Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Теленә хыянат итмәгән
Теленә хыянат итмәгәнСиләбе өлкәһе Ҡоншаҡ районының Һарыкүлмәк (Шығай) ауылында тыуған Ғәли Зөлҡәрнәевтең көтөүсе, эшсе, улыс уҡытыу йорто мөдире, волком рәйесе, яҙыусы, тәржемәсе һәм башҡа яуаплы вазифаларын телгә алмайынса, уның 1940 – 1945 йылдарҙа “Ҡыҙыл Башҡортостан” (хәҙер – “Башҡортостан”) гәзитенең баш мөхәррире булып эшләгән осорона туҡталғым килә.


1937 йылда күренекле башҡорт интеллигенцияһы атып үлтерелеп бөткәс, юғары органдан гәзитте ике телдә сығарырға тигән фарман килә. Баш мөхәррир, бер нәмәнән дә ҡурҡмайынса, быға ҡырҡа ҡаршы сыға һәм еңеү яулай.
Был турала билдәле хәбәрсе Юныс Әхмәҙиев “Ҡыйыулыҡ” (“Башҡортостан”, 1993 йыл, 3 март) тигән мәҡәлә баҫтырҙы. Яҙманы тулыраҡ күҙ алдына баҫтырыу өсөн, унан өҙөк килтерәм. “Әммә Ғәли Зөлҡәрнәевтең иң ныҡ хәтерендә ҡалғаны партия өлкә комитетының пропаганда буйынса секретары Р. Рә­йемов менән бәрелешеүе булғандыр.
Билдәле булыуынса, һуғыш башланыу менән татар телендә сыҡҡан “Коммуна” гәзитен нәшерләү туҡтатыла. Күпмелер ваҡыт үткәс, партия өлкә комитеты секретары Р. Рәйемов Ғәли Камал улын үҙ кабинетына саҡыртып ала ла һис көтөлмәгән, айыҡ аҡылға һыймаҫлыҡ тәҡдим яһай.
— Һеҙгә гәзитте ике телдә сығарырға тура килер, — ти ул.
— Аңламайым. Нисек инде ике телдә?
— Эйе, шулай. Башҡорт һәм татар телдәрендә.
— Булмай. Гәзит бутерброд түгел, – тип позицияһын бирмәй яҡташым.
Р. Рәйемов, секретарь булараҡ, күпме генә ҡыҫым яһамаһын, Ғәли Камал улы үҙ һүҙендә ныҡ тора, сигенмәй. Баҫ­маның башҡорт телендә генә сығыуын һаҡлап алып ҡала”. Был ҡыйыулыҡ түгелме ни?! Юҡһа уны кире элеккегә ҡайтарыу мөмкинлеге лә булмаҫ ине.
Ошо хәлдән һуңғараҡ, 60-сы йылдар башында, Н.С. Хрущев ил буйлап оҙайлы сәйәхәттән, шул иҫәптән Өфөнән ҡайтҡас, “Совет Башҡортостаны” гәзитенә тағы бер бәлә яуа. “Гәзитте Стәрлетамаҡ ҡалаһына күсерергә!” тигән телеграмма ебәрә Хрущев. Шул ваҡытта редакцияның яуаплы секретары Файыҡ Мөхәмәт­йәновҡа ошо хаҡта һорау биргәйнем. Ул күңелһеҙ генә: “Эйе, дөрөҫ, беҙҙе Стәрлетамаҡҡа күсерәләр”, — тине. Ғөмүмән, был баш ҡаланы күсереү сәйәсәте ине.
Демонстрация ойош­торорға тигән идеям хупланмағас, Өфөнән, Күмертау эшселәренән (шағир Ғәли Ильясов аша) Мәскәүгә йөҙҙән ашыу ҡултамғалы ға­риза ебәрҙем, һөҙөм­тәлә хаин эш туҡта­тылды. Был турала “Көрәшеп йәшәү...” (“Киске Өфө”, 2009 йыл, 14, 20 март) тигән мәҡәләмдә әйтелә.
Шулай итеп, ауыл­дашымдың юлын ла­йыҡлы дауам итәм. Тимер ваҡытында һу­ғылды. Юғиһә был хатаны ла кире төҙәтеү мөмкинлеге булмаҫ ине.
Йәнә әйтәһе һүҙем шул: Ғәли Зөл­ҡәр­нәев, уның ҡыҙы, ейәне йәшәгән йортҡа (Ленин урамы, 2) әле һаман да иҫтәлекле таҡтаташ ҡуйылмаған. Хәтеребеҙ бик һай шул. Уның хәтер кисәһендә, яңылышмаһам, фекер­ҙәштәренең береһе: “Ғәли Зөлҡәрнәевкә таҡтаташ ҡуйылыр һәм Өфө урам­дарының береһенә уның исеме бирелер” тип тә өмөтләндергәйне.
Ғәли ағайҙың исеменә тап төшө­рөүселәр ҙә бар. Имеш, ул халыҡ сәсәне Мөхәмәтша Буранғоловҡа ҡаршы сыҡҡан... Шуны оноторға ярамай, Ғәли Зөлҡәрнәев — партия өлкә комитеты ҡарарҙарын тормошҡа ашырған шәхес. Шуны беләм, Ғәли Камал улы бер ҡасан да теленә хыянат итмәгән, уның киләсәге өсөн көрәшкән һәм еңгән.
Өҫтә әйтелгән яҙыусыларҙың, ауылдаштарының, уны баһалаусыларҙың теләге тормошҡа ашһын ине. Өфө урамдарының бик аҙы ғына халҡыбыҙҙың арҙаҡлы ул-ҡыҙҙарының исемен йөрөтә. Был, әлбиттә, икенсе тема. Шулай ҙа уны телгә алмай булмай.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Башҡортостан йөмһүриәтенең хосуси вәкиле

Башҡортостан йөмһүриәтенең хосуси вәкиле 20.03.2019 // Шәхестәр

Уның исеме архив документтарында йыш осрай....

Тотош уҡырға 27

Башҡортостан йөмһүриәтенең хосуси вәкиле

Башҡортостан йөмһүриәтенең хосуси вәкиле 19.03.2019 // Шәхестәр

Уның исеме архив документтарында йыш осрай....

Тотош уҡырға 38

Ғорурлығыбыҙ беҙҙең

Ғорурлығыбыҙ беҙҙең 06.02.2019 // Шәхестәр

Ул һалған эҙҙәр юйылмай. Күгәрсен ере ошо райондың ғына түгел, тотош республиканың тарихында яҡты...

Тотош уҡырға 271

Ирҙең даны – иленән,  халҡы менән еренән

Ирҙең даны – иленән, халҡы менән еренән 06.02.2019 // Шәхестәр

Башҡортостандың беренсе президенты, Арҙаҡлы шәхес Мортаза РӘХИМОВҠА – 85 йәш 7 февралдә башҡорт...

Тотош уҡырға 301

Эҙ ҡалдырған хәтирәләр...

Эҙ ҡалдырған хәтирәләр... 22.01.2019 // Шәхестәр

Автографтар алыу бәхет ине....

Тотош уҡырға 254

Бер мәҡәлә уҡығас...

Бер мәҡәлә уҡығас... 04.01.2019 // Шәхестәр

Уның аҡыл ҡаҙнаһы һайыҡмаһын....

Тотош уҡырға 272

Һайланмыш уның яҙмышы

Һайланмыш уның яҙмышы 25.12.2018 // Шәхестәр

“Тормош йәмләр затлы мәрйендер”....

Тотош уҡырға 200

Илһөйәр уҙаманды ил тәбрикләне

Илһөйәр уҙаманды ил тәбрикләне 17.12.2018 // Шәхестәр

Баймаҡ районының Икенсе Этҡол ауылында Башҡортостандың атҡаҙанған мәҙәниәт хеҙмәткәре, тыуған яҡты...

Тотош уҡырға 265

Яҡты эҙе, йөрәк йылыһы ҡалды

Яҡты эҙе, йөрәк йылыһы ҡалды 27.11.2018 // Шәхестәр

Донъяла кешене бәхетле иткән ҡыуаныслы мәлдәр була, тик тормош мәшәҡәтенә һылтанып, ҡул һелтәмәүең,...

Тотош уҡырға 278

“Кем ул Сәғит Мерәҫов?”

“Кем ул Сәғит Мерәҫов?” 27.11.2018 // Шәхестәр

Әҙәби тел тирәләй бәхәстәрҙә ул да ҡатнашҡан. Был һүҙҙәр “Башҡортостан” гәзитендә 1929 йылдың 5...

Тотош уҡырға 257

“Мин генийҙыр ул!..”

“Мин генийҙыр ул!..” 23.11.2018 // Шәхестәр

Сабир менән беҙ әҙәбиәткә бер мәлдәрәк килдек, шуға күрә йыш аралашып йәшәнек, дуҫтар булдыҡ. Әммә...

Тотош уҡырға 260

Хәлим Әмиров – башҡорт халҡының арҙаҡлы улы

Хәлим Әмиров – башҡорт халҡының арҙаҡлы улы 23.11.2018 // Шәхестәр

Был исемде лә хәтер һандығыңа яҙып ҡуй, хөрмәтле милләттәш....

Тотош уҡырға 336