Бер моң биләй күңелемде Моңло ҡәләм

Моң тәлгәше, моңло ҡәләм,
Һыҙғыслама ҡылыс, әләм,
Һыҙғыслаһаң, һыҙғысла тик
Кеше күңеленән сәләм.

Ябай ғына хәстәрҙәрҙән
Донъя ҡора ерҙә әҙәм.
Ә һин һаман һыҙғыслайһың
Яу яланы, аттар, әләм.
Ком: 0 // Уҡынылар: 735 тапҡыр // Тотош уҡырға
Украина!..

Иле тиһәң, теле тиһәң, дине тиһәң,
Урыҫ менән украиндың — бер ҡибланан.
Рәнйештәр тик, ә, етмәһә, ҡара ҡотҡо
Туғанлыҡтан өҫкә сыҡһа бигерәк яман.
Ком: 0 // Уҡынылар: 867 тапҡыр // Тотош уҡырға
Риф ӘХМӘҘИЕВ: “Шиғыр — ул көтөлмәгән табыш” Билдәле ғалим-әҙәбиәтсе, шағир, педагог, БДУ-ның башҡорт филологияһы һәм журналистика факультеты деканы, филология фәндәре докторы, профессор Риф Барый улы Әхмәҙиевкә 60 йәш тулды. Ошо уңайҙан танылған шәхесебеҙ менән әңгәмә тәҡдим итәбеҙ.
— Риф ағай, шағирҙы белер өсөн уның тыуған ерен күрергә кәрәк, тиҙәр. Әйҙәгеҙ, хыялыбыҙҙа булһа ла тыуған яғығыҙға “барып” әйләнәйек.
— Һәр ижад кешеһенеке шикелле, минең шиғриәтемдең шишмәһе – тыуған яғым, ауылымды уратып алған урман-һыуҙар, тау теҙмәләре, үҙәндәр. Кемдеңдер шәхси йоғонтоһо хаҡында айырып ҡына әйтеп тә булмайҙыр. Әсәйемә килгәндә, уның хәстәре улын шағир итергә тырышыуға ҡайтып ҡалмағандыр, хәйер, ундай уй башына ла килмәгәндер…
Ком: 0 // Уҡынылар: 1776 тапҡыр // Тотош уҡырға
Үҫтерҙек

Әмер төштө үҫтерергә
Шәхси хужалыҡтарҙы.
Бөтә көстө шуға һалдыҡ,
Баштан атып юҡ-барҙы.
Ком: 0 // Уҡынылар: 716 тапҡыр // Тотош уҡырға
Рәмил ЙӘНБӘК Ошо йортта мин дә хужа инем...

Ауыл урамында
Ҡап-ҡара төн. Шыптыр ямғыр яуа.
Ялағайлап йәшен гөрһөлдәй.
Шул ямғырҙа епшеп бер ир тора:
Ҡайҙа бара, нимә ул теләй?
Тыуған ауыл, тыуған урамымда
Баҫып торам, — гүйә, бер етем.
Тыуған нигеҙемдә йәшәй яттар,
Ишек шаҡыуы ла бик ситен.
Ком: 0 // Уҡынылар: 1097 тапҡыр // Тотош уҡырға
Мул емештә һаман миләштәр

Фәнзил САНЪЯРОВВаҡыт
Йә ҡышҡыға,
Йә йәйгегә
Күсерәбеҙ ваҡыт.
Тик ул ғына үҙ көйөнә
Йәшәй бирә ағып.
Һис эше юҡ
Ваҡлыҡтарҙа,
Ваҡыт — бөйөк табип.
Теҙгенләмәк була бәндә,
Сер-хәйләһен табып.
Ваҡыт ҡына бәхәсләшмәй —
Ваҡыттары тар.
Ком: 0 // Уҡынылар: 790 тапҡыр // Тотош уҡырға
Башҡортостандың халыҡ шағиры Назар Нәжмиҙең яҡты иҫтәлегенә
Ваҡыт тигән аҫау арғымаҡтың
Ком: 0 // Уҡынылар: 949 тапҡыр // Тотош уҡырға
Яҡты тәҙрә мәллә аҡ ҡағыҙ? Баш бүре

Бүреләр ышыҡта шыңшымай ғына йән бирә икән...


Юлбашсының маңлайына типкәс
Инә мышы,
Ҡурсып быҙауын,
Иќәңгерәп бүре сайҡалды ла
Аңғармай ҙа ҡалды ҡолауын.
Этме ни ул бүре,
Шыңшырға ни,
Сыйнамай ҙа яра яламай.
Ком: 0 // Уҡынылар: 746 тапҡыр // Тотош уҡырға
Шул тиклем моңға сарсаным,
Уф, йөрәккәйем көйә!
Хистәрем ҡом буранылай,
Күңелем сүллек гүйә.

Кипкән күҙҙәремдән йәште
Сығарып булмай һығып.
Күрмәҫкә һәм ишетмәҫкә
Йә ҡомға ҡуй баш тығып.
Ком: 0 // Уҡынылар: 761 тапҡыр // Тотош уҡырға
АТҠА МЕНҺЕН ӘЛЕ БЫЛ ХАЛЫҠАт йәнле был башҡорт тигән даны
Алыҫтарҙан киткән алыҫҡа!
...Бөгөн генә атһыҙ ҡалып бара
Ах, ошо һүҙ тейҙе намыҫҡа.
Ат үрсетмәҫ халыҡ түгел дә беҙ,
Арыған шул башҡорт аттары.
Яуҙар һайын ҡырылғандар ғына:
Күккә ашҡан йылҡы аһтары.
Ком: 0 // Уҡынылар: 813 тапҡыр // Тотош уҡырға
Тышаулы ат (2)Хикәйә
-Йүнле хужаның аты ситкә китмәй, — тине юлдашым, кемгәлер үпкәләгәндәй.
— Хайуан бит, аңлап та бөтмәйҙер инде, — тигән булдым, ни әйтергә белмәйенсә.
— Аңламай, имеш, белгең килһә, ағай, хайуандар ҙа үҙ-ара һөйләшә, ишетә белергә генә кәрәк. — Ул ҡыҙып уҡ китте. — Ышанмайһыңмы? Мин үҙ күҙҙәрем менән күрҙем, үҙ ҡолаҡтарым менән ишеттем...
— Ҡыҙма, ҡустым, ҡыҙма, мин былай ғына әйттем, атты тышап ҡына тотоп булмай инде ул. — Юлдашымдың хәтерен ҡалдырмайым тип, ыңғайына һыпырҙым.
— Ат яратам мин, — тине Айыухан ниндәйҙер бер тәрән хис менән. — Мин бит элек кунних булып эшләнем.
— Кем, кем тиһең?
Ком: 0 // Уҡынылар: 1149 тапҡыр // Тотош уҡырға
Тышаулы ат (1)Хикәйә
Нисек кенә ашыҡһам да, автобусҡа тәки һуңланым. Кәйеф ҡырылып, үҙемде эстән һүгә-һүгә, билет алмаштырырға сиратҡа баҫтым. Бер аҙ торғас, әҙерәк тынысланып, үҙ-үҙемде йыуата башланым: "Ярай, кис түгел, автобус та булыр, йырлай-йырлай ҡайтып та етермен әле, Алла бирһә". Тирә-яҡҡа күҙ һалдым — һәр кемдең үҙ мәшәҡәте: кемдер автобусына ашыға, ә икенселәр автовокзалдың икенсе ҡатына күтәрелә.
Ҡайһы берәүҙәр ғаиләһе менән юлға сыҡҡан. Автовокзал ҡырмыҫҡа иләүеләй ҡайнап тора. Шулай ҙа кешеләрҙең кәйеф күтәренкелеге һиҙелә. Байрам бит. 1 Май! Миңә, совет заманында йәшәп ҡалған кешегә, май байрамдары элеккесә тантаналы булып ҡабул ителә. Тик парадта ғына йөрөлмәй. Элек шул парадҡа сыҡҡы килмәй торғайны, ә хәҙер һағындырып иҫкә төшә. Хәйер, үткән ғүмер һәр ваҡыт һағындыра. Киләсәк кенә билдәһеҙ, серле тойола.
Ком: 0 // Уҡынылар: 1092 тапҡыр // Тотош уҡырға
Ҡалдырма, әсәй! (7)Тыуған нигеҙҙә...

Бөгөн мин иртә уяндым. Көнөм нисек булыр? Шуны уйлап, төнө буйына йоҡлай алмай сыҡтым. Ысынлап та, бик тулҡынландырғыс минуттар көтә алда. Тыуған ауылыма ҡайтам бөгөн. Беҙ тыуып-үҫкән йорт ни хәлдә икән? Ауылдаштарым мине танырмы? Күрше-күлән иҫән-һаумы икән? Милиционер беҙҙе апайыбыҙға алып барам тип алып киткән көндө әлегеләй хәтерләйем. Күп кенә йылдар үтте. Хәҙер ул ваҡытта ҡалала уҡыған ике ағайым да, оло апайым да үҙаллы ғаилә ҡорған. Улар беҙҙең хәлде белергә йыл һайын килеп торҙолар.
Балалар йортонан Әлиә менән Алһыу ҙа 9-сы класты бөтөп сығып китте, хәҙер һөнәр үҙләштерәләр. Зөлфирә менән мин генә ҡалдыҡ. Йылдар үткән һайын бөтә нәмә үҙгәрә икән. Элек беҙгә берәйһе ауыр һүҙ әйтһә, илап ебәрә инек. Хәҙер ундай күренештәргә күнеп бөткәнмен. Хатта атайым менән әсәйемде иҫкә алғанда ла күҙ йәштәрем сыҡмай. Белмәйем, бәлки, ағыр йәштәр ағып бөткәндер ҙә.
Ком: 12 // Уҡынылар: 4947 тапҡыр // Тотош уҡырға
Ҡалдырма, әсәй! (6)Өҙөлгән өмөт

Март айының башы ине. Балалар йортоноң "башлығы" Даян киске аштан һуң Фәрит менән мине бүлмәһенә саҡырып алды. Нимә булды икән? Бер эш тә ҡылманыҡ шикелле. Тәртип боҙһаҡ, тәрбиәселәр уға "саңыбыҙҙы ҡағырға" ҡушҡанын беләбеҙ ҙә ул. Шулай ҙа...
— Һеҙгә бик мөһим задание бар, — тине ялбыр сәсле Даян. — Белеп тораһығыҙ, 8 Март яҡынлашып килә. Байрамға һөйгән ҡыҙыма бүләк алырға аҡса кәрәк. Шуның өсөн һеҙҙе саҡырттым да инде. Сос икәнегеҙҙе беләм. Ике көн генә ҡалды. Икәүләшеп миңә илле һум табып килтерегеҙ...
— Ә беҙ уны ҡайҙан алайыҡ? — тинем аптырап.
— Уныһы һеҙҙең эш: һорап тораһығыҙмы, урлайһығыҙмы, эшләп алаһығыҙмы... Ике көн эсендә илле һум булмаһа, үҙегеҙгә үпкәләгеҙ. Ярай, ошоноң менән һүҙем бөттө, хәҙер үк эҙләй башлағыҙ, — тине лә карауатына һуҙылып ятты. — Барығыҙ, барығыҙ!
Ошо Даянды... Ул беҙҙән шуға көслөрәк. Шуның менән файҙалана ла. Ә уҡыуы әллә ни яҡшынан түгел. Күпме балаларҙан көлгәне бар уның. Анау тапҡыр миңә лә эләкте. Бына хәҙер аҡса таптыра. Был турала тәрбиәсегә әйтһәң, үҙеңә генә насар эшләйәсәкһең. Ошаҡлашып йөрөйһөң тип кәрәгеңде биргәнсе туҡмар. Башҡа малайҙарҙы ла һиңә ҡаршы ҡотортор әле.
Ком: 0 // Уҡынылар: 3298 тапҡыр // Тотош уҡырға
Ҡалдырма, әсәй! (5)* * *
Бүлмәнең ишеген шартлата тибеп Даян килеп инде. Фәрит менән китап уҡып ултыра инек.
— Эй, ботаниктар, китабығыҙҙы алып тороғоҙ мин булғанда! — Үҙе йоҙроҡтарын төйөп, әллә беҙҙе ҡурҡытырға теләп, ишеккә берҙе һуғып та алды. Барыбер йәш үҙенекен итә икән. Беҙҙән күпкә олораҡ булғас, көрәктәй ҡулдарын улға-һулға һелтәргә оҫта. Мәктәптә лә ауыл балалары менән йыш һуғышып китә. Һин ғәйепһеҙ булып та, һонтор ағай килеп танауыңды тиктомалдан ҡанға борхотоп китһә лә, уға "ҡуй" тип әйтеүсе юҡ. Әле лә Даяндың бүлмәбеҙгә килеп инеүе тиктомалдан түгел.
Кисәге директор кабинетында булғанда "Даянға әйтәйек. Бер аҙ саңдарын ҡағып алһын" тигәйнеләр бит.
— Һеҙ ниңә минән һорамай-нитмәй балыҡҡа барҙығыҙ? — Ирендәре ослайып, Даян миңә яҡынлашты.
— Һин беҙҙең төркөмдөң тәрбиәсеһе түгелһең бит, — тинем.
— Молчать! Ас ҡарғалар. Гел проблемалар һеҙҙән сыға. Һеҙҙең өсөн беләһегеҙме миңә нисек эләкте! Директорҙан шелтә алып тороуы ла рәхәт түгел. Етәр, күп шаштығыҙ! Балыҡ күрмәгәндәй ҡыланып... Мин дә һеҙҙе буш ҡалдырмам.
Ком: 0 // Уҡынылар: 3888 тапҡыр // Тотош уҡырға
Артҡа 1 2 3 4 5 6 7 8 9 10 ... 18 Алға
Бит башына