Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Һөйәм тип әйтһәң, ни була ине, Абдулла?!
Драматург Флорид Бүләковтың маһирлығын кем инҡар итә алыр? Бөтәбеҙ ҙә күреп өйрәнгән хәл-ваҡиғаларҙан ул ана ниндәй тормошсан әҫәрҙәр ижад итте, таныштарыбыҙҙың, яҡындарыбыҙҙың – милли характерҙы ҙур сәхнәләргә алып сыҡты. Эш шунда, һоҡланғыс әҫәрҙе лә зауыҡһыҙ постановка менән юҡҡа сығарырға була. Эйе, “Һөйәһеңме, һөймәйһеңме?” трагикомедияһы кеше ғүмеренең ошо Ер йөҙөндәге йәшәү теоремаһы төҫлө – бөтәһе лә үҙ урынында, бөтәһе лә шулай булырға тейеш, бөтәһе лә таныш, бөтәһе лә тетрәндергес... Әммә хис-тойғоларҙың, уларҙың сағылышы, кисерештәрҙең тап шул рәүешле йәшәргә тейешлеге, камил хаоста көн итеүе шарт. “Әйткән һүҙ – атҡан уҡ”, ти бит халыҡ мәҡәле. Ирҙә лә, ҡатында ла барыһы ла йүгәндә торорға тейеш, улай булмаһа, эштәр харап! Әйтмәгәнһең икән, әле килеп ниңә ул тойғоларыңды белдерергә булдың һуң, Абдулла?
Тамашаның аҙағында тап ошолай тип ҡысҡырғым килде минең төп геройға. Уны Башҡортостандың халыҡ артисы Олег Ханов шул тиклем тәрән нескәлек менән башҡарҙы, әйтерһең, ошо роль тап уның өсөн генә яҙылған да ул йөҙөп йөрөп үҙенең әйтергә теләгәнен еткерә. Ирҙәрҙең, хатта әйтер инем башҡорт ирҙәренең, асылы сағыла был образда. Бер ҡараһаң, ҡырыҫ, икенсегә баҡһаң, нескә күңелле был заттар ысын тойғолар йөрөтә белеүе, ихласлығы, ҡырыҫлығы менән дә арбамаймы икән беҙҙе? Әммә бер йылы һүҙгә зар-интизар булған ҡатын-ҡыҙ асылы, яҡтыға ынтылған гөлдәй, бер көн килеп һулымаҫмы, әллә, киреһенсә, нур булып күккә үрелмәҫме? Хәйер, был – беҙҙең тормошобоҙ, йәшәү рәүешебеҙ. Әйтер һүҙҙәр һуңлай, уйланған ғәмәлдәр тотҡарлана, ашыҡһаҡ та, барып етә алмайбыҙ, яйлаһаҡ та, өлгөрәбеҙ. Сөнки барыһы ла Күк кәнсәләрендә хәл ителә. Фатиманың яҙмышы ла шулай. Абдулла­ныҡы ла. Беҙ бабай өсөн яндыҡ, көйҙөк, баҡтиһәң, ҡарт менән ҡарсыҡтың асылы бер бөтөн икән дә! Башҡортостандың халыҡ артисы Рәмзиә Хисамова асҡан образ шул тиклем үҙ, яҡын, беҙ ауылдарҙа күреп үҫкән өләсәйҙәребеҙ, күрше инәйҙәр сағылышы. Ирекһеҙҙән, әллә уларҙы һағынып, әллә таныш образдарҙың яҙмышын уйлап, күҙ йәштәре йәнде таҙартыр көсө менән биттән юллай.
Бында хатта әйтеүе лә ҡыйын кем кемде һағыныуын: Олег Хановтың, Рәмзиә Хисамованың сәхнәләге уйынын, образдарын күреп үҫкән быуындан мин. Шуға ошо уҡ мәлдә уларҙы, тәрән кисерешле геройҙарын һағыныуымды ла төшөнәм. Башҡорт сәхнәһенең көсө лә – тап ана шундай артистарҙа! Башҡорт театр сәнғәтенең бәҫе лә – тап ана шундай образдарҙа!
Йәш артистар Юлиә Ғәләүетдинова менән Азат Вәлитов та ҡарт менән ҡарсыҡтың йәшлеген бик оҫта сәхнәләш­терҙе. Себеште башҡарған З. Исмәғилев исемендәге Өфө дәүләт сәнғәт институты студенткаһы Анастасия Буркова һәм билдәле артист Артур Ҡунаҡбаев уйнаған кәзә тәкәһе образдары Фәрештә менән Шайтан булып та күҙ алдына баҫа. Шул уҡ ваҡытта бәндәләрҙең яҡшы һәм яман ҡылыҡтарын яҙып барған ике фәрештәне лә хәтерләтә. Изге китаптарҙа әйтелгәнсә, беҙ көнөбөҙ матурлығына бер ҡыуанһаҡ, донъяның фанилығы тураһында ла иҫебеҙҙән сығарырға тейеш түгелбеҙ. Бына нимәләр хаҡында уйландым мин был премьераны ҡарағандан һуң.
Спектаклдән сығыу менән үк ашығып Олег ағайға, Рәмзиә апайға шылтыратам. Эскә һыймаған кисерештәр хаҡында уртаҡлашҡы килә. Бар ғүмерҙәрен милли сәнғәтте үҫтереүгә, күңелдәрҙе сафлан­дырыуға бағышлаған артистарға ҡарата йылы һүҙҙәрҙе әйтеп тә бөтөрөрлөк түгел. Фиҙакәрлек, тоғролоҡ кешеләрҙе һөнә­ренең оҫтаһы итә, күрәһең.
Ҡулда программа булмағас, режиссеры кем икәнен дә белмәй ҡайтып киткәнмен. Илсур Ҡаҙаҡбаев беҙҙе сираттағы уңышы менән ҡыуандырған икән. Режиссер эше тәжрибә, ваҡыт талап итә, тиҙәр. Күрәһең, Илсур әкиәттәге йыл үҫәһен ай үҫкән, ай үҫәһен көн үҫкән батыр кеүек ижад итә!



Беҙҙе Яндекс Дзен лентаһында уҡығыҙ
Комментарий өҫтәргә






Тәрбиә орлоғон кем сәсә?

Тәрбиә орлоғон кем сәсә? 21.11.2018 // Рухиәт

Тел уҡытыусыларының бурысы телде өйрәтеү генә түгел. Быйыл “Урал батыр” эпосын яттан һөйләү буйынса...

Тотош уҡырға 80

“Әкиәттәге серле ҡурай һымаҡ, Әйт, был ниндәй ҡанлы тантана?..”

“Әкиәттәге серле ҡурай һымаҡ, Әйт, был ниндәй ҡанлы тантана?..” 30.10.2018 // Рухиәт

Таң алдынан беҙҙе аталар, Хуш, бәхил бул, Фатимам. Йәшәһен тик тыуыр таңдар, Йәшәһен тик саф иман!...

Тотош уҡырға 106

Беҙ һеҙҙе онотманыҡ...

Беҙ һеҙҙе онотманыҡ... 23.10.2018 // Рухиәт

Тамырҙарын белгән быуын беҙ. Ил яҙмышына һәр кемдең индергән үҙ өлөше бар. Меңәрләгән кешенең...

Тотош уҡырға 106

Танылған археолог иҫтәлегенә

Танылған археолог иҫтәлегенә 18.10.2018 // Рухиәт

Ошо шәмбелә Ғафури районының Сәйетбаба ауылында билдәле археолог, Башҡортостан Фәндәр академияһы...

Тотош уҡырға 143

Дандары ҡайтты халҡына

Дандары ҡайтты халҡына 17.10.2018 // Рухиәт

Дандары ҡайтты халҡына. ...Алыҫ йылдар төпкөлөндәге тарихҡа шаһит Баймаҡ районы республиканың 100...

Тотош уҡырға 115

“Атайымдың яҙмышы асыҡланды”

“Атайымдың яҙмышы асыҡланды” 16.10.2018 // Рухиәт

Бөйөк Ватан һуғышы һалған яралар, йылдар үтһә лә, уңалмай, әленән-әле яңы факттар һәм тарихи биттәр...

Тотош уҡырға 134

Һәйкәл булып ҡайтты тыуған яғына

Һәйкәл булып ҡайтты тыуған яғына 16.10.2018 // Рухиәт

2018 йылдың 20 мартында Благовар районы башҡорттары Ҡәнзәфәр бей исемендәге башҡорт тарихи-мәҙәни...

Тотош уҡырға 123

Батырҙар исеме үлемһеҙ

Батырҙар исеме үлемһеҙ 15.10.2018 // Рухиәт

Көйөргәҙеләр үҙҙәренең ҡаһарман яугирҙәре менән хаҡлы рәүештә ғорурлана. Район үҙәге Ермолаевка...

Тотош уҡырға 91

Данлы, шанлы йылдар ауазы

Данлы, шанлы йылдар ауазы 10.10.2018 // Рухиәт

Әхмәтзәки Вәлиди, Шәйехзада Бабич, Муса Мортазин эҙҙәренән. Мәғрур Ирәндек тауының төньяҡ итәгендә,...

Тотош уҡырға 156

Ҡарасайҙа, йөҙ йыл элек

Ҡарасайҙа, йөҙ йыл элек 02.10.2018 // Рухиәт

...Тыуған йылым ун туғыҙҙан уңдым, Октябрҙән — тыуған айымдан, — Ана нисек минең юлдарыма Һары...

Тотош уҡырға 131

Шәхес һалған һуҡмаҡтан

Шәхес һалған һуҡмаҡтан 02.10.2018 // Рухиәт

Өфөлә V Кузеев уҡыуҙары барышында “Этнос. Йәмғиәт. Цивилизация” Бөтә Рәсәй ғилми-ғәмәли...

Тотош уҡырға 103

“Халҡыбыҙға ислам дине VII быуатта уҡ ингән”

“Халҡыбыҙға ислам дине VII быуатта уҡ ингән” 28.09.2018 // Рухиәт

Башҡорттарҙың борондан дәүләтселеге булған. Уның менән һәр әңгәмә халҡыбыҙҙың боронғо тарихына...

Тотош уҡырға 408