Башҡортостанға "Ҙур химия" килде: ошо исем менән Өфөлә халыҡ-ара форум асылды, быйыл ул икенсе тапҡыр ойошторола. Абруйлы сарала Рәсәй төбәктәре етәкселәре, Рәсәй Президентының Волга буйы Федераль округындағы Тулы хоҡуҡлы вәкиле Михаил Бабич һәм башҡа рәсми кешеләр, сит ил вәкилдәре, химия һәм нефтехимия сәнәғәте белгестәре – йәмғеһе 500-ҙән ашыу делегат ҡатнаша. Форум төбәктең индустриаль парктары һәм донъя химия баҙарының төп тенденциялары нигеҙендә дәүләт һәм шәхси партнерлыҡ өлкәһендәге мәсьәләләрҙе хәл итеү, Башҡортостандың нефть-газ химияһы комплексының үҫеш проблемалары һәм йүнәлештәре хаҡында фекер алышыу йәһәтенән ойошторолған. Стратегик программаға ярашлы, форумда республика компаниялары үҙҙәренең 2030 йылға тиклемге инвестиция проекттары менән таныштыра. Шулай уҡ технология һәм материал етештереүселәр заман талаптарына яуап биргән нефть һәм газ табыу, эшкәртеү ҡорамалдарын тәҡдим итте – Рәсәйҙең сәнәғәт комплексында уларға ихтыяж ҙур.

17 майҙа Башҡортостан Президенты Рөстәм Хәмитов үҙенең Указы менән 2012 йылда республиканың муниципаль райондарында “Һабантуй” халыҡ байрамын үткәреү графигын раҫланы.
Документҡа ярашлы, республика Хөкүмәтенә Башҡортостандың район хакимиәттәре менән берлектә “Һабантуй” байрамын ойоштороуҙы тәьмин итеү бурысы ҡуйылды. Байрам үткәрелгән урындарҙа Башҡортостандың Һаулыҡ һаҡлау министрлығы медицина хеҙмәткәрҙәренең дежурлығын ойошторорға тейеш.

Башҡортостан Президенты Рөстәм Хәмитов Швейцария Конфедерацияһының Рәсәйҙәге Ғәҙәттән тыш һәм Тулы хоҡуҡлы илсеһе Пьер Хельг менән осрашты. Ул Өфөгә “Ҙур химия” халыҡ-ара форумында ҡатнашыу өсөн килгән.
Осрашыуҙа Швейцария менән Башҡортостан араһындағы хеҙмәттәшлектең яҡшы кимәлдә булыуы һәм республикабыҙҙың күп кенә өлкәләрҙә бәйләнештәрҙе киңәйтергә ниәтләүе билдәләнде.
Былтырғы йомғаҡтар буйынса Башҡортостандың ошо ил менән тышҡы сауҙа әйләнеше 102 миллион АҠШ долларынан ашыу тәшкил иткән.

Башҡортостан Президенты Рөстәм Хәмитов яҙғы баҫыу эштәренә һәм малсылыҡты үҫтереү мәсьәләләренә арналған селектор кәңәшмәһендә ҡатнашты. Сара Рәсәй Федерацияһы Хөкүмәте башлығы Дмитрий Медведев рәйеслегендә үтте.
Дмитрий Медведев губернаторҙарҙың иғтибарын ауыл етештереүселәрен страховкалауҙың яңы системаһын ғәмәлгә индереүгә йүнәлтте һәм, дәүләт ярҙамы күрһәтелеп, уңышты страховкалауҙың яңы системаһы быйыл эшләй башларға тейеш, тип хәбәр итте.
“Дөйөм алғанда, беҙ ҙур ташлама яһаныҡ, сөнки дәүләт страховка премияһының 50 процентын түләй.

Башҡортостан менән сит илдәр араһындағы хеҙмәттәшлек даирәһе киңәйгәндән-киңәйә. Республика йортонда Башҡортостан Президенты Рөстәм Хәмитов Өфөлә үтәсәк II Халыҡ-ара “Ҙур химия” кәңәшмәһенә килгән ғәрәп дәүләттәренең Рәсәйҙәге бер төркөм илселәре менән осрашты.
— Ошондай ҙур делегаттар төркөмө республикаға тәүге тапҡыр килә. Быны беҙ тәрән ихтирам билдәһе, ышаныс күрһәтеү һәм артабанғы һөҙөмтәле хеҙмәттәшлеккә мөһим аҙым тип ҡабул итәбеҙ, – тине ҡунаҡтарға мөрәжәғәт итеп Рөстәм Хәмитов. – Ғәрәп илдәре менән Башҡортостанды тарихи тамырҙар, мәҙәниәт, дин бәйләй. Халҡыбыҙҙың яртыһынан ашыуы – мосолмандар, республикала меңгә яҡын мәсет бар. Башҡорт-ғәрәп дуҫлыҡ йәмғиәте эшләп килә.