Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Өмөтлө йәштәр үҫә!”
“Өмөтлө йәштәр үҫә!”“Ҡош юлы” республика шиғриәт бәйгеһен баһалаусыларға килгәндә, улар Рәсәй һәм Башҡортостан Яҙыусылар союзы ағзалары – Ринат Сөләймәнов, Лариса Абдуллина, Рәшит Зәйнуллин, Фирүзә Абдуллина. Фестивалгә күптәре килә алмаһа ла, биш ай дауам иткән һайлап алыу турында һәр кем тос фекере, ғәҙел баһаһы менән бәйгегә мәртәбә өҫтәне. Ә шағирә Фирүзә Абдуллина килеп кенә ҡалманы, “Ижад сере” семинар-практикумының спикеры ла булды, шиғырҙары менән сәхнәнән дә һүҙ тотто. Бына нимә ти ул бәйге һәм, ғөмүмән, фестиваль хаҡында:

– “Ҡош юлы” фестивале менән бер нисә йыл инде ҡыҙыҡһынам. Талантлы, милли рухлы йәштәрҙе бергә туплап, яңы исемдәр асыуы, киң майҙанға билдәле итеүе менән мөһим тойолдо был сара. Баһалама ағзаһы итеп саҡырғас, шатланып риза булдым, сөнки йәштәр менән аралашыу күңелде үҫтерә, йәшәртә.
Составта заман менән йәнәш атлаған йәштәр булыуы ла дәртләндерҙе, улар менән бергә эшләү үҙе үк бер тәжрибә бит.
Оло быуын вәкиле булараҡ, мин йәштәрҙең дәртлелегенә, талантлылығына, зыялылығына һоҡланам, милли рухлы, телде күтәреүселәр булыуы менән ғорурланам.
Конкурста ҡатнашҡан йәш шағир-шағирәләрҙең ижадын өйрәнеү – үҙе үк ижад мәктәбе. Өмөтлө йәштәр үҫә. Дәртләнеп, ҡанатланып, шатланып ҡайттым.


Һүҙ – еңеүселәргә

“Үтер булһаң күңел урамыма,
Ғүмергә бул бында ҡалыусы...”


***
Мин ғәйепле ғаләм алдында,
Ярлыҡауға өмөт итмәҫлек.
Был ғәйебем эҙәрлекләр төҫлө
Һуңғы көнгә ҡәҙәр,
Эҙгә – эҙҙәр,
Ҡанһыҙ йыртҡыс кеүек артымдан,
Мин ғәйепле ғаләм алдында.

Утлы тамға кеүек был ғәйеп,
Бөртөк кенә хата мөһөрө.
Хилафлыҡтың һаҡлар хәтерен,
Шомло ғәрлек булып,
Ҡотом убып.
Булмаҫ кеүек уға күнегеп,
Утлы тамға кеүек был ғәйеп.

Бар ғәйебем – көндөң бер көнөндә
Ахырына етеп сәмемдең
Һинең барлығыңда... шикләндем.
Аңлап шул ваҡытта
Оло хатам,
Шикләнеүҙе ҡыуҙым күңелдән,
Көндәремдең тик бер көнөндә.

Әллә юрый һиңә табан юлдың
Иң урауын һәм иң оҙонон,
Урман-ҡаялыһын һайланым.
Ул юлдарҙа, йәнем,
Бөгөлмәнем,
Берсә янып бештем, бер туңдым,
Иң ауырын һайлап юлымдың.

Белһәм әгәр һинең исемде,
Хатта уның тик бер хәрефен,
Доғаларҙың да иң шәрифе
Булыр ине ул өн.
Һәм һәр бер көн
Мин ҡабатлар инем, көсөмдө
Һаҡлар өсөн һинең исемде.
Ғәзиз ӘБДЕЛМӘНОВ.

КҮҢЕЛ УРАМЫМ

Инер булһаң минең урамыма,
Билдәләп үт сығыр мәлеңде.
Тағы күпме яраларға була
Бысаҡ ҡаҙатылған тәнемде?

Йәтеш күреп кенә керә күрмә
Урап ҡарау өсөн бер тапҡыр.
Китер булһаң үҙем түҙермен дә,
Алдатылған йөрәк ҡалайтыр?

Урамыма ҡунаҡ саҡырманым,
Ваҡытлыса ҡапҡа асмайым.
Килгәнендә ауыҙымды йырып,
Оҙатҡанда илап ҡалмайым.

Үтер булһаң күңел урамыма,
Ғүмергә бул бында ҡалыусы.
... Ана, торам урам уртаһында,
Һине көтөп юлға бағыусы.
Лилиә ҠАҺАРМАНОВА.

***
Сит ерҙәргә әйҙәнең:
Диңгеҙ буйы, караптар...
Мин әйтергә ҡыйманым
Яратам, тип, пар аттар.

Өҫтәлемә теҙҙең ризыҡ,
Белмәйем мин исемен.
Утта бешкән бәрәңге, тип
Үлә яҙған кешемен.

Хушбуйҙарың ҡыйбаттыр,
Бер тамсынан иҫерәм.
Белһәң ине: ләззәт алам,
Ҡара мунса еҫенән.

Әсе ҡорот тәмләттем дә
Мәтрүшкәле сәй ҡойҙом.
“Үҙ тапандым, уф”, – тиеп
Еңел һулап һин ҡуйҙың
Ләйсән СӘЛИМОВА.

***
Ялғанлыҡтан, яуызлыҡтан ялҡып,
Барлыҡ көсөн йыйып усына
Бәхет эҙләп сығып китһә кеше,
Уны табыр барыр юлында.

Эҙләй-эҙләй инде арып бөтөп,
Ышанысын юйып күңелдән,
“Инде булмаҫ миңә бәхет “, - тиеп,
Бөтөнләйгә күнһә, төңөлһә...

Түҙ һин, кешем! Шул ваҡытта,
Ҡояш һибер нурын көмбәҙҙә.
Бәхет һиҙҙермәйсә генә килә,
Ышанғанға килә, түҙгәнгә!
Миләүшә ҺАТЫБАЛОВА.

***
“Булғадир булған, һай, Салауат
Егерме лә ике йәшендә!”
Ә һин улт(ы)раң ағыу эсеп,
Иҫләмәйһең нисә йәшеңдән!

Ауылыңда илай Атай йорто,
Ә һин һуҡыр аҡса эҙенән
Ата-баба ҡаны һеңгән ерҙе
Юяң һатып, донъя йөҙөнән.

Балаң белмәй әсәй һүҙен,
“Мам”ылдайҙар таңдан кистәргә.
Алмаштыра аңлы ҡурай моңон
Әшәкеләр ҡоҫҡан хистәргә.
Урал һыҡтай: “Башҡорт ҡайҙа? – тиеп, –
Иле өсөн янған меңәрләп?”
Ә һин үләң маңҡорт булып,
Өйөн белмәҫ ишәк егәрләп!
Илһам АСЛАЕВ.

МИН ҺИНЕ КӨТӘМЕН

Мин һине көтәмен, яҙҙарым
Йылмайып ҡараған саҡтарҙа.
Ҡояшҡай йылытып күктәрҙән
Хисләнеп нурҙарын ҡойғанда.

Мин һине көтәмен, йәйҙәрем
Йәшелгә мансыған урманда.
Биҙрәләп, йыуҙырып ҡырҙарын
Йәшенле ямғыры яуғанда.

Мин һине көтәмен, көҙҙәрем
Алтынға мансылып килгәндә.
Иртәнге сафлығын бөркөгән
Сәскәгә төрөнгән йәйләүҙә.

Мин һине көтәмен ҡыштарым
Аҡлығын төрөнгән урамда.
Ҡоштарҙай әйләнгән ҡарҙарым
Пакланып донъяға яуғанда.

Мин һине көтәмен, күңелем
Көҙҙәрен, яҙҙарын күргәндә!
Мин һине көтәмен йөрәгем
Ҡыштарын, йәйҙәрен һөйгәндә!
Мин һине көтәмен...
Гүзәл БАТТАЛОВА.

***
Битарафлыҡ, тигән ҡәлғә
Йәнкәйемде ҡалай иҙә...
Ҡасам, тиһәм хәлем етмәҫ,
Күңелкәйем шуны һиҙә.

Таш бәғерҙең таш ҡоймаһы
Ҡояшымды тотош ҡаплай.
Һалҡынлыҡта нур һағынып
Зарлы йәнем иңрәп һыҡрай.

Ватылдымы таш диуарҙар...
Ҡояш сыҡты,йәйғор ҡалҡты,
Ҡыңғырау гөлдәр сәскә атты,
Йырҙар йырлай күңел ҡылы.
Иңдәремә ҡағылғайны
Ҡыҙсығымдың иркә ҡулы...
Раушания ХӘЗИЕВА.

БАРҺЫҢ ИКӘН...

Барһың икән...
Йөрәк көткән тауыш...
Шундай ҡабатланмаҫ, шундай таныш...
Әллә тағы уйнай китә яҙмыш,
Һайлағаным дөрөҫ, әллә яңылыш...
Барһың икән.
Нурҙар сәскән ҡараш...
Миллиардтан табалмаҫмын алмаш.
Әйтерһең дә, беҙгә яна ҡояш,
Әллә үҙең ҡояш менән оҡшаш?
Барһың икән...
Терелдем дә шуға.
Уянды ла йөрәк, хәҙер оса!
Бейеклектән ҡурҡма, миңә ышан,
Көткәнмендер һине әллә ҡасан...
Барһың икән.
Һәм бул.
Ялҡын өҫтәп,
Ҡыштарымдан йылы яҙҙы эшләп.
Ә булмаһаң, боҙҙа ҡалыр йөрәк,
Иретергә уны ҡояш кәрәк.
Барһың икән,
Миңә тик шул кәрәк.
Нәркәс ҠӘЙЕПҠОЛОВА.



Беҙҙе Яндекс Дзен лентаһында уҡығыҙ
Комментарий өҫтәргә






Дандары ҡайтты халҡына

Дандары ҡайтты халҡына 17.10.2018 // Рухиәт

Дандары ҡайтты халҡына. ...Алыҫ йылдар төпкөлөндәге тарихҡа шаһит Баймаҡ районы республиканың 100...

Тотош уҡырға 32

“Атайымдың яҙмышы асыҡланды”

“Атайымдың яҙмышы асыҡланды” 16.10.2018 // Рухиәт

Бөйөк Ватан һуғышы һалған яралар, йылдар үтһә лә, уңалмай, әленән-әле яңы факттар һәм тарихи биттәр...

Тотош уҡырға 39

Һәйкәл булып ҡайтты тыуған яғына

Һәйкәл булып ҡайтты тыуған яғына 16.10.2018 // Рухиәт

2018 йылдың 20 мартында Благовар районы башҡорттары Ҡәнзәфәр бей исемендәге башҡорт тарихи-мәҙәни...

Тотош уҡырға 31

Батырҙар исеме үлемһеҙ

Батырҙар исеме үлемһеҙ 15.10.2018 // Рухиәт

Көйөргәҙеләр үҙҙәренең ҡаһарман яугирҙәре менән хаҡлы рәүештә ғорурлана. Район үҙәге Ермолаевка...

Тотош уҡырға 35

Данлы, шанлы йылдар ауазы

Данлы, шанлы йылдар ауазы 10.10.2018 // Рухиәт

Әхмәтзәки Вәлиди, Шәйехзада Бабич, Муса Мортазин эҙҙәренән. Мәғрур Ирәндек тауының төньяҡ итәгендә,...

Тотош уҡырға 69

Ҡарасайҙа, йөҙ йыл элек

Ҡарасайҙа, йөҙ йыл элек 02.10.2018 // Рухиәт

...Тыуған йылым ун туғыҙҙан уңдым, Октябрҙән — тыуған айымдан, — Ана нисек минең юлдарыма Һары...

Тотош уҡырға 56

Шәхес һалған һуҡмаҡтан

Шәхес һалған һуҡмаҡтан 02.10.2018 // Рухиәт

Өфөлә V Кузеев уҡыуҙары барышында “Этнос. Йәмғиәт. Цивилизация” Бөтә Рәсәй ғилми-ғәмәли...

Тотош уҡырға 46

“Халҡыбыҙға ислам дине VII быуатта уҡ ингән”

“Халҡыбыҙға ислам дине VII быуатта уҡ ингән” 28.09.2018 // Рухиәт

Башҡорттарҙың борондан дәүләтселеге булған. Уның менән һәр әңгәмә халҡыбыҙҙың боронғо тарихына...

Тотош уҡырға 259

Сал тарих эҙҙәренән

Сал тарих эҙҙәренән 28.09.2018 // Рухиәт

Күптән түгел Рәсәй Фәндәр академияһының Өфө федераль тикшереү үҙәге Тарих, тел һәм әҙәбиәт...

Тотош уҡырға 83

Батырҙарҙы онотмайыҡ

Батырҙарҙы онотмайыҡ 25.09.2018 // Рухиәт

Бөйөк Ватан һуғышының ҡаһарман батырҙарының береһен йыш иҫкә алам. Генерал-майор Ғәлийән Ғәлиев ул....

Тотош уҡырға 71

Һағыштарҙы ниҙәр тарата?

Һағыштарҙы ниҙәр тарата? 21.09.2018 // Рухиәт

“Үҙеңдең генә түгел, башҡаларҙың да күңелен үҫтереп йәшәргә кәрәк” Матурлыҡ – иң ҙур көс, тиҙәр....

Тотош уҡырға 188

Дини үҙәккә — 230 йыл

Дини үҙәккә — 230 йыл 18.09.2018 // Рухиәт

Быйыл Рәсәйҙә мосолмандарҙың тәүге үҙәк дини ойошмаһы – Рәсәй мосолмандарының Үҙәк диниә назараты...

Тотош уҡырға 67