Атайымдың изге аманатыУйсан ҡараш. Арыған йөҙ. Ниңәлер атайым гелән шулай күҙ алдыма баҫа. Хатта беҙҙең, йәғни балалары менән аралашҡанда ла ул үҙ уйҙарынан тулыһынса арына алмаған, һәр саҡ эше тураһында ғына уйлаған төҫлө ине. Быны яҡшы һиҙә һәм аңлай торғайныҡ. Тимәк, атай ижад киңлектәренә уй-хис елкәнен кирә, фән тигән оло, мөғжизәле донъяла эҙләнеүҙәрен дауам итә, шуға ла теңкәһенә теймәҫкә, ваҡ-төйәк һорауҙар менән борсомаҫҡа тырыштыҡ.
Бәләкәй саҡ хәтирәләре ҡасан күңелгә уйыла башлайҙыр, уныһы һәр кемдең үҙенә генә хас. Әммә минең күңелгә ул атай булып һеңеп ҡалған. Моғайын, 1961 йәки 1962 йылдар булғандыр ул саҡта. Миңә өс-дүрт йәш. Ләкин һәр бер нәмә әле һаман иҫтә. Бәлки, күңел – аҡ ҡағыҙға тәүге тапҡыр аң-хәтирә булып яҙыла башлағанға ла шулайҙыр.
Ком: 0 // Уҡынылар: 159 тапҡыр // Тотош уҡырға
Урау-урау ғүмер юлдарыТәбиғәттең бөйөклөгөнә һәм илаһилығына таң ҡалырлыҡ. Ерҙең өҫтөн дә, аҫтын да мәңгелек сер донъяһы итеп яралтҡан Аллаһ Тәғәлә. Уралыбыҙ, Башҡортостаныбыҙ тәбиғәте генә лә күпме сер һаҡлай үҙендә! Күңелдә яҡты хис-тойғо уятып, моң бөркөп тора был ерҙәр. “Уралҡайҙың аҫты алтын, өҫтө шиғыр, үҙе нур. Киләсәктә был ергә Хоҙай үҙе ҡыҙығыр”. Башҡорт даһийы Бабичтың ошо шиғыр юлдары бар ғүмерен гүзәл тау-таш донъяһын, илебеҙҙең ер аҫты хазиналарын өйрәнеүгә арнаған һөнәр эйәләренә – геологтарға – айырыу­са яҡын һәм ҡәҙерлелер.
Ком: 0 // Уҡынылар: 101 тапҡыр // Тотош уҡырға
Онотолмай “Мәжитов дәүере”Шәхси архивымды барлап ултырғанда, “Башҡортостан” гәзитенең 1995 йылда сыҡҡан 209-сы һанына юлыҡтым. Беренсе биттең өҫкө өлөшөндә ҡулына боронғо ҡомартҡы тотҡан мөләйем йөҙлө кешенең фотоһүрәте йәлеп итте ҡарашымды. Был бит атаҡлы ғалим-археолог Нияз Абдулхаҡ улы Мәжитов! Гәзиттең был һанын, әлбиттә, фәҡәт ошо шәхес тураһында һөйләгән Анатолий Виноградовтың “Тарихыңды таныт, Таналыҡ!” тигән кескәй фоторепортажы өсөн һалып ҡуйғанмын.
Яҙмала шундай мәғлүмәт урын алған: “Хәйбулла районында табылған беҙҙең эраға тиклемге III – II быуат ҡаласығы хаҡында бәйән иткәйне инде бер нисә ай элек “Башҡортостан” гәзите. Һыу һаҡлағыс төҙөлгәнсе ҡаҙыныу-тикшеренеү эштәрен ниндәйерәк күләмдә атҡарып сығырбыҙ икән, тип борсолған ғалимыбыҙ, экспедиция етәксеһе Нияз Мәжитов бөгөн ҡәнәғәт. Республика етәкселегенең әүҙем ярҙамы эште ҡыҙыу, дәррәү, тотҡарлыҡһыҙ алып барыу мөмкинлеген тыуҙырҙы. Ваҡыты менән 150-180 кеше эшләне бында. Һөҙөмтәлә ошо ҡаласыҡтан алырға мөмкин булған бар мәғлүмәттең
90 проценты алынды тип иҫәпләйем, ти ул”. Эргәләге фотола иһә телгә алынған Таналыҡ ҡаласығындағы ҡаҙыныу эштәре һүрәтләнгән.
Ком: 0 // Уҡынылар: 169 тапҡыр // Тотош уҡырға
Ҡаһарманлыҡтың мәңгелек өлгөһөЛегендар 112-се Башҡорт кавалерия дивизияһының 75 йыллығы уңайынан республикабыҙҙың ауыл-ҡалаларында күркәм саралар үтте. Халыҡ намыҫына тап төшөрмәгән, Дон буйынан Эльба ярҙарына тиклем меңәрләгән саҡрым юл үтеп, Берлинғаса барып еткән берҙән-бер милли хәрби берләшмәнән өс меңдән ашыу һалдат һәм офицер орден-миҙал менән бүләкләнә. Совет Армияһында геройҙар һаны буйынса бүтән бер дивизияны ла башҡорт атлыларыныҡына тиңләрлек түгел. Республикабыҙҙың тылдағы халҡы ла хәрби берләшмә ойоштороу осоронда ҡулынан килгәндең барыһын да эшләй.
Ком: 0 // Уҡынылар: 96 тапҡыр // Тотош уҡырға
Быуаттар менән үлсәнерБөгөн башҡорт әҙәбиәт ғилеме донъя әҙәбиәте ғаиләһендә төҙөк бер күп яҡлы фән өлкәһе булып танылыуы менән иң элек әле беҙ һүҙ башлап торған шәхес исеменә бурыслы. Хатта беҙ ҡасандыр кемдер тарафынан бик тапҡыр әйтелгән ошо фекеребеҙгә яраҡлаштырып, Ғайса Хөсәйенов тиһәк — башҡорт әҙәбиәт ғилеме, башҡорт әҙәбиәт ғилеме тиһәк — иң элек Ғайса Хөсәйенов үҙе күҙ алдына килеп баҫа, тип раҫларға әҙербеҙ. Хатта уның икеһен бер бөтөн итеп ҡабул итергә күнеккәнбеҙ, сөнки башҡорт әҙәбиәте тарихы хаҡында һүҙ сыҡһа, иң элек ошо исем аңға килеп инә, ә һуңғыһы үҙе шул тарих һынында тотош бер ғилем донъяһына әүерелә. Ошолай тамыры быуаттар төпкөлөнә киткән тарих уны үҙ халҡына ҡайтарып биргән шәхес исеме менән бер төшөнсә булып әүерелә.
Ком: 0 // Уҡынылар: 108 тапҡыр // Тотош уҡырға
“Матур итеп донъя көттөк...”Фән Исхаҡов. Заманында был исем уңғанлыҡ, тырышлыҡ символы булып Ҡырмыҫҡалы районы сиктәрен үткәйне. Тыуған районында иһә уны белмәгән, ишетмәгән кеше һирәк булды. Бына мин уның йорто ҡаршыһында. Мөһабәт өй әллә ҡайҙан үҙенә саҡырып тора. Һәр бер семәре, һәр биҙәге уңған, оҫта хужа ҡулдарының йылылығын һаҡлай. Бына ҡапҡа...
Ком: 0 // Уҡынылар: 96 тапҡыр // Тотош уҡырға
Рух асылыҒүмере буйы Туған телем – рухи асылым тип көсөргәнешле ғилем баҫҡыстарынан күтәрелеп, һүҙ тылсымын асҡан ғалим-педагог, уҡыу йылдарында үҙенә ылыҡтырып өлгөргән Вәли Шәғәли улы Псәнчин хаҡында кәлимә әйтмәксемен. Күренекле телсе-ғалим, Башҡортостандың атҡаҙанған уҡытыусыһы, Педагогия һәм социаль фәндәр академияһының мөхбир-ағзаһы, филология фәндәре кандидаты, доцент Вәли Шәғәли улы Псәнчиндең тормошо һәм ғилем юлы күптәргә үрнәк булырлыҡ.
Ком: 0 // Уҡынылар: 94 тапҡыр // Тотош уҡырға
Ҡөрьәнде тәржемә итеүҙә өлөшө ҙурҒүмер – йондоҙ атылыуына тиң ара, тиҙәр. Бер кеше лә үҙенә йәшәү өсөн күпме ваҡыт бирелгәнен белмәй, әммә һәр кемдең бурысы – ошо арауыҡты лайыҡлы үтеү, яҡты эҙ ҡалдырыу. Ғүмер оҙонлоғо әҙәм балаһының башҡарған эштәре, өлгәшкән ҡаҙаныштары, башҡалар күңелендә урын биләү-биләмәүе менән баһаланалыр.
Ком: 0 // Уҡынылар: 86 тапҡыр // Тотош уҡырға
ҠЫҘЫЛ ПАРТИЗАН МАЛАЙЫДнепр янындағы һәм уны аша сыҡҡандағы хәл иткес һуғыштар ваҡытында күрһәткән батырлыҡтары өсөн 2438 яугиргә Советтар Союзы Геройы тигән юғары исем бирелә. Уларҙың алтмыш етеһе — Башҡортостан вәкиле.
Ком: 0 // Уҡынылар: 163 тапҡыр // Тотош уҡырға
Кинйәбулатовса афоризмдарЯҡташым, замандашым, ҡәләмдәшем Ирек Кинйәбулатов менән 1962 йылда Башҡорт дәүләт университетына уҡырға кергән көндән башлап тиҫтәләрсә йыл аралашып йәшәнек. “Шоңҡар” әҙәби түңәрәгенең иң әүҙем ағзалары булдыҡ. Гәзит-журнал редакцияларына бергәләп юлдар һалдыҡ.
Икебеҙ ҙә атайһыҙ үҫкән малайҙар. Бала саҡта тормоштоң әсеһен-сөсөһөн етерлек татыған үҫмерҙәрҙе Башҡорт дәүләт университеты, тәрән белем биреп, оло тормош юлына алып сыҡты. Ә инде нәшриәттә китаптарыбыҙ донъя күрә башлағас, уларҙы бер-беребеҙгә бүләк итештек. Китапханамда Иректең тиҫтәләгән китабы урын алған.
Ком: 0 // Уҡынылар: 133 тапҡыр // Тотош уҡырға
Артҡа 1 2 3 4 5 6 7 8 9 10 ... 14 Алға
Бит башына