октябрьский ҡалаһында төбәк етәксеһе Күп функциялы үҙәк эше менән танышты....

Тотош уҡырға 41

Радий Хәбиров: «Ауылдыҡы менән бергә ҡала медицинаһы ла иғтибар талап итә»

Радий Хәбиров: «Ауылдыҡы менән бергә ҡала медицинаһы ла иғтибар талап итә» 17.11.2018 // Йәмғиәт

Башҡортостан Башлығы вазифаһын ваҡытлыса башҡараусы Радий Хәбиров Октябрьский ҡалаһына эш сәфәрен...

Тотош уҡырға 34

448 кеше һәләк булған

448 кеше һәләк булған 17.11.2018 // Йәмғиәт

“Башинформ” мәғлүмәт агентлығында Бөтә донъя юл-транспорт ваҡиғалары ҡорбандарын хәтергә алыу...

Тотош уҡырға 42

Дауаханала шартлау

Дауаханала шартлау 17.11.2018 // Йәмғиәт

Ғәҙәттән тыш хәлдәр хеҙмәтенә Өфөләге 21-се ҡала дауаханаһында шартлау тауышы яңғырауы хаҡында...

Тотош уҡырға 27