Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Бына ниндәй ул бөрйәндәр!
Бына ниндәй ул бөрйәндәр!Йәй. Бөтәһе лә рәхәтләнеп ял иткәндә Әбделмәмбәт мәктәбенең гер күтәреүселәре һаман спорт залында. “Ни эшләйҙәр?” — тиһегеҙме? Улар: Марсель Ибәтуллин, Нәйлә Ғәлина, Айбулат Сөләймәнов, Алина менән Батырша Боҫҡоновтар ал-ял белмәй ярышҡа әҙерләнә. Шулай көс йыя-йыя, улар 25 июнь иртәһендә физкультура уҡытыусыһы Зиннур Боҫҡонов етәкселегендә Беларусь Республикаһының баш ҡалаһы Минскиға гер спорты оҫталары араһындағы донъя чемпионатына юлланды.

Район, зона, республика күләмендә сығыш яһап, тәжрибә туплаған спортсыларыбыҙ сит илдә лә һынатманы. Биш уҡыусы ла, классик йүнәлештә көс һынашып, үҙ йәше һәм ауырлыҡ категорияһы буйынса 1-се урынды алыуға өлгәште. Тырышҡан – ташҡа ҡаҙаҡ ҡаҡҡан, тиҙәр бит. Тырышлыҡ еңеүҙәргә илтә. Район, республика, ил данын күтәргән Әбделмәмбәт уҡыусылары яңы ерҙәр, яңы ҡалалар күреп, киләсәккә ҙур пландар, матур тәьҫораттар менән ҡайтты.
— Гер күтәреү менән VII кластан шөғөлләнәм. Бына инде дүрт йыл ауыр атлетика менән дуҫмын. Быға тиклем Белорет, Ағиҙел, Стәрлетамаҡ, Мәләүез ҡалаларында ярыштарҙа даими ҡатнашып, тик призлы урындар алып киләм. Минскиҙа үткән ярышта 16 килолыҡ герҙе 120 тапҡыр күтәрҙем. Сит илгә сығыуым беренсегә, әммә һуңғыһы булмаҫына ышанам, – тип тәьҫораттары менән уртаҡлашты класташым Айбулат Сөләймәнов.
Быйыл IX класҡа барасаҡ Марсель Ибәтуллин да ярыштан ҙур ниәттәр менән ҡайтҡан.
— V класта уҡығанда өлкән ағайҙарға эйәреп, тәүге тапҡыр гер күтәреп ҡараным, шунан алып был спорт төрөн үҙ итәм. Башлап китеүе, әлбиттә, еңелдән булманы. Уңыштарыма уҡытыусым Зиннур Ғүмәр улының да йоғонтоһо бик ҙур. Сит илгә ярышҡа барыу ҡурҡытманы, киреһенсә, сәмләнеп әҙерләндек. Төрлө төбәктән килгән спортсылар күпкә тәжрибәле булһа ла, һынатманыҡ. Тырышыуыбыҙҙың бушҡа китмәүенә бик шатмын. Гер күтәреү үҙемә бик оҡшай, сөнки егет кеше көслө, физик яҡтан ныҡ булырға тейеш тип һанайым, — ти ул.
Тырышып гер күтәргән Батырша Боҫҡоновҡа ҡарап, мәктәбебеҙҙә спорттың киләсәге өмөтлө, тигән уйға киләһең. Быйыл III класты ғына тамамлауына ҡарамаҫтан, спорт менән етди шөғөлләнә ул. Йәш спортсы дүрт килолыҡ герҙе 3 минут эсендә 89 тапҡыр күтәргән. Бынан тыш, Айбулат, Марсель, Батырша ҡышын үҙҙәрен хоккейсы итеп таныта, волейболды, футболды, лаптаны, көрәште лә үҙ итәләр.
Нәйлә Ғәлина менән Алина Боҫҡонова 10 — 14 килолыҡ герҙәр менән эш итеп, үҙ йәше, ауырлыҡ категорияһында ал бирмәне. Башҡорт ҡыҙҙарының саялығын тағы ла бер раҫлап ҡайтыуҙары беҙҙең өсөн ҙур ҡыуаныс!
Ғөмүмән, был биш уҡыусы өсөн йәй ҙур сәйәхәт, бай иҫтәлектәр менән башланып китте. Ҡайтҡанда баш ҡалабыҙ Мәскәү менән танышыу, иҫтәлекле урындарында булыу — үҙе ҙур бәхет. Ошондай ҡыҙыҡлы ла, мауыҡтырғыс та сәфәр бүләк иткәндәре өсөн етәкселәре Зиннур Ғүмәр улы Боҫҡоновҡа, мәктәп директоры Инсур Рәмил улы Үтәбаевҡа, бағыусыларға бик рәхмәтле улар.
Әленән-әле яңы ҡалалар, Яңы үрҙәр яулаған уҡыусыларға “Афарин” тип әйтергә ҡала. Уларға тағы ла ҙурыраҡ бейеклектәргә үрләргә насип булһын!



Беҙҙе Яндекс Дзен лентаһында уҡығыҙ
Комментарий өҫтәргә






Беҙҙе онотмағандар әле!

Беҙҙе онотмағандар әле! 21.09.2018 // Спорт һәм туризм

Ҡырғыҙҙар һәр фекер алышыуҙа башҡорттарҙың аҡылына таянды. Донъяның 74 иленән 1900 спортсы ҡатнашты...

Тотош уҡырға 75

Байрас туғандарын ҡыуандырҙы

Байрас туғандарын ҡыуандырҙы 20.09.2018 // Спорт һәм туризм

Кисә Йәштәр хоккей лигаһында бығаса еңелеү белмәгән Өфөнөң “Толпар”ы үҙ боҙонда отолдо. Ҡунаҡҡа...

Тотош уҡырға 77

“Себер” йәл, әммә...

“Себер” йәл, әммә... 19.09.2018 // Спорт һәм туризм

“Салауат Юлаев” хоккей командаһы үҙ боҙонда сираттағы матчын уҙғарҙы. Был юлы ҡунаҡҡа...

Тотош уҡырға 46

Һәр кемгә аралашыу мөһим

Һәр кемгә аралашыу мөһим 18.09.2018 // Спорт һәм туризм

Туймазы районының Серафимовка ауылындағы аҡыл йәһәтенән кәмселектәре булған балалар өсөн...

Тотош уҡырға 38

Ялда йөрәккә ял булманы

Ялда йөрәккә ял булманы 17.09.2018 // Спорт һәм туризм

Көйәрмәндәр уҙған ял көндәрен көтөп алды. Шулай булмай, “Салауат Юлаев” йомала – Татарстандың “Аҡ...

Тотош уҡырға 35

Учалыла - һаулыҡ көнө

Учалыла - һаулыҡ көнө 17.09.2018 // Спорт һәм туризм

15 сентябрь Учалыла Һаулыҡ көнө тип иғлан ителде, уның сиктәрендә “Милләттәр кросы-2018” уҙғарылды....

Тотош уҡырға 33

Күл тирәләй йүгереп...

Күл тирәләй йүгереп... 17.09.2018 // Спорт һәм туризм

Шәмбе көндө Рәсәй юлдарынан йүгеректәр төркөмө ағылды. Улар “Милләттәр кросы”нда ҡатнашыусылар ине....

Тотош уҡырға 32

“Ҡурай” күрһәтә:  башҡортса хоккей!

“Ҡурай” күрһәтә: башҡортса хоккей! 14.09.2018 // Спорт һәм туризм

“Салауат Юлаев” уйындары телевидениенан милли телдә тапшырыла Быйыл 2 сентябрҙә башҡорт...

Тотош уҡырға 69

Октябрьскиҙар һынатмай

Октябрьскиҙар һынатмай 13.09.2018 // Спорт һәм туризм

Октябрьский ҡалаһында спортты үҫтереүгә һәм сәләмәт тормошто пропагандалауға ҙур иғтибар бирелә....

Тотош уҡырға 50

“Торпедо” Өфөлә туҡтаны...

“Торпедо” Өфөлә туҡтаны... 13.09.2018 // Спорт һәм туризм

Юлаевсыларҙың көйәрмәнде уттан алып һыуға һалмайынса күңелдәре булмай. Был юлы ла Түбәнге...

Тотош уҡырға 49

“Ун йыл элек беҙҙе бер кем дә белмәй ине”

“Ун йыл элек беҙҙе бер кем дә белмәй ине” 12.09.2018 // Спорт һәм туризм

Баш ҡаланың “Өфө” футбол клубы уңыштары сит илдә төбәгебеҙҙе ныҡлап танытыуға килтерә. Уларҙың киң...

Тотош уҡырға 43

“Толпар” алға елә

“Толпар” алға елә 11.09.2018 // Спорт һәм туризм

Республиканың “Толпар” йәштәр хоккей клубы миҙгелде уңышлы башланы. Тренер Алик Гәрәевтең...

Тотош уҡырға 56