Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
Дуҫлыҡ еңдеЭштә генә түгел, спортта ла һынатмай әлшәйҙәр
Донъяла барған хәл-ваҡиғаларҙы гәзит уҡыусыларға еткереү кеүек изге бурыс – хәбәрселәрҙең иңендә. Әлбиттә, һәр ваҡыт ҡәләм генә тотоп, мәҡәлә яҙып ултырмайбыҙ, ә бүтән сараларҙың уртаһында ҡайнарға, ялды иҫтә ҡалырлыҡ итеп үткәрергә тырышабыҙ. Рәсәй Матбуғаты көнө айҡанлы Әлшәй районында республика кимәлендә Ҡышҡы спорт спартакиадаһында журналистарҙың ҡатнашыуы быны тулыһынса раҫланы.
Раевка ауылындағы "Ыласын" балалар-үҫмерҙәр спорт клубында иңдәренә сумка аҫҡан мыҡты кәүҙәле үҫмерҙәр "Салауат Юлаев"тың "Авангард" хоккей командаһын ҡыйратыуы тураһында ҡыҙыу бәхәс ҡора, бөгөн нәҡ яҡташтары шикелле уйнарға һүҙ ҡуйыша. Оҙон буйлы егеттәр эскә инеп китте – волейболсылар икән. Көйәрмәндәр ҙә күп күренә.
Спорт фестивалендә Башҡортостандың элемтә һәм киң коммуникациялар министры Борис Мелкоедовтың ҡатнашыуы сараның мәртәбәһен арттырҙы.
– Раевкалағы заманса спорт комплексы күптәрҙе көнләштерерлек, бында спорттың бөтә төрө буйынса ла күнекмәләр алып барырға мөмкин, ысынлап та, шөғөлләнеү өсөн һәр йәһәттән дә уңайлы шарттар булдырылған. Командаларҙың етди әҙерлеге йөҙҙәрендә сағыла, көслөләрҙең, етеҙҙәрҙең, отҡорҙарҙың алдынғылыҡты бирмәйәсәге көн кеүек асыҡ. Ә мин дуҫлыҡтың еңеүен теләйем, – тине министр һәм, иҫке Яңы йыл һәм Матбуғат байрамы менән ҡотлап, иң изге теләктәрен еткерҙе.
Әлшәй районының хакимиәт башлығы Дамир Мостафиндың һүҙҙәренә ҡарағанда, бында иллегә яҡын спорт төрө киң йәйелдерелгән. Ауыл хужалығы һәм иҡтисад тармағында, мәғариф һәм мәҙәниәт өлкәһендә тәүге унау иҫәбендә булған шикелле, улар спортта ла һынатмай. Маҡсаттары – йәштәрҙе үҙҙәренең өлгөһөндә тәрбиәләү, балалар күңелендә бәләкәйҙән спортҡа һөйөү уятыу.
Волейбол уйынында гәзиттәр ("Башҡортостан", "Кызыл таң", "Йәшлек", "Йәншишмә", "Альшеевские вести"), журналдар ("Ағиҙел", "Шоңҡар", "Башҡортостан уҡытыусыһы"), район хакимиәте белгестәре һәм йәштәр айырым командалар булып көс һынашты. Әлшәйҙәрҙең йыйылма командаһы менән "Башҡортостан" дәүләт телерадиокомпанияһы хеҙмәткәрҙәре араһындағы хоккей көсөргәнешле барҙы. Шулай уҡ шашка, шорт-трек, дартс, өҫтәл теннисын да ҡыҙыҡһынып ҡараныҡ. Әлбиттә, иң-иңдәр бүләкләнде, кис халыҡ боҙҙа шыуырға килде.
Беҙҙә йыш ҡына республика сараларын баш ҡалала уҙғарыу ғәҙәткә ингән. Гәзит уҡыусылар өсөн дә журналистарҙың ҡышҡы олимпиадаһының Өфөлә түгел, ә Әлшәйҙә үтеүе кемгәлер сәйерҙер. Башҡортостандың Журналистар союзы рәйесе Артур Дәүләтбәков белдереүенсә, беренсенән, Әлшәйҙә спорт яҡшы үҫешкән һәм был тәңгәлдә төрлө уйындар киң йәйелдерелгән, уны журналистарға күрһәтеү һәр йәһәттән дә отошло, икенсенән, сарала хәбәрселәр үҙ-ара аралаша, фекер алыша.
Район етәкселегенең спортҡа ҙур әһәмиәт биреүенә шаһит булдыҡ. Йылдан-йыл спорт төрҙәрен арттырыу йүнәлешендә күп эштәрҙең ғәмәлгә ашыуы шатлыҡлы. Ысынлап та, олоһо ла, кесеһе лә төрлө уйындарға теләп ҡушыла. Шуныһы ла иғтибарға лайыҡ: белем усаҡтарында физкультура дәрестәре, ҡайһы миҙгел булыуына ҡарамаҫтан, тышта саф һауала үтә.
Илдар АҠЪЮЛОВ
Әлшәй районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Юҡ инде, һеҙ беҙгә...

Юҡ инде, һеҙ беҙгә... 31.03.2019 // Спорт һәм туризм

“Салауат Юлаев” менән “Авангард” хоккей командалары араһында икенсе матч башланды. Тәүгеһе элекке...

Тотош уҡырға 387

Йөҙ көн ҡалды

Йөҙ көн ҡалды 31.03.2019 // Спорт һәм туризм

Быйыл 9 – 14 июлдә Өфөлә Халыҡ-ара балалар уйындары була....

Тотош уҡырға 204

Бөркөттәрҙе йыйҙы "Бөркөт"

Бөркөттәрҙе йыйҙы "Бөркөт" 30.03.2019 // Спорт һәм туризм

Сибай ҡалаһының “Бөркөт” физкультура-һауыҡтырыу комплексында Башҡортостан Мәғариф министрлығының...

Тотош уҡырға 139

Мәғариф хеҙмәткәрҙәре майҙан тотто

Мәғариф хеҙмәткәрҙәре майҙан тотто 30.03.2019 // Спорт һәм туризм

Хәйбулла районы үҙәге Аҡъярҙа Урал аръяғы район-ҡалаларының мәғариф учреждениелары хеҙмәткәрҙәре...

Тотош уҡырға 173

Белореттар әле лә саңғыла

Белореттар әле лә саңғыла 30.03.2019 // Спорт һәм туризм

Бөгөн Белорет районының “Ҡурташ” спорт-һауыҡтырыу комплексында саңғы буйынса Белорет районының асыҡ...

Тотош уҡырға 156

“Ҡарсығалар” беҙҙән ҡурҡамы?

“Ҡарсығалар” беҙҙән ҡурҡамы? 29.03.2019 // Спорт һәм туризм

Бөгөн Өфө ваҡыты менән киске сәғәт 10-сы яртыла “Салауат Юлаев” хоккей командаһы “Авангард” менән...

Тотош уҡырға 47

Себерҙә ауылды танытып ҡайттылар

Себерҙә ауылды танытып ҡайттылар 27.03.2019 // Спорт һәм туризм

Бөрйәндәр, ғафуриҙар, өфөләр, әлшәйҙәр, балаҡатайҙар, балтастар......

Тотош уҡырға 115

Башҡортостан данын Бөрйәндәр яҡланы

Башҡортостан данын Бөрйәндәр яҡланы 27.03.2019 // Спорт һәм туризм

18 - 24 мартта Төмән ҡалаһында IX Бөтә Рәсәй ҡышҡы ауыл спорт уйындары үтте....

Тотош уҡырға 270

Ҡар бураны уйнатты... Монах

Ҡар бураны уйнатты... Монах 27.03.2019 // Спорт һәм туризм

Өфөләге “Аҡбуҙат” ипподромында республика райондары араһында “Терра Башҡортостан” ат-спорт...

Тотош уҡырға 78

Йәш мәргәндәр сыҡты майҙанға

Йәш мәргәндәр сыҡты майҙанға 26.03.2019 // Спорт һәм туризм

Башҡортостандың 100 йыллығы уңайынан Учалыла ошо көндәрҙә балалар һәм үҫмерҙәр араһында Зәйнулла...

Тотош уҡырға 82

“Билмән”гә берәүҙең дә көсө етмәне

“Билмән”гә берәүҙең дә көсө етмәне 26.03.2019 // Спорт һәм туризм

Красноярск ҡалаһында бик ҡыҙыҡ ярыш уҙҙы. Унда сикәгә сабыу буйынса беренсе донъя чемпионаты...

Тотош уҡырға 85

Баймаҡ арғымаҡтары һынатмай

Баймаҡ арғымаҡтары һынатмай 25.03.2019 // Спорт һәм туризм

Баймаҡ районы — республикала йылҡысылыҡ тармағын үҫтереү буйынса тәүге урында тора. Район йылҡы...

Тотош уҡырға 85