Ҡайтам әле тыуған яҡтарыма!.. Талҡаҫ күле. Ҡангилде тауы. Өс ҡарағай итәге. Байрамса биҙәлгән
21 тирмә. Алыҫ араларҙы яҡынайтып, республиканың, Рәсәйҙең төрлө киңлектәренән, хатта Ҡаҙағстандан
тархан Иҫән батырҙың быуындары – иҫәндәр – ҡайтып төштө. Йөҙҙәрендә берсә шатлыҡ нурҙары балҡыған, берсә күҙ йәштәренә мансылған ауылдаштар нәҫел тамырҙарын
барланы,
ҡан-ҡәрҙәштәрен теүәлләне.
Ком: 0 // Уҡынылар: 233 тапҡыр // Тотош уҡырға
“Йәшел ҡалҡан” һағында – Ә беҙҙә бит бишенсе быуын урмансы тәрбиәләнә, – тине ҙур ғорурлыҡ менән Баймаҡ урман хужалығы директоры Данил Мазһаров. – Юлыҡ участкаһы мастеры Дамир Байсыуаҡов атаһы Ғәбдрәсүл һәм ҡартатаһы Борхан Байсыуаҡовтарҙың юлын һайлаған. Былтыр ул “Һөнәре буйынса иң яҡшыһы” булып танылды. Улы Динар Байсыуаҡов Башҡортостан дәүләт аграр университетын тамамлап, бөгөн Баймаҡ дәүләт ҡаҙна учреждениеһында урманды файҙаланыу буйынса инженер булып эшләй. Кинйәһе Айтуған әле Йомаш ауылында VII класта белем ала. Урындағы “Урман мәктәбе”нең иң әүҙем ағзаһы. Шулай итеп, Байсыуаҡовтарҙың ошо өлкәләге дөйөм хеҙмәт стажы 81 йыл тәшкил итә! Шундай ғаилә династияһы менән нисек ғорурланмайһың! Бар тормошон әлеге тармаҡҡа бәйләп, уның яҙмышы өсөн янып-көйөп эшләгәндәрҙең фиҙакәр хеҙмәте урманды һаҡлап ҡалыуға тос өлөш индерә лә инде.
Ком: 0 // Уҡынылар: 306 тапҡыр // Тотош уҡырға
Азаматтың нисек һөт йыйғаныҺуңғы йылдарҙа ауыл халҡынан һөт йыйыу менән шөғөлләнгән ойошмалар ҡалманы тиерлек, шуға күрә ҡайһы бер ауылдарҙа шәхси эшҡыуарҙар, ошо эшкә тотоноп, ота ғына. Тәү ҡарашҡа һөт йыйыусы эше ябай ғына күренһә лә, хеҙмәте еңелдән түгел.
Ком: 0 // Уҡынылар: 732 тапҡыр // Тотош уҡырға
Серҙәрен асты бауырһаҡАлдан хәбәр итеүебеҙсә, Баймаҡ районында тәүге тапҡыр “Бауырһаҡ” байрамы үтте. Үҙебеҙҙең милли брендты булдырыу йәһәтенән әлеге сараның әһәмиәте баһалап бөткөһөҙ.
Ком: 0 // Уҡынылар: 357 тапҡыр // Тотош уҡырға
Һәр халыҡ үҙ дәүләтселек билдәләрен — флагы, гимны, гербын танып белергә генә түгел, ә аңлата белергә лә тейеш. Бурысым – ошо мәҡәләлә Башҡортостан Республикаһының йөҙөн һынландырған герб тураһында мәғлүмәт биреү. Герб (немецса “эрбе”) мираҫ тип тәржемә ителә. Киң таралған бер легендала әйтелгәнсә, Хоҙай барса халыҡтарға ер-һыу бүлеп биргән саҡта, башҡорттар йылҡы-ат туплап йөрөп һуңлап ҡалған... Килһәләр, бөтә ер-һыу бүленгән булған, ти. Тик ҡөҙрәтле Хоҙай, хәлдең асылына төшөнгәс: “Ҡунаҡтар өсөн генә тип һаҡлаған ерем ҡалды, хеҙмәт кешеләренә хөрмәт йөҙөнән ошо изге ерҙе — Уралды һеҙгә бирәм, башҡорттар!” тигән, имеш...
Ком: 0 // Уҡынылар: 319 тапҡыр // Тотош уҡырға
Ҡабарып беште бауырһаҡ...Темәс ауылында Бауырһаҡ байрамы уҙҙы. Борон һәр башҡорттоң өҫтәлен йәмләп торған ашамлыҡты унда тәмләү генә түгел, үҙеңә лә әҙерләп ҡарарға мөмкин булды.
Ком: 0 // Уҡынылар: 251 тапҡыр // Тотош уҡырға
Һыуһын ҡандырғыс тере һыуҠасандыр Баймаҡта китап магазинының гөрләп торған сағы бар ине. Ул ябылғандан һуң рухи көрсөк кисерҙек. Белем шишмәһе булған китапһыҙ тормошобоҙҙо күҙ алдына ла килтереүе ҡыйын. Юғары мәҙәниәтле халыҡ ҡына илен күтәрә, үҫтерә ала. Ә был сифаттың нигеҙе, рухиәттең ҡалҡаны – китап. Район башҡорттары ҡоролтайының ҡарарына нигеҙләнеп, З. Биишева исемендәге “Китап” нәшриәте ярҙамы менән күптән түгел “Баймаҡ” сауҙа комплексында “Башҡорт китабы” тигән һатыу урыны асылды.
Ком: 0 // Уҡынылар: 310 тапҡыр // Тотош уҡырға
– Шатланып, ҡыуанып ултырам әле, балаҡайҙар, бына бит шығырлап торған ҡарағайҙан мунса бүләк иттеләр, – тип беҙҙе шат йөҙ менән ҡаршы алды Бөйөк Ватан һуғышы ветераны Хажғәле Хажи улы Рыҫмөхәмәтов. – Алып килеү менән күтәрә лә башланылар. Нисек инде ҡыуанмаҫҡа? Рәхмәт инде барыһына ла. Мунса төшөргә яратам бит мин...
Ком: 0 // Уҡынылар: 235 тапҡыр // Тотош уҡырға
Янып йәшәгән шағир иҫтәлегенәЙылдағыса районыбыҙҙа Яҡташ яҙыусылар аҙналығы гөрләп үтте – үҙәк район, балалар һәм ауылдарҙағы китапханаларҙа урындағы яҙыусылар менән осрашыуҙар, китапхана сәғәттәре, китаптарҙың исем туйҙары, матур әҙәби-мәҙәни саралар ойошторолдо. Аҙналыҡты үҙәк район китапханаһында яҡташтар – Башҡортостан Яҙыусылар союзы ағзалары, драматург Әминә Яхина, Фәнис Сирбаев һәм яңы танылыу яулай барған Насип Һаҡмаров менән осрашыу асты. Кисәлә шулай уҡ “Йәнгүҙәй” әҙәби-ижад берекмәләре ағзалары Рәйсә Иҫәнбаева һәм Борис Хәйретдинов ҡатнашты. Улар менән осрашыуға Урал аръяғы агросәнәғәт колледжы студенттары килде. Кисәлә ҡунаҡтар үҙҙәренең тормош һәм ижад юлы менән таныштырҙы, әҫәрҙәрен уҡып ишеттерҙе. Урындағы берекмә ағзалары ла шиғри күстәнәстәренән ауыҙ иттерҙе.
Ком: 0 // Уҡынылар: 384 тапҡыр // Тотош уҡырға
Бәхеткә илткән юл…Әҙәпһеҙ кеше иманлы була алмайҙыр ул… Шуға ла борон-борондан ололар баланы бәләкәйҙән әҙәпкә, миһырбанлыҡҡа, изгелеккә өйрәтергә тырышҡан. Был тәңгәлдә олатай-өләсәйҙәр мәктәбе айырыуса ихтирамға лайыҡ. Бөгөнгө ише махсус дәрестәр, лекторий-фәләндәр үткәрмәй тороп та бала ғаиләлә үк тейешле тәрбиә алған, олоно оло, кесене кесе итергә күнеккән. Урамда үҙеңдән өлкәндәр менән иҫәнләшмәй үтеү, мохтаждарға ярҙам ҡулы һуҙмау, тәкәбберлек кеүек кире күренештәр бер ҙә генә хуплау тапмаған, ундайҙарға әйләнә-тирәләгеләрҙең өнһөҙ шелтәһе күҙ ҡарашынан уҡ һиҙелеп торған…
Ком: 0 // Уҡынылар: 288 тапҡыр // Тотош уҡырға
Йәштәр ҙә үҙ эшен белә, ярата Райондың алдынғы ҡарашлы йәштәрен бергә туплаған ҡоролтай тәүге тапҡыр үтеүгә ҡарамаҫтан, милләтебеҙҙе борсоған проблемаларҙы ҡыйыу күтәреүе, йәштәрҙең үҙҙәрен борсоған мәсьәләләрҙе асыҡлап сығыш яһауҙары менән әһәмиәтле булды. Фекер алышыуҙа өлкән класс уҡыусылары, урындағы ҡоролтай рәйестәре, әүҙем йәмәғәтселәр, ағинәйҙәр һәм аҡһаҡалдар ойошмаһы вәкилдәре ҡатнашты. Йыйындың эшенә Баймаҡ районы башҡорттары ҡоролтайы башҡарма комитеты рәйесе Ришат Ишембәтов етәкселек итте.
Ком: 0 // Уҡынылар: 339 тапҡыр // Тотош уҡырға
Ир-ат һөнәре тимәгеҙ...Баймаҡ ҡалаһында тыуып үҫкән Эльвира Әмир ҡыҙының зоотехник һөнәрен һайлауы осраҡлы ғына килеп сыға. Юғары уҡыу йортона документтарын тапшырып, бюджет нигеҙенә үтә алмағас, оҙаҡ уйлап тормай, Баймаҡ ауыл хужалығы техникумына уҡырға керә. Ҡала ҡыҙының тап бында белем алыуына күптәр аптырап ҡараһа, ҡыҙ, киреһенсә, тырышып уҡый.
Ком: 0 // Уҡынылар: 204 тапҡыр // Тотош уҡырға
Тимер ирей ҡулындаТап шулай тип әйтә уның хаҡында ауылдаштары. Ысынлап та, Хөрмәт Баймөхәмәтов бала саҡтан тимер эшенә маһир. Уның үҙ ҡулдары менән эшләгән бесән сапҡыс, йыйғыс, өйгөс ҡоролмалары барыһын да хайран итә. Бала саҡтан атайһыҙ ҡалған егеткә хужалыҡтағы барлыҡ эште башҡарырға тура килә. Ҡайһы саҡта йәйәүләп, бәғзе осраҡта кемдеңдер арбаһында бесәнгә барған саҡтарында, ҡышҡа етәрлек утын әҙерләгән ваҡытта Хөрмәттең тик бер хыялы ғына була: “Тиҙерәк ҙурайып, трактор һатып алып, уның ярҙамында бесән эшләргә”. Һуҡырҙың теләгәне – ике күҙ, тигәндәй, бөгөн геройымдың хыялдарының барыһы ла тормошҡа ашҡан.
Ком: 0 // Уҡынылар: 1215 тапҡыр // Тотош уҡырға
Ҡара ҡайын ҡайғы төҫөмө? Башҡорт халҡын милләт булараҡ барлыҡҡа килтергән һәр ырыуҙың йәшәгән урынына ғына хас тәғәйен ағасы, ҡошо, тамғаһы, яу ораны, изге тәбиғәт ҡомартҡылары булыуы тураһында мәғлүмәттәр быуаттар аша быуындан быуынға тапшырылып килгән һәм юғалтмай һаҡланған. Ырыу атрибуттарын тикшереү һәм тергеҙеү буйынса фәнни хеҙмәттәр яҙған ғалимдарыбыҙ Раил Кузеев, Рим Янғужин башҡорт халҡына баһалап бөткөһөҙ хазина булырлыҡ алтын ҡомартҡы ҡалдырҙы.
Ком: 0 // Уҡынылар: 310 тапҡыр // Тотош уҡырға
Бәхет өсөн күп тә кәрәк түгел... ...Яҙғы әсе елдән ышыҡланғандай, башын бер яҡ ситкә бора биреп атлаған ҡатын нисә йыл тапаған юлынан эшенә ашыға. Һуңламаҫҡа кәрәклеген, дауалау амбулаторияһында үҙен әллә күпме ауырыу көтөп торғанлығын бик яҡшы аңлай ул. Тик бына башына килгән төрлө донъяуи һорауҙар ғына тынғылыҡ бирмәй үҙенә.
Ком: 0 // Уҡынылар: 296 тапҡыр // Тотош уҡырға
Артҡа 1 2 3 4 5 6 7 8 9 10 ... 15 Алға
Бит башына