Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Билдә” өсөн түгел, халыҡ мәнфәғәтендә
“Билдә” өсөн түгел, халыҡ мәнфәғәтендәСпортҡа бер ҡасан да битараф булманыҡ. Үҙем дә, иптәшем дә мәктәптә уҡығанда ла, студент осоронда ла ярыштарҙа әүҙем ҡатнаштыҡ. Хәҙер иһә балаларыбыҙ ҙа беҙҙең юлды дауам итә. Шуға әле лә ошондай сараларҙы ситтән генә күҙәтмәйбеҙ, мөмкин булған саҡта барып тамаша ҡылабыҙ. Быйыл Өфөлә “Рәсәй саңғы юлы” күмәкләп саңғы уҙышын күрергә насип булды.


Көн ҡояшлы булһа ла, һыуыҡ үҙен һиҙҙертә. Күмәкләшеп “Аҡбуҙат” ипподромына юллан­дыҡ. Унда инде кеше мәж килә. Бер-бер артлы туҡтаған автобустарҙан, автомобилдәрҙән саңғы тотҡан уҡыусылар, студенттар, оло быуын вәкилдәре төшә. Һәр кемендә байрам кәйефе. Бер аҙҙан ипподромда халыҡ йыйылыр өсөн тәғәйенләп ҡалдырылған “коридор” үтеп сыҡҡыһыҙ булды. Өйкөлөшкән халыҡ араһында бер-береңде юғалтыуы еңел, әммә табыуы ауыр.
“Бындай шарттарҙа нисек ярышты ойошторалар һуң?” тигән һорау тыуҙы. Балаларға кейем алыштырыр өсөн йылы урын булдырылмаған. Шуға ла һыуыҡта саңғы ботинкаларын, спорт кейемдәрен кейҙеләр. Ҡалын ҡышҡы курткаларҙа йүгереүселәр ҙә булды, әлбиттә. Әммә күпселек спорт кейемендә ине. Өсөнсө класта уҡыған улыбыҙ ҙа махсус спорт костюмында. Шулай булһа ла, тирләп килеп, һыуыҡ куртканы кейеүе һөҙөмтәһендә иртәгәһенә тамағына ангина сыҡты. Йылы сәй эсереп, үҙебеҙ шунда уҡ алмаш кейемдәрен биреп тороуға ҡарамаҫтан.
Биатлон менән шөғөлләнгән бала күнекмәләр ваҡытында һыуыҡ көндәрҙә йүгерһә лә, быға тиклем бер ҙә ауырыманы, сөнки унда йылыла кейем алыштырыу өсөн шарттар бар.
Сараны үткәреүселәр ойоштороу мәсьәләһен бик еңел хәл иткән. Беренсенән алып ун беренсе класҡа тиклем балаларҙы бер юлы стартҡа ҡуйҙылар. Халыҡ шул тиклем күп ине, хатта бер-береһенең саңғыһына йә таяғына эләгеп, ишелеп ҡолағандар ҙа булды. Бәләкәйҙәр түгел, хатта өлкән класс уҡыусылары ла ошо хәлгә тарыны. Ә бит был үҙе үк киң спорт ярыштарын үткәреү буйынса хәүефһеҙлек ҡағиҙәләренең күҙәтелмәүе хаҡында һөйләй. Әлеге шарттарҙа саңғы таяғының осо берәйһен күҙһеҙ ҡалдырыуы ла ихтимал ине.
Бәйгеселәр араһынан спорт мәктәптәрендә шөғөлләнгән, Рәсәй кимәлендә ярыштарҙа ҡатнашҡан профессиональ спортсылар, “һә” тигәнсә ҡыҫҡа арауыҡты үтеп, финиш һыҙығын киҫкәндә, башҡаларҙың өйкөлөшөп яңы старттан ҡуҙғалыуын күҙәтеү, бер яҡтан, мәрәкә күренеш булһа, икенсе яҡтан, ҡыҙғаныс та ине. Етмәһә, йүгерештә ҡатнашҡандарҙың йәш категорияһына ҡарамайынса, бары тәүге алтыһын ғына бүләкләнеләр. Ярай әле бөтәһенә лә “Саңғы юлы-2018” тигән шапка тараттылар. Ҡайһы берәүҙәр шуға алданып, кемдер мәктәп һорауы буйынса ҡатнаша. Әгәр ошо алымдар файҙаланылмаһа, халыҡ күпкә кәм булыр ине.
Мәҫәлән, Стәрлетамаҡта “Рәсәй саңғы юлы-2018” бөтөнләй икенсе шарттарҙа уҙған. Унда “үткәрелде” тип “билдә ҡуйыу” өсөн түгел, халыҡ ярыштан ҡәнәғәт ҡалһын өсөн тырышҡандар. Сара “Содовик” спорт комплексында ойошторолған. Регламент буйынса сараны асыу тантанаһынан һуң, йәғни 11.15 сәғәттә, бер саҡрымға VIP-йүгереү, йәғни ҡаланың ойошма, учреждение, предприятиелары етәкселәре ҡатнашлығында уҙыш. Ә 12-лә ошо уҡ арауыҡҡа беренсе-дүртенсе класс балалары, шулай уҡ 70 йәштән олораҡ быуын өсөн старт була.
Урта һәм өлкән класс уҡыусылары ике һәм өс саҡрым арауыҡта көс һынаша. Ошо уҡ дистанцияларҙы урта һәм юғары уҡыу йорттары студенттары, предприятие һәм учреждение хеҙмәткәрҙәре үтә.
Еңеүселәрҙе лә йәш төркөмөнә ҡарап билдәләйҙәр. Унда был көндә 800-ҙән ашыу кеше ҡатнашҡан. Октябрьский ҡалаһында уҙған сарала тәүҙә билдәле спортсылар стартҡа баҫҡан. Учалыла саңғы ярышында 1500-ҙән ашыу уҡыусы ҡатнашҡан. Урта һәм өлкән класта уҡыусылар, үҙҙәренең йәш категорияһына ярашлы, 800 һәм 1600 метрға уҙышҡан. Ололар өсөн уҙыш киске сәғәт алтыла ойошторолған.
Баш ҡалала “Рәсәй саңғы юлы” күмәкләп саңғы уҙышы өс урында – “Аҡбуҙат” ипподромында, Баланово урман паркында, “Водник” стадионында ойошторолдо. Әгәр ҙә миллиондан ашыу халыҡ йәшәгән Өфөнөң һәр районында саңғы байрамы айырым үткәрелһә, күпкә уңайлы булыр һәм ҡатнашыусылар ҡаланың бер осонан икенсеһенә саңғы тотоп, эркелеп йөрөмәҫ ине.
Киләсәктә ошондай спорт саралары үткәр­гәндә, ойоштороусылар иң тәүҙә хәүефһеҙлек һәм ғәҙел бәйге ойоштороу күҙлегенән сығып эш итһен ине. Алда уҙғарыласаҡ ярыштарҙа башланғыс класс балалары менән өлкән класс уҡыусылары бер шарттарҙа һәм бер ваҡытта, йәғни бер мәлдә, стартҡа баҫмаҫ, тип ышанғы килә. Әйтер һүҙем: “билдә” өсөн түгел, ә халыҡ мәнфәғәтендә эшләйек...

Автор: Р. Мусина.


Беҙҙе Яндекс Дзен лентаһында уҡығыҙ
Комментарий өҫтәргә






Башҡортостан шашкасылары һынатманы

Башҡортостан шашкасылары һынатманы 24.09.2018 // Спорт һәм туризм

Төркиәнең Измир ҡалаһында үткән Халыҡ-ара шашка буйынса Донъя Кубогында Башҡортостан намыҫын...

Тотош уҡырға 33

Беҙҙе онотмағандар әле!

Беҙҙе онотмағандар әле! 21.09.2018 // Спорт һәм туризм

Ҡырғыҙҙар һәр фекер алышыуҙа башҡорттарҙың аҡылына таянды. Донъяның 74 иленән 1900 спортсы ҡатнашты...

Тотош уҡырға 114

Байрас туғандарын ҡыуандырҙы

Байрас туғандарын ҡыуандырҙы 20.09.2018 // Спорт һәм туризм

Кисә Йәштәр хоккей лигаһында бығаса еңелеү белмәгән Өфөнөң “Толпар”ы үҙ боҙонда отолдо. Ҡунаҡҡа...

Тотош уҡырға 192

“Себер” йәл, әммә...

“Себер” йәл, әммә... 19.09.2018 // Спорт һәм туризм

“Салауат Юлаев” хоккей командаһы үҙ боҙонда сираттағы матчын уҙғарҙы. Был юлы ҡунаҡҡа...

Тотош уҡырға 61

Һәр кемгә аралашыу мөһим

Һәр кемгә аралашыу мөһим 18.09.2018 // Спорт һәм туризм

Туймазы районының Серафимовка ауылындағы аҡыл йәһәтенән кәмселектәре булған балалар өсөн...

Тотош уҡырға 52

Ялда йөрәккә ял булманы

Ялда йөрәккә ял булманы 17.09.2018 // Спорт һәм туризм

Көйәрмәндәр уҙған ял көндәрен көтөп алды. Шулай булмай, “Салауат Юлаев” йомала – Татарстандың “Аҡ...

Тотош уҡырға 43

Учалыла - һаулыҡ көнө

Учалыла - һаулыҡ көнө 17.09.2018 // Спорт һәм туризм

15 сентябрь Учалыла Һаулыҡ көнө тип иғлан ителде, уның сиктәрендә “Милләттәр кросы-2018” уҙғарылды....

Тотош уҡырға 41

Күл тирәләй йүгереп...

Күл тирәләй йүгереп... 17.09.2018 // Спорт һәм туризм

Шәмбе көндө Рәсәй юлдарынан йүгеректәр төркөмө ағылды. Улар “Милләттәр кросы”нда ҡатнашыусылар ине....

Тотош уҡырға 39

“Ҡурай” күрһәтә:  башҡортса хоккей!

“Ҡурай” күрһәтә: башҡортса хоккей! 14.09.2018 // Спорт һәм туризм

“Салауат Юлаев” уйындары телевидениенан милли телдә тапшырыла Быйыл 2 сентябрҙә башҡорт...

Тотош уҡырға 83

Октябрьскиҙар һынатмай

Октябрьскиҙар һынатмай 13.09.2018 // Спорт һәм туризм

Октябрьский ҡалаһында спортты үҫтереүгә һәм сәләмәт тормошто пропагандалауға ҙур иғтибар бирелә....

Тотош уҡырға 57

“Торпедо” Өфөлә туҡтаны...

“Торпедо” Өфөлә туҡтаны... 13.09.2018 // Спорт һәм туризм

Юлаевсыларҙың көйәрмәнде уттан алып һыуға һалмайынса күңелдәре булмай. Был юлы ла Түбәнге...

Тотош уҡырға 57

“Ун йыл элек беҙҙе бер кем дә белмәй ине”

“Ун йыл элек беҙҙе бер кем дә белмәй ине” 12.09.2018 // Спорт һәм туризм

Баш ҡаланың “Өфө” футбол клубы уңыштары сит илдә төбәгебеҙҙе ныҡлап танытыуға килтерә. Уларҙың киң...

Тотош уҡырға 45