Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
Бөгөн дә алғы сафтаЙәш кенә көйөнсә дошманға ҡаршы көрәшеп, беҙгә тыныс тормош бүләк иткән ветерандарыбыҙҙың сафтары, ҡыҙғанысҡа ҡаршы, йылдан-йыл һирәгәйә. Бөгөн уларҙың иҫән-һау булғандары ла туғыҙынсы тиҫтәне ашаҡлаған инде. Шуға ҡарамаҫтан, араларында хәрби хеҙмәткә алынған көндән башлап, һәр ваҡиғаны, дәһшәтле йылдарҙың һәр көнөн күңелендә һаҡлап, үҙе кисергәндәрен һуғыш тураһында ишетеп кенә белгән йәш быуынға фәһем булырлыҡ итеп һөйләй алған, һоҡланғыс ғүмер кисергән ветерандарыбыҙ бар әле.


Учалы ҡалаһында йәшәгән Ғарифулла Зөлҡәрнәев – тап шундайҙарҙың береһе. 1943 йылдың февралендә 17 йәшлек кенә сағында фронтҡа саҡырыла ул. Тәүҙә дүрт ай тирәһе Тоцк ҡалаһында әҙерлек үтәләр. Күп балалы ғаиләлә буй еткергән, кәүҙәгә ҡаҡса ғына булһа ла сос, теремек, зирәк Ғарифуллаға әрме уҡыуҙары еңел бирелә.
— Беҙҙе пулеметсы булырға әҙерлә­неләр. Ҡоралды йыйып һүтергә, нисек эш итергә өйрәттеләр. Пулеметҡа ике кешене беркеттеләр. Бер ҡарауға 60 килограмм ике ир-егет өсөн күп тә түгел кеүек, шулай ҙа батҡаҡта, бысраҡта уны йөкмәп йөрөү ныҡ арыта ине, – тип иҫләй ветеран һуғыштың тәүге көндәрен.
Беренсе Украина фронтының 11-се уҡсылар бригадаһы составында һуғыша Зөлҡәрнәев. 1943 йылдың йәйендә фа­шис­тарҙың сигенгән ваҡытында аяуһыҙ ҡаршылашыуҙарына шаһит була ул.
— Харьков өсөн алыш бигерәк тә дәһшәтле булды. Фашист ни тиклем тырышмаһын, сигенергә мәжбүр иттек. Үҙемдең “максимкам” менән мин дә быға өлөшөмдө индерҙем, — тип ғорурлығын йәшермәй ветеран.
Харьков өсөн барған алыштарҙа батырлыҡ күрһәткән Ғарифулла Ғәйфулла улы “Хәрби ҡаҙаныштары өсөн” миҙалы менән наградлана, әммә уға уны 1963 йылда ғына тапшыралар. Ә Полтава өсөн алышта ҡаты яраланып, госпиталдә оҙаҡ дауаланырға тура килә.
— Иң иҫтә ҡалған берәй ваҡиғаны һөй­ләгеҙ әле, — тип һорайым ветерандан.
— Һуғыш һуғыш инде, яҡшы хәтирә­лә­ренә ҡарағанда күңелһеҙерәктәре күберәк, — тип көрһөнә әңгәмәсем. – Бер шулай ете кеше, арабыҙҙа коман­дир­ҙар ҙа бар ине, ни сәбәптәндер частан артта ҡалдыҡ. Көтмәгәндә немец патру­ленә эләгә яҙҙыҡ, ярай әле тиҙ генә йәшенеп өлгөрҙөк. Эргәлә генә тимер юлы үтә, ул да фашистар ҡулында ине. Ғүмерем өсөн түгел, пленға эләгеүҙән ҡурҡтым шул саҡта, атай-әсәйем, ауылдаштарым ни тиерҙәр, тигән уй борсоно иң тәүҙә.
Эйе, ул дәһшәтле йылдарҙы һис тә онотмай ҡарт һалдат. Снарядтар шартлауы, танктар гөрһөлдәүе, яралыларҙың ыңғырашыуы, иптәштәренең үле кәүҙәһе... Тиҫтә йылдар үтһә лә, һуғыш ваҡиғалары һаман төшөнә инеп борсой яугирҙең.
— Ундай афәтте башҡа бер кемгә лә күрергә яҙмаһын, илдәребеҙ имен булһын, йәш быуын тик тыныс күк йөҙө аҫтында йәшәһен, — тип теләй ветеран.
Әйткәндәй, беҙ килгәндә Ғарифулла Ғәйфулла улы балалар менән осра­шыуҙан ҡайтып ҡына тора ине. Костюм кейеп, түштәренә миҙалдарын тағып алған ветеран олпат йәшенә ҡарамаҫтан, күҙ теймәһен, бер ҙә бирешмәгән, һалдаттарса туры баҫып йөрөй, зиһене теүәл, фекерҙәре тос, уйҙары саф.
“Почет Билдәһе” һәм икенсе дәрәжә Дан ордены кавалеры Ғарифулла Зөлҡәрнәевте Учалыла белмәгәндәр һирәктер. Һуғыштан һуң ул колхозда иҫәпсе, бригадир, ферма мөдире булып эшләй, һуңынан сирек быуат ҡулланыусылар кооперативында хеҙмәт итә. Ҡатыны Сәлимә апай менән ете балаға ғүмер бирәләр. Ҡыҙғанысҡа ҡаршы, хәләле иртәрәк китә яҡты донъяларҙан. Шуға ҡарамаҫтан, Ғарифулла Ғәйфулла улы күңелен төшөрмәй, яҡындары менән аралашып матур итеп ғүмер кисерә. Бөгөн уның 17 ейәнсәре һәм 28 бүлә-бүләсәре бар. Барыһы ла олаталарын хөрмәт итеп, ҡәҙерләп тора.
Ветеран – үҙенең әүҙем тормош позицияһы менән дә күптәргә өлгө. Һуңғы йылдарҙа ул бала табыу йорто, Зәйнулла Рәсүлев мәсете биләмәләрендә һәм тыуған ауылы Ахунға илткән юл буйында бөтәһе ике йөҙҙән ашыу ағас ултыртҡан. Бөгөн Зөлҡәрнәевтең миләштәре, йүкәләре тирә-яҡҡа йәм биреп, хуш еҫтәрен тарата. Әйткәндәй, тап ошо изге эше өсөн былтыр, Экология йылында, Ғарифулла Ғәйфулла улы “Республика Башкортостан” гәзите ойошторған конкурста “Йыл кешеһе” номинацияһында еңеп, төбәк Баш­лығы ҡулынан диплом менән дә бүләкләнде.
Сәйәхәт итергә лә ярата ветеран. Бер нисә йыл элек Мысырҙа булған, Израилгә барып изге урын – Иерусалимды ла күреп ҡайтҡан. Әле Чечен респуб­ликаһының баш ҡалаһы Грозныйҙағы мәсеттә булыу хыялы менән яна.
Ә Еңеү көнөндә Ғарифулла Зөлҡәр­нәев ғәҙәттәгесә парадта, тормоштағы кеүек, иң алғы сафтарҙа барасаҡ.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Төйәләҫтәр алыҫҡа йөрөмәҫ

Төйәләҫтәр алыҫҡа йөрөмәҫ 30.03.2019 // Социаль мәсьәлә

Сибай ҡалаһының Төйәләҫ ҡасабаһында йыл аҙағында заман талаптарына яуап биргән фельдшер-акушерлыҡ...

Тотош уҡырға 164

Көслө рухлыларҙы йыйҙы "Баһадир"

Көслө рухлыларҙы йыйҙы "Баһадир" 29.03.2019 // Социаль мәсьәлә

Баймаҡтың “Баһадир” физкультура-һауыҡтырыу комплексында һаулыҡ мөмкинлектәре сикләнгән балалар һәм...

Тотош уҡырға 83

“Ахай” өлкәндәрҙе көтә

“Ахай” өлкәндәрҙе көтә 29.03.2019 // Социаль мәсьәлә

Ярҙамға мохтаж ололар, инвалидтар унда яҡлау таба....

Тотош уҡырға 394

Иң яҡшы бүләк – аралашыу

Иң яҡшы бүләк – аралашыу 27.03.2019 // Социаль мәсьәлә

Ишембай районының Петровский ауылындағы балалар йорто тәрбиәләнеүселәре Өфө дәүләт нефть техник...

Тотош уҡырға 69

"Бөгөндән ҡабул итергә әҙербеҙ"

"Бөгөндән ҡабул итергә әҙербеҙ" 27.03.2019 // Социаль мәсьәлә

Ошо көндәрҙә Башҡортостан дәүләт медицина университетынан буласаҡ табиптар эш биреүселәр менән...

Тотош уҡырға 74

Үҙебеҙҙә дауаланһындар тиһәк…

Үҙебеҙҙә дауаланһындар тиһәк… 27.03.2019 // Социаль мәсьәлә

Республика йортонда Башҡортостан Башлығы вазифаһын ваҡытлыса башҡарыусы Радий Хәбиров “Сәләмәтлек...

Тотош уҡырға 71

"Генус" менән килешеү өҙөлә

"Генус" менән килешеү өҙөлә 26.03.2019 // Социаль мәсьәлә

Башҡортостан Хөкүмәте “Генус” шәхси компанияһы менән Салауат бала табыу йортона бәйле концессион...

Тотош уҡырға 83

Ысын дуҫлыҡҡа нигеҙ

Ысын дуҫлыҡҡа нигеҙ 25.03.2019 // Социаль мәсьәлә

Бөрйәндә һаулыҡ мөмкинлектәре сикләнгән һәм ата-әсә ҡарауынан мәхрүм ҡалған балалар өсөн “Бәләкәй...

Тотош уҡырға 49

Каринэ Хәбирова аш-һыу серҙәрен дә асты

Каринэ Хәбирова аш-һыу серҙәрен дә асты 24.03.2019 // Социаль мәсьәлә

Башҡортостан Башлығы вазифаһын башҡарыусы Радий Хәбировтың ҡатыны Каринэ Александровна...

Тотош уҡырға 106

“Иң ҡырҡыу мәсьәлә – табиптар етешмәүе”

“Иң ҡырҡыу мәсьәлә – табиптар етешмәүе” 22.03.2019 // Социаль мәсьәлә

“Рәсәй 24” телеканалына биргән интервьюһында Башҡортостан Башлығы вазифаһын ваҡытлыса башҡарыусы...

Тотош уҡырға 124

Аҙнаһына дүрт көн эшләрҙәрме?

Аҙнаһына дүрт көн эшләрҙәрме? 21.03.2019 // Социаль мәсьәлә

Республикала өс һәм унан күберәк бала тәрбиәләгән әсәләрҙең аҙнаһына дүрт көн эшләй, хеҙмәтен...

Тотош уҡырға 123

Ҡала табиптарының үҙҙәренә лә ярҙам кәрәк

Ҡала табиптарының үҙҙәренә лә ярҙам кәрәк 21.03.2019 // Социаль мәсьәлә

“Һаулыҡ сәғәте”ндә төбәк етәксеһе Радий Хәбиров республиканың ҡала дауаханаларына эшкә барған...

Тотош уҡырға 155