Ҡайһығыҙҙың ҡулы йылы?
“Ҡарауһыҙ балаларҙы ғаиләгә алыуҙың төрлө формалары барлығын беләбеҙ. Тик уларҙың араһындағы айырманы яҡшылап аңлап етмәйбеҙ. Беҙҙе сабыйҙы патронат тәрбиәгә алыу мәсьәләһе ҡыҙыҡһындыра. Ата-әсә алдында торған бурыс һәм хоҡуҡтарҙы яҡшы күҙ алдына килтерһәк, бәлки, беҙ ҙә берәй етемде ғаиләбеҙгә һыйындырыр инек, законды белмәгәнгәме, әлегә ҡыйыулыҡ етеңкерәмәй.

Ата-әсә наҙына, өй йылыһына, яҡшы мөнәсәбәткә һыуһаған сабыйҙарҙы күреп һаман да йән өшөй, күңел һыҙлана. Гәзит уҡыусыларыбыҙҙың ҡарауһыҙ сабыйҙар яҙмышына битараф булмауын редакцияға килгән хаттарҙан, шылтыратыуҙарҙан яҡшы тоябыҙ. Араларында етемдәрҙе наҙлы ҡосаҡтарына алып, уларҙы бәхетле, аталы-әсәле итеп, йәмғиәткә кәрәкле, файҙалы шәхес тәрбиәләргә хыялланғандары ла етерлек. Ауырлыҡтарҙан ҡурҡмаған, батыр йөрәкле, шәфҡәтле, сабыр атай һәм әсәйҙәр алдында баш эйәбеҙ, ысын күңелдән ихлас рәхмәт һүҙҙәрен еткерәбеҙ.
“Башҡортостан”дың мәрхәмәтлек акцияһы дауам итә. Бөгөн һеҙҙе Бүздәк балалар йортонда тәрбиәләнеүсе, яҡлауға һәм ҡурсалауға мохтаж сабыйҙар
менән таныштырабыҙ.
РУСАЛИМ 2004 йылдың май айында яҡты донъяға килгән. Бик теремек, аралашыусан малай, күп һөйләргә ярата. Кәйефе булмаһа, үҙ эсенә бикләнә. Күңеле күтәрелһә, унан да яғымлы, илгәҙәк бала юҡтыр кеүек. Тиҫтерҙәре менән һәр яҡлап та уҙышырға, бирешмәҫкә, тәнҡитте ҡабул итмәҫкә тырыша.

2012 йылда хеҙмәт пенсияларын ике тапҡыр индексациялау көтөлә. 1 февралдән хеҙмәт пенсияһы 7 процентҡа үҫергә тейеш. Һөҙөмтәлә Башҡортостанда уртаса хеҙмәт пенсияһы күләме 560 һумға артасаҡ һәм 8560 һум тәшкил итәсәк, ҡартлыҡ буйынса хеҙмәт пенсияһының уртаса күләме — 8900 һум. Рәсәй Пенсия фонды идараһы ағзаһы, Башҡортостан буйынса идарасы Фоат Хантимеров әйтеүенсә, республикала 1 миллион кеше 2 февралдән пенсияны яңы күләмдә ала башланы. 1 апрелдән уның йәнә 2,6 процентҡа арттырылыуы көтөлә.
Бынан тыш, август айында эшләүсе пенсионерҙарҙың хеҙмәт пенсияһына ҡайтанан иҫәпләү үткәрелә. Өҫтәмәләр күләме төрлөсә буласаҡ, уның дәүмәле эш хаҡына һәм күсерелгән пенсия иғәнәләренә бәйле. Бына бер нисә йыл инде иҫәп-хисап автоматик рәүештә башҡарыла, шуға күрә Пенсия фондына ғариза яҙыуҙың һис кәрәге юҡ.

Хоҡуҡи мәсьәләләр буйынса һорауҙарығыҙ бармы? Беҙгә мөрәжәғәт итегеҙ! Һорауҙарығыҙға “Лига-М” юридик компанияһының директор урынбаҫары, хоҡуҡ белгесе Таһир Мансуров яуап бирә. Уға мөрәжәғәт итеү өсөн һорау@mail.ru электрон адресына хат яҙып ебәрергә йәки телефон аша редакцияның дәүләт һәм хоҡуҡ бүлегенә (272-35-20) шылтыратырға мөмкин.

Тейешле пенсияғыҙҙы алығыҙ

— Әсәйем әле пенсияла. Уның 18 йыллыҡ муниципаль хеҙмәт стажы бар. Әммә пенсияһына бер ниндәй ҙә өҫтәмә алғаны юҡ. Был мәсьәләне нисек яйға һалырға, ҡайҙа мөрәжәғәт итергә икән?

Йыл башынан финанс мәсьәләләренә ҡағылған байтаҡ яңылыҡтар менән таныштыҡ. Һалым өлкәһендә лә үҙгәрештәр бар. Мәҫәлән, илдә ғинуарҙан балалар өсөн һалым ҡайтармаһы күләме арттырылған. Хәҙер ул 1400 һум тәшкил итә, быға саҡлы 1000 һум ине. Һүҙ бында беренсе һәм икенсе бала өсөн эш хаҡының һалым һалынмаған өлөшө хаҡында бара.
Айлыҡ стандарт һалым ҡайтармаһы өсөнсө һәм унан һуңғы сабыйҙар, 18 йәшкә тиклемге инвалид балалар, шулай уҡ көндөҙгө бүлектә уҡыған 24 йәшкә тиклемге I һәм II группа инвалидтар өсөн үҙгәрешһеҙ, йәғни 3000 һум күләмендә ҡала, тип хәбәр итәләр Федераль һалым хеҙмәтенең БР буйынса идаралығынан.