Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Нәжиб Асанбаев
Нәжиб Асанбаев(Н.В. Асанбаев)

Ватан һәм донъя мәҙәниәте ауыр юғалтыу кисерҙе. Башҡортостандың халыҡ яҙыусыһы, күренекле прозаик, шағир, драматург, Бөйөк Ватан һуғышы ветераны, ҙур йәмәғәт эшмәкәре Николай Васильевич Асанбаев (Нәжиб Асанбаев) 92-се йәшендә вафат булды.

Н.В. Асанбаев 1921 йылдың 7 ноябрендә Башҡортостандың Баҡалы районындағы Ахман ауылында тыуған. 1939 йылда Өфө финанс техникумын тамамлағандан һуң К.А. Тимирязев исемендәге Башҡортостан педагогия институтына уҡырға инә.
Бөйөк Ватан һуғышы башланғас та Нәжиб Асанбаев Ҡыҙыл Армия сафына саҡырыла, Рязань артиллерия училищеһын тамамлай. Ул етәкселек иткән артиллерия батареяһы Воронеж, Калинин, Брянск, Беренсе Балтик фронттарында ҡаһармандарса һуғыша. Н. Асанбаев ике тапҡыр ауыр яралана.
Һуғыштан һуң Нәжиб Асанбаев тулыһынса публицистикаға, ижади һәм йәмәғәт эшмәкәрлегенә бирелә. ХХ быуаттың 60-сы йылдарынан башлап ул заманса милли драматургияны үҫтереүҙә әүҙем ҡатнаша. 1963—1965 йылдарҙа Башҡорт академия драма театры директоры булып эшләй. Тормош тәжрибәһе, ижади көс-дәрте һәм әҙәби таланты Башҡортостан Яҙыусылар союзында, Тыныслыҡты яҡлау комитеты идараһында, Башҡортостан Республикаһының Президент Советында эшләгән йылдарҙа ғәйәт ҙур әһәмиәткә эйә була.
Николай Васильевич ватан һәм милли драматургияны үҫтереүгә ҙур өлөш индерә. Уның ижады башҡорт драматургияһы классикаһы һәм республикалағы күп милләтле мәҙәниәттең сағыу кәүҙәләнешенә әүерелде. Нәжиб Асанбаев тарафынан ижад ителгән әҫәрҙәр башҡорт әҙәбиәтенең һәм театрының алтын фондына инде. Совет дипломаты, яҡташыбыҙ Кәрим Хәкимовтың яҙмышы тураһында һөйләгән “Ҡыҙыл паша” пьесаһы улар араһында айырым урын биләй. Уның буйынса ҡуйылған фильм-спектаклде 22 ғәрәп иле тамашасылары ҡараны. Н. Асанбаевтың әҫәрҙәре — “Ҡанаттар нығынғанда”, “Ҡыҙыл паша” драмалары, “Беҙгә егеттәр килде”, “Кәләш әйттергәндә”, “Күктән төшкән бәхет”, “Һыу юлы”, “Киң урамдар тар ине” комедиялары, “Рәйсә”, “Фәйзи”, “Алтын бишек”, “Таң йондоҙо”, “Зәйтүнгөл”, “Көҙән башҡорто” пьесалары һәм башҡа бик күптәр республика театрҙары репертуарының йөҙөк ҡашына, бик күп быуын тамашасыларҙың яратҡан спектаклдәренә әүерелде.
Нәжиб Асанбаевтың эшмәкәрлеге дәүләт тарафынан юғары баһаланды. Ул — Башҡорт АССР-ының, РСФСР-ҙың атҡаҙанған мәҙәниәт хеҙмәткәре, Башҡортостан Республикаһының Салауат Юлаев исемендәге дәүләт премияһы лауреаты. Н.В. Асанбаев I һәм II дәрәжә Ватан һуғышы, ике Ҡыҙыл Йондоҙ, Халыҡтар дуҫлығы, Салауат Юлаев ордендары менән бүләкләнгән.
Һоҡланғыс шәхес, башҡорт халҡының данлы улы, күренекле драматург һәм йәмәғәт эшмәкәре хаҡында яҡты иҫтәлек беҙҙең йөрәктәрҙә мәңге һаҡланыр.

Р.З. Хәмитов, К.Б. Толкачев, Р.С. Ноғоманов, В.А. Балабанов, А.П. Трухан, Л.С. Ғүмәрова, С.Т. Сәғитов, И.А. Тажетдинов, Р.Т. Бикбаев, Ә.И. Шафиҡова, Ә.С. Ғаязов, Б.Н. Мелкоедов, И.И. Ялалов, А.Г. Андреев, С.А. Бәхтиәров, Ә.Ә. Абушахманов, Р.М. Әсәҙуллин, Ф.М. Бүләков, Ф.С. Ғафаров, Н.Ә. Ғәйетбаев, Й.С. Ильясова, Н.И. Ирсаева, Г.А. Мөбәрәкова, Н.С. Мусин, М.И. Рабинович, С.С. Сәйетов, Р.Ғ. Тойғонов, Х.Ғ. Үтәшев, О.З. Ханов, М.А. Чванов, Р.З. Шәкүров (Р. Шәкүр), А.М. Шаммазов, Г.А. Юнысова.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Йортобоҙ, күгебеҙ тыныслығы кемдең ҡулында?

Йортобоҙ, күгебеҙ тыныслығы кемдең ҡулында? 23.02.2019 // Йәмғиәт

Йортобоҙ, күгебеҙ тыныслығының нигеҙе ниҙә? Үҙенең кешелек бурыстарын белгән, лайыҡлы атҡарған...

Тотош уҡырға 34

Ҡояшлы Ҡара диңгеҙ буйынан ҡайнар сәләм!

Ҡояшлы Ҡара диңгеҙ буйынан ҡайнар сәләм! 23.02.2019 // Йәмғиәт

Алдан хәбәр итеүебеҙсә, Сибай ҡалаһынан 250 бала Ҡара диңгеҙ буйында урынлашҡан билдәле курорт-ҡала...

Тотош уҡырға 70

"Улым Фәритте лә хәрби хеҙмәткә әҙерләйәсәкмен"

"Улым Фәритте лә хәрби хеҙмәткә әҙерләйәсәкмен" 23.02.2019 // Йәмғиәт

Бөгөн республика етәксеһе Радий Хәбиров Алкин-2 ауылында урынлашҡан 12-се айырым гвардия инженер...

Тотош уҡырға 70

Батырҙары данлай төйәкте

Батырҙары данлай төйәкте 23.02.2019 // Йәмғиәт

Күгәрсен районының Волостновка ауылында ошо төйәктән сыҡҡан Советтар Союзы Геройы Николай Ежовҡа...

Тотош уҡырға 31

Аҡ халатлылар ҡайҙа йүгерҙе?

Аҡ халатлылар ҡайҙа йүгерҙе? 23.02.2019 // Йәмғиәт

– Тиҙерәк, тиҙерәк! Башҡаларҙан алдараҡ барып етергә кәрәк! Шулай ҡабаланып йүгерҙе аҡ халатлылар....

Тотош уҡырға 168

Ватан хаҡына ҡаһарманлыҡ – мәңгелек өлгө

Ватан хаҡына ҡаһарманлыҡ – мәңгелек өлгө 23.02.2019 // Йәмғиәт

Бөгөн Башҡортостан Башлығы вазифаһын ваҡытлыса башҡарыусы Радий Хәбиров Ватанды һаҡлаусылар көнөнә...

Тотош уҡырға 43

Ватанды һаҡлаусылар көнө менән!

Ватанды һаҡлаусылар көнө менән! 23.02.2019 // Йәмғиәт

Башҡортостан Башлығы вазифаһын ваҡытлыса башҡарыусы Радий Хәбиров республика халҡын Ватанды...

Тотош уҡырға 66

Ауылды бер итеп...

Ауылды бер итеп... 23.02.2019 // Йәмғиәт

Бөрйән районының Яңы Усман ауылында “Зарница” үткәреү “ҡанға һалынған” тиергә мөмкин. Был уйында...

Тотош уҡырға 88

Әсәй бәлеше барыбер тәмлерәк!

Әсәй бәлеше барыбер тәмлерәк! 23.02.2019 // Йәмғиәт

Сибайҙа йәнә бер матур йолаға нигеҙ һалынды: Ватанды һаҡлаусылар көнө уңайынан “Әсәй бәлеше”...

Тотош уҡырға 81

"Изгелек"тең татлы емеше

"Изгелек"тең татлы емеше 22.02.2019 // Йәмғиәт

Башҡорт дәүләт университетының Сибай институтынан Гүзәл Ишмуллина Башҡортостанда “Иң яҡшы 100 топ...

Тотош уҡырға 59

Ветерандарға оло хөрмәт йөҙөнән

Ветерандарға оло хөрмәт йөҙөнән 22.02.2019 // Йәмғиәт

Ватанды һаҡлаусылар көнө уңайынан республика етәксеһе Радий Хәбиров тантаналы ҡабул итеү ойошторҙо:...

Тотош уҡырға 57

Зариф өйөнә ҡайтты!

Зариф өйөнә ҡайтты! 22.02.2019 // Йәмғиәт

Учалылағы ҡот осҡос атыштан һуң иҫән ҡалған Зариф Хилажев биш аҙнаға яҡын дауаханала ятҡандан һуң,...

Тотош уҡырға 973