Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Фәһемле_фекерҙәр: “Милләтте ғаилә генә ҡотҡара ала…”
Сағылдарҙан ҡырҡып алһаң
Таҡыя баш ҡурайҙы,
Ул Уралды ғына түгел,
Донъяларҙы урайҙыр.
Сафуан ӘЛИБАЙ.
* * *
Урал тауы — Ер кендеге, тигән һүҙҙәр
Илаһи бер ҡөҙрәт менән тулғандыр ул,
Ошо ерҙе, ошо илде Хоҙай беҙгә
Мәңгелеккә тәғәйенләп ҡуйғандыр ул.
Рәшит ШӘКҮР.
* * *
Азия менән Европа ҡитғаларының күкрәгендәге муйынсаҡ ул сал Урал. Башҡортостан иһә – ошо муйынсаҡтағы иң ҡиммәтле һоҡланғыс ынйы.
Александр ФИЛИППОВ.
* * *
Башҡорт далаларына Мәскәүҙән һәм Дондан бихисап халыҡ ҡымыҙ эсеү өсөн йыйылған, сөнки ҡымыҙҙың сәләмәтлек өсөн файҙаһы ҙур.
П.С. ПАЛЛАС.
* * *
Халыҡ үрсеһә, уның аҡыл эйәләре лә, дәүләт эшмәкәрҙәре лә, шағирҙары ла, ғалимдары ла, яугир ирҙәре лә тыуыр.
Розалия СОЛТАНГӘРӘЕВА.
* * *
Был боронғо һүрәттәр “Көнбайыш Европа ғына ҡитғала тулы камиллыҡҡа эйә Альтамира* матурлығын бирҙе” тигән һауалы теорияны юҡҡа сығарҙы. Ҡайҙан беләһең, бәлки, Шүлгән тирәһендәге ауылдарҙа йәшәүселәрҙә боронғо рәссамдар ҡаны тибәлер.
Алексей КУЗНЕЦОВ.
* * *
Башҡорт моңо, башҡорт ҡурайына
Алҡышламай бөгөн ҡай тараф?
Бейегәндә төньяҡ амурҙары
Донъя сәхнәләре сайҡала.
Рауил БИКБАЕВ.

* * *
Ҡурай моңо ағыла. Ошо моң ҡойононда һин ат өҫтөндә ярһып ташланған башҡорт егеттәренең һөрәнен дә, изге ҡошобоҙ торнаның иңрәүле тауышын да, йәшләй генә ҡарт иргә кейәүгә оҙатылған ҡыҙҙар сеңләүен дә ишетәһең. Йөрәгең ярһый, күңелеңде уйҙар биләп ала... Ҡурай моңо ағыла. Һинең күҙ алдында бейек-бейек Урал ҡаялары, икһеҙ-сикһеҙ башҡорт далалары, көмөш һыулы йылғалар, йырып сыҡҡыһыҙ урмандар пәйҙә була... Ҡурай моңо ағыла. Йөрәгең күкрәгеңә һыймай, үҙең дә һиҙмәҫтән, ҡолас йәйеп бейергә төшөп китәһең. Юҡ, юҡ, һин түгел, аяҡ аҫтыңда ер үҙе бейей, донъя бейей... Бына ниндәй ҡөҙрәт һыйған бәләкәй генә ошо көпшә үләнгә. Иҫ киткес бит! Әйтерһең, донъяның бар моңо ошо көпшәлә.
Салауат ӘБҮЗӘР.

* * *
Йәшә, ҡурай, йәшнә, боронғо моң, заман хәтерҙәрен уятып.
Ирек КИНЙӘБУЛАТОВ.
* * *
Башҡортостан, һинең ҡуйыныңда
Көн күрәләр күпме халыҡтар.
Тоғролоҡта ғына ул дуҫлыҡ бар,
Тик дуҫлыҡта ғына хаҡлыҡ бар.
Рәйес ТҮЛӘК.
* * *
Милләтте ғаилә генә ҡотҡара ала. Барыһы ла ғаиләнән башлана һәм барыһын да сәңгелдәктән, тыуған тупһанан, тыуған нигеҙҙән, тыуған йорттан башларға кәрәк. Өйөң тыныс булһа, ауылың тыныс булыр, ауылың тыныс булһа, районың тыныс булыр, районың-ҡалаң тыныс булһа, илең тыныс булыр. Илдәр тыныс булһа, барлыҡ донъя тыныс булыр.
Рауил БИКБАЕВ.
* * *
Ҡайҙа ауырлыҡ бар — башҡорт шунда,
Ҡайҙа башҡорт — шунда ауырлыҡ.
Еңеллектәр әллә түгел микән
Беҙ күтәреп йөрөй алырлыҡ?
Мәүлит ЯМАЛЕТДИН.
* * *
Һәр бер милләт үҙ илендә азат йәшәргә хаҡлы.
Әнғәм АТНАБАЕВ.
* * *
Ай, Уралым, Уралым –
Ил һаҡлаған ҡоралым!
Ятып ҡалған төнөң бар,
Балҡып янған көнөң бар,
Мең йыл йәйгән түлең бар,
Түл йәйҙергән телең бар,
Телде һаҡлар халҡың бар,
Илде туплар хаҡың бар!..
Рәми ҒАРИПОВ.
* * *
Һәр халыҡтың тарихы өйрәнелһен өсөн, уның үҙ Карамзины булыуы шарт.
Мөхәмәтсәлим ӨМӨТБАЕВ.
* * *
Ожмахынан яҙған әҙәм булам,
Айырылһам Башҡортостандан.
Рауил БИКБАЕВ.
* * *
Эй, гармун, күм моңға тирә-яҡты,
Күкрәмә, күк, яума, ямғыр, ҡуй.
Ауыл халҡы бөгөн байрам итә —
Шаулап-гөрләп тора һабантуй.
Роберт ПАЛЬ.
* * *
Боролоп-боролоп аға Ағиҙел,
Матурҙан да матур беҙҙең ил!
Ғ. МӘСҒҮТ.
* * *
Бөркөт оялаған сал Уралда
Яҙыҡ булмаҫ ҡайрау ҡоралымды.
Теҙ сүкмәйсә, Себер китһәм китәм,
Бирәсәгем түгел Уралымды!..
Зөбәржәт ЙӘНБИРҘИНА.

–––––––––––
*Испаниялағы мәмерйә.



Беҙҙе Яндекс Дзен лентаһында уҡығыҙ
Комментарий өҫтәргә






Батырҙар исеме үлемһеҙ

Батырҙар исеме үлемһеҙ 15.10.2018 // Рухиәт

Көйөргәҙеләр үҙҙәренең ҡаһарман яугирҙәре менән хаҡлы рәүештә ғорурлана. Район үҙәге Ермолаевка...

Тотош уҡырға 22

Данлы, шанлы йылдар ауазы

Данлы, шанлы йылдар ауазы 10.10.2018 // Рухиәт

Әхмәтзәки Вәлиди, Шәйехзада Бабич, Муса Мортазин эҙҙәренән. Мәғрур Ирәндек тауының төньяҡ итәгендә,...

Тотош уҡырға 65

Ҡарасайҙа, йөҙ йыл элек

Ҡарасайҙа, йөҙ йыл элек 02.10.2018 // Рухиәт

...Тыуған йылым ун туғыҙҙан уңдым, Октябрҙән — тыуған айымдан, — Ана нисек минең юлдарыма Һары...

Тотош уҡырға 54

Шәхес һалған һуҡмаҡтан

Шәхес һалған һуҡмаҡтан 02.10.2018 // Рухиәт

Өфөлә V Кузеев уҡыуҙары барышында “Этнос. Йәмғиәт. Цивилизация” Бөтә Рәсәй ғилми-ғәмәли...

Тотош уҡырға 45

“Халҡыбыҙға ислам дине VII быуатта уҡ ингән”

“Халҡыбыҙға ислам дине VII быуатта уҡ ингән” 28.09.2018 // Рухиәт

Башҡорттарҙың борондан дәүләтселеге булған. Уның менән һәр әңгәмә халҡыбыҙҙың боронғо тарихына...

Тотош уҡырға 258

Сал тарих эҙҙәренән

Сал тарих эҙҙәренән 28.09.2018 // Рухиәт

Күптән түгел Рәсәй Фәндәр академияһының Өфө федераль тикшереү үҙәге Тарих, тел һәм әҙәбиәт...

Тотош уҡырға 80

Батырҙарҙы онотмайыҡ

Батырҙарҙы онотмайыҡ 25.09.2018 // Рухиәт

Бөйөк Ватан һуғышының ҡаһарман батырҙарының береһен йыш иҫкә алам. Генерал-майор Ғәлийән Ғәлиев ул....

Тотош уҡырға 68

Һағыштарҙы ниҙәр тарата?

Һағыштарҙы ниҙәр тарата? 21.09.2018 // Рухиәт

“Үҙеңдең генә түгел, башҡаларҙың да күңелен үҫтереп йәшәргә кәрәк” Матурлыҡ – иң ҙур көс, тиҙәр....

Тотош уҡырға 186

Дини үҙәккә — 230 йыл

Дини үҙәккә — 230 йыл 18.09.2018 // Рухиәт

Быйыл Рәсәйҙә мосолмандарҙың тәүге үҙәк дини ойошмаһы – Рәсәй мосолмандарының Үҙәк диниә назараты...

Тотош уҡырға 63

Үткәнен онотмаған – киләсәкле

Үткәнен онотмаған – киләсәкле 18.09.2018 // Рухиәт

Башҡорт Хөкүмәте рәйесе Юныс Бикбовҡа тыуған төйәгәндә бюст асылды Тарихҡа күҙ ташлаһаҡ, ҡасан ғына...

Тотош уҡырға 66

“Урал батыр” нисә йәшендә?

“Урал батыр” нисә йәшендә? 12.09.2018 // Рухиәт

Ғалим өсөн сиктәр юҡ ине... Ер йөҙөндә йәшәүсе күп һанлы милләттәр араһында үҙен милләт, улай ғына...

Тотош уҡырға 118

Илле гармунсы бергә сығып баҫһа...

Илле гармунсы бергә сығып баҫһа... 16.08.2018 // Рухиәт

Бай тарихлы Йәрмөхәмәт ауылына быйыл 280 йыл тулды. Бөгөн дә ул тотороҡло үҫеш юлында: яңы йорттар...

Тотош уҡырға 343