Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ете тарафтан ете хәбәр
Сабыйҙар иғтибарға мохтаж
Күптән түгел бер төркөм оло йөрәкле, әүҙем әсәләр ҡаланың үҙәк дауаханаһында, соматик бүлексәлә булып, унда дауаланыусы балаларҙың хәлен белде, күңелен асты.
“Сабыйға йылмайыу бүләк ит” акцияһы дауаханала бихисап ваҡытын уҙғарған сирлеләр өсөн оло байрамға тиң, сөнки күңелле йырҙар, шиғырҙар тыңлау, йомаҡтар сисеү, төҫлө шарҙар менән уйнау көн һайын тәтемәй.
Акция барышында әсәләр балалар приютынан килтерелгән йәш ярымлыҡ Дима менән дә танышты. Баҡһаң, уның һигеҙ һәм дүрт йәшлек ике ағаһы бар, әсә иһә, балаларын тәрбиәләү урынына, айҙар буйы юғалып тора, эскелек менән мауыға. Диманың ҡатмарлы яҙмышы әүҙем әсәләрҙе битараф ҡалдырманы, улар кескәй пациентҡа шефлыҡ итергә вәғәҙә бирҙе. Ғаиләнең яҙмышын социаль органдар ҙа иғтибарға алған.
“Сибайский рабочий”.

Әүҙемерәк булһаҡ ине
Ҡаланың Йәштәр һарайында сираттағы “Йәштәргә – эш” акцияһы үтте, райондың ике тиҫтәнән ашыу предприятиеһы һәм ойошмаһы йәрминкәлә төрлө эш урындары тәҡдим итте.
Күренеүенсә, бигерәк тә эшсе һөнәрҙәргә ҡытлыҡ ҙур. Шулай уҡ эшсе көстө башҡа өлкәләр ҙә ылыҡтыра: акция барышында Мәскәү, Магнитогорск, Нижневартовск, Сорғот, Екатеринбург, Нягань һәм башҡа ҡалаларҙа хеҙмәт юлын башларға әҙер булыусыларҙы саҡырған мәғлүмәт күп ине. Шулай ҙа әһәмиәтле сараға килеүселәрҙең аҙ булыуы һағайтты: эшһеҙҙәр һирәкме, битарафлыҡ көслөмө? Уҡыу йорттарында йәштәр араһында заман талаптарын аныҡ аңлатыу буйынса әүҙем эш алып барылһын ине.
“Торатау”, Ишембай районы.

Аҙналыҡ һөҙөмтәле булды
Малаяҙ ауылының 1-се урта мәктәбендә биология фәне аҙналығы үткәрелде, ул мауыҡтырғыс сараларға бай, иҫтә ҡалырлыҡ булды. Асыҡ дәрестәрҙә, викториналарҙа, конкурстарҙа уҡыусылар ҙур теләк менән ҡатнашты.
Мәктәп китапханаһында Рүзидә Бәширова Тирә-яҡ мөхитте һаҡлау йылына арналған күргәҙмә ойошторҙо, балаларҙы ҡыҙыҡһындырған барлыҡ һорауҙарға яуап бирҙе, тематик кроссвордтарҙы сисеүҙә ярҙам күрһәтте. II – VIII класс уҡыусылары араһында “Әкиәттәрҙә һәм хикәйәләрҙә сағылдырылған хайуандар, үҫемлектәр донъяһы” темаһына һүрәт төшөрөү бәйгеһе ойошторолдо, унда VI класс уҡыусыһы Зенфир Сиразетдинов еңеү яуланы. V – VI класс уҡыусылары “Йәш микробиолог” бәйгеһендә көс һынаны, микроскоп менән ифрат ҡыҙыҡлы асыштар яһаны. IX – X класс уҡыусылары иһә Малаяҙ башҡорт гимназияһында ойошторолған “Йәш экологтар” слетында 3-сө урын яулап, аҙналыҡтың бәҫен арттырҙы.
“Йүрүҙән”, Салауат районы.

“Макулатура тапшыр – ағасты ҡотҡар”
Йортта йыйылған иҫке гәзит-журналдар менән нимә эшләргә? Әлбиттә, улар ярҙамында урманды ҡотҡарырға! 1-се гимназия уҡыусылары тап шулай тип иҫәпләй: улар күптән түгел район китапханаларында ойошторолған “Макулатура тапшыр – ағасты ҡотҡар” социаль-экологик акцияһында ҡатнашты.
Көндәлек мәшәҡәттәре бихисап булыуға ҡарамаҫтан, ошондай сараға әүҙем ҡушылыусыларҙың күплеге ҡыуаныслы. Мәҫәлән, гимназияның V класында белем алыусы Илена Туйгилдина атаһы менән бергәләп, үҙәк китапханаға 200 килограмдан ашыу макулатура килтергән. Акцияның иң кесе ҡатнашыусыһы – 1-се гимназияның II класс уҡыусыһы Арина Шестирикова. Ул 150 килограмм макулатура тапшырған. Иң оло ҡатнашыусы – пенсионер А. Мусина (2 центнерҙан ашыу ҡағыҙ килтергән).
“Панорама”, Благовещен ҡалаһы.

Был төн – китапханала
Кешеләрҙе китап уҡыуға ылыҡтырыу йәһәтенән ойошторолған “Библиотөн” халыҡ-ара акцияһына ҡалабыҙ икенсе тапҡыр ҡушылды.
Китап һөйөүселәрҙе ҡыҙыҡлы кешеләр менән осрашыуҙар, оҫталыҡ кластары, театрлаштырылған тамашалар, ҡыҙыҡлы викториналар һәм конкурстар, ижади коллективтарҙың сығышы көтә. Барлыҡ ҡала китапханаларының ишеге акцияла ҡатнашырға теләгән һәр кем өсөн киске 6-нан асыҡ буласаҡ.
“Стерлитамакский рабочий”.

Йома сәйен тәмләнек
Үткән йомала Аҫҡар ауылы мәсетендә урындағы ветерандар һәм ҡатын-ҡыҙҙар советы ағзалары йома сәйе ойошторҙо.
Саранан олоһо ла, кесеһе лә ситтә ҡалманы. Һәр кем сәй табынына һый-ниғмәт алып килгәйне. Ауылдың эшҡыуарҙары В. Харрасова менән М. Ибраһимова ла табын ойоштороуға ҙур өлөш индерҙе. Хәйергә йыйылған аҡса иһә мәсеттең еренә рәсми документ юллау өсөн тотоноласаҡ.
“Таң”, Бөрйән районы.

Яҡташтарыбыҙ Ҡазанға йыйына
Быйыл июлдә Ҡазанда үтәсәк XXVII Бөтә донъя йәйге универсиадаға әҙерләнеү сиктәрендә милли көрәш һәм билбаулы көрәш буйынса тест ярыштары үтте.
Бәйгене баһаларға Октябрьский судьялары Айҙар Исламғолов менән Хәлил Ғарифуллин да саҡырылғайны. Эш һөҙөмтәләре буйынса уларға “халыҡ-ара категориялы судья” квалификацияһы һәм халыҡ-ара турнирҙарҙы хөкөм итеү хоҡуғы бирелгән.
“Октябрьский рабочий”.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






20 мартҡа тамамларға!

20 мартҡа тамамларға! 18.02.2019 // Йәмғиәт

Сибай карьерын һыу менән тултырыу буйынса эш планға ярашлы бара. Был турала Хөкүмәттә үткән...

Тотош уҡырға 0

Мәскәүҙе маҡта ла... Бөрйәндә тор

Мәскәүҙе маҡта ла... Бөрйәндә тор 18.02.2019 // Йәмғиәт

Рәсәйҙә тормош кимәле иң яҡшы төбәктәрҙе атанылар. Тикшереүселәр быны билдәләгәндә тормош...

Тотош уҡырға 0

Батыр үҫтергәнһең икән, ял ит!

Батыр үҫтергәнһең икән, ял ит! 18.02.2019 // Йәмғиәт

Радий Хәбиров тиҙ арала Афған һуғышында һәләк булған хәрбиҙәрҙең ата-әсәләренә урындағы...

Тотош уҡырға 10

Подъезығыҙ ни хәлдә?

Подъезығыҙ ни хәлдә? 18.02.2019 // Йәмғиәт

Радий Хәбиров чиновниктарға күп фатирлы йорт подъездарына барып күрергә, уларҙың торошон тикшерергә...

Тотош уҡырға 40

Денге биҙгәген йоҡтороп ҡуйма!

Денге биҙгәген йоҡтороп ҡуйма! 18.02.2019 // Йәмғиәт

Ҡулланыусылар хоҡуғын яҡлау һәм кеше именлеген күҙәтеү буйынса федераль хеҙмәт Рәсәй граждандарына...

Тотош уҡырға 50

“Туҙанға батып ятһағыҙмы...”

“Туҙанға батып ятһағыҙмы...” 18.02.2019 // Йәмғиәт

Башҡортостан Хөкүмәтендәге оператив кәңәшмәлә республика Башлығы вазифаһын ваҡытлыса башҡарыусы...

Тотош уҡырға 32

Тәртипкә килтереүе ҡыйынмы ни?..

Тәртипкә килтереүе ҡыйынмы ни?.. 18.02.2019 // Йәмғиәт

Башҡортостан Башлығы вазифаһын ваҡытлыса башҡарыусы Радий Хәбиров оператив кәңәшмәлә Хөкүмәттең...

Тотош уҡырға 28

Быныһы ла Ҡазанға китмәһен...

Быныһы ла Ҡазанға китмәһен... 18.02.2019 // Йәмғиәт

Өфөләге Башҡорт дәүләт опера һәм балет театры бинаһы янындағы аллеяла күренекле яҡташыбыҙ, бейеүсе...

Тотош уҡырға 50

Ҡойроғона баҫтылар...

Ҡойроғона баҫтылар... 18.02.2019 // Йәмғиәт

Өфөлә йәшәгән ханым егерме йыл элек наркотик һатыуҙа тотолоп, уға ҡарата енәйәт эше ҡуҙғатыла....

Тотош уҡырға 77

Аҡ бал кемгә оҡшамаһын!

Аҡ бал кемгә оҡшамаһын! 18.02.2019 // Йәмғиәт

13 – 15 февралдә Италияның Рим ҡалаһында ҡортсолоҡ буйынса халыҡ-ара симпозиум үтте....

Тотош уҡырға 52

Алдынғылар араһында – Темәс башлығы

Алдынғылар араһында – Темәс башлығы 18.02.2019 // Йәмғиәт

Баймаҡ районында һәр йыл башында үткән осорға йомғаҡ яһау, алға бурыстар билдәләү, алдынғыларҙы...

Тотош уҡырға 54

Ҡатын-ҡыҙ ажарланып алға сығырға ынтыламы?

Ҡатын-ҡыҙ ажарланып алға сығырға ынтыламы? 17.02.2019 // Йәмғиәт

Бер танышым менән осрашҡан һайын бөтөн тирә-йүн ҡараңғылыҡҡа сумғандай була. “Донъя түңкәрелде...

Тотош уҡырға 370