Быйыл ғинуар — февраль айҙарында 65 500 самаһы кеше, дәүләт хеҙмәттәре күрһәтеүҙе һорап, Башҡортостандың мәшғүллек хеҙмәтенә мөрәжәғәт иткән. Шуларҙың 16 300-ҙән ашыуы эш эҙләүгә ҡағыла, тип хәбәр иттеләр республиканың Халыҡты эш менән тәьмин итеү дәүләт хеҙмәте идаралығында.
Быйыл ғинуар — февралдә 10 400-ҙән ашыу кеше эшһеҙ тип теркәлгән. Ошо осорҙа республика хеҙмәт биржаһы ярҙамында һигеҙ мең самаһы кеше эш тапҡан.
1 600-ҙән ашыу эшһеҙ Башҡортостандағы мәшғүллек органдарының йүнәлтмә ҡағыҙы буйынса һөнәр алыуға ебәрелгән.

15 мартта сәғәт 11-ҙән көндөҙгө 1-гә тиклем Салауат районы хакимиәте бинаһында (Малаяҙ ауылы, Совет урамы, 64) Башҡортостан Республикаһының урман хужалығы министры Р.Б. Нәбиуллин;
16 мартта сәғәт 10-дан Благовар районы хакимиәте бинаһында (Языков ауылы, Ленин урамы, 37) Башҡортостан Республикаһы Мировой судьяларҙың эшмәкәрлеген ойоштороу һәм хоҡуҡ акттары регистрҙарын алып барыу идаралығы начальнигы Н.М. Ғәлиева;

Бер нисә айҙан “Башавтотранс” йәмғиәтенең транспорт карталары ғәмәлдә булыуҙан туҡтаясаҡ. Өфө хакимиәтенең мәғлүмәт-аналитика бүлегендә хәбәр итеүҙәренсә, 1 ноябрҙән “Башҡортостан Республикаһының социаль картаһы”на эйә булған кешеләр генә льготалы хаҡ буйынса юл йөрөйәсәк.
Әле карталарҙы сығарыуға ғаризалар ҡабул ителә. Бының өсөн Башҡортостан Республикаһы Хеҙмәт һәм халыҡты социаль яҡлау министрлығының территориаль органдарына мөрәжәғәт итергә кәрәк.

Башҡортостан Президенты Рөстәм Хәмитов “2012 йылда Башҡортостан Республикаһында эшһеҙ инвалидтарҙы, күп балалы һәм инвалид бала тәрбиәләгән ата-әсәләрҙе эшкә урынлаштырыуға булышлыҡ итеү буйынса өҫтәмә сараларҙың республика программаһын раҫлау тураһында”ғы Указға ҡул ҡуйҙы.
Программаны финанслауҙың дөйөм күләме 17 миллион 445 мең һумдан ашыу тәшкил итергә тейеш, шуның 14 миллион 825 мең һумдан ашыуы — федераль бюджеттан субсидия, ҡалғаны республика ҡаҙнаһынан. Программаны тормошҡа ашырыу һөҙөмтәһендә халыҡтың әлеге төркөмө эшкә урынлашыу һәм килемен арттырыу өсөн өҫтәмә мөмкинлеккә эйә буласаҡ. Шулай уҡ документҡа ярашлы, 400-ҙән ашыу кешене эш менән тәьмин итеү күҙаллана.

Редакция Ейәнсура районының Урта Муйнаҡ ауылында йәшәүсе Мәрйәм Яҡшыбаеванан хат алғайны. Уҡыусыбыҙ аҙ тәьмин ителгән күмәк балалы ғаиләләргә тәғәйенләнгән торлаҡ һәм коммуналь хеҙмәттәр өсөн түләү буйынса социаль ярҙамдың, йәғни айлыҡ аҡсалата компенсацияның дөрөҫ иҫәпләнмәүе хаҡында еткереп, ошо мәсьәләгә асыҡлыҡ индереүҙе үтенгәйне.
Дүрт бала әсәһенең мөрәжәғәтенә битараф ҡала алманыҡ. Ысынлап та, закон буйынса ҡаралған ярҙамға хоҡуғы бар икән, ни өсөн аҡсаны ҡулына тулыһынса алмай?