Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Тырышҡан әмәлен эҙләр…
Ватандаштар” программаһы табиптарҙы йәлеп итә

Авдон участка дауаханаһының хирург бүлмәһенә бөгөн дә тынғы юҡ. Әле береһе, әле икенсеһе үҙенең йомошон тиҙерәк йомошлап, дауа йә кәңәш алып, донъяуи мәшәҡәттәрен башҡарырға ашыға. “Башыңа төшһә, башмаҡсы ла булырһың” тигәндәй, йәш хирургтың “тел һындырырлыҡ” исем-атын да дөрөҫ, тулы итеп әйтергә күнеккән халыҡ. “Фармонкул Орзукулович, һеҙгә мөмкинме? Һөлөк һалырға ваҡытығыҙ булырмы?” – бына йәнә бер пациент табипҡа күренмәксе.

Баҡһаң, хирург профессияһынан тыш, егет тағы әллә күпме һөнәрҙе үҙләштерергә өлгөргән: гирудотерапевт, массаж яһаусы, косметика процедураларын башҡарыу оҫтаһы…

“Һис тә ғәжәп түгел, егет кешегә етмеш төрлө һөнәр ҙә аҙ. Хәҙер табип күп профилле белгес булырға ынтыла, заманы шундай”, – тип әйтеүселәр ҙә табылыр. Улар менән килешергә була. Әммә тажик егетенең 20 йыл буйы Йеменда, аҙаҡ Тажикстанда йәшәгәндән һуң Башҡортостан тигән сит-ят ерҙә үҙ кеше булып китеүе, рус телен үҙләштереп, юғары уҡыу йортона уҡырға инеүе үҙе ныҡышмаллыҡ, тәүәккәллек өлгөһө лә баһа!

Яҙмыш юлдан яҙҙырмаҫ, ти боронғолар. Фармонкулдың әсәһе сығышы менән Илеш районынан. Тажик егете Орзукул менән танышып, 16 йәштә уға тормошҡа сыға. Ғаилә башлығы хәрби кеше булғанлыҡтан, улар Йеменға күсеп китергә мәжбүр була. Бер-бер артлы ете бала донъяға килә. Ғаиләлә татарса һәм тажикса һөйләшәләр, балаларына икмәк-тоҙлоҡ булһа ла рус телен өйрәтергә ваҡыт табалар. Егет Тажикстанда медицина училищеһын тамамлағас, әсәһе менән Башҡортостанға ҡайта. “Теләгем юғары белем алыу ине. Өс йәшлек сағымда уҡ “Мин тик табип булам, һеҙгә көн дә укол яһаясаҡмын” тип маҡтанғанмын. Һуңлабыраҡ булһа ла, 34 йәшемдә, Башҡортостан дәүләт медицина университетын тамамлап, хирург һөнәрен үҙләштерҙем. Иң ауыры рус телен өйрәнеү булды. Дүрт ай әҙерлек курсында уҡығас, студент булып киттем. Тәүге ике йыл еңел бирелмәне”, – тип хәтерләй Фармонкул Мансуров уҡыу йылдарын.

Теләгән – әмәлен, теләмәгән сәбәбен эҙләр. Күпме ер-һыу килеп, әллә күпме ҡаршылыҡты еңеп, үҙенең теләгенә ирешкән егеттең булмышына һоҡланырға ғына ҡала. Инде башлы-күҙле булырға ла, фатир алырға ла, пациенттары араһында хөрмәт ҡаҙанырға ла өлгөргән.
– 15 йыл эсендә Рәсәй гражданлығын алыу теләге менән ҡайҙа ғына, кемгә генә мөрәжәғәт итмәнем, бары В. Жириновскийҙан өмөтләндергес яуап алдым. 2018 йылда Башҡортостанда “Ватандаштар” тигән программаның эшләй башлаясағы, минең ул исемлектә беренсе булып торасағым хаҡында яҙылған хатты уҡығас, күңелгә йылы инде, – тип ул саҡтағы хис-тойғоһо менән уртаҡлаша йәш белгес.

Сит ерҙәрҙә йәшәгән ватандаштарыбыҙҙың республикаға ирекле күсенеүенә булышлыҡ итеүҙе күҙ уңында тотҡан ярҙамсы программа – “Башҡортостан Республикаһында хеҙмәт баҙарын көйләү һәм халыҡтың мәшғүллегенә ярҙам итеү” дәүләт программаһының мөһим бер өлөшө ул.
Медицина хеҙмәткәрҙәрен һәм студенттарҙы даими йәшәү урынына йәлеп итеп, һаулыҡ һаҡлау өлкәһендә хеҙмәт ресурстарын байытыу, кадрҙарҙың сифатын яҡшыртыуҙы маҡсат итеп ҡуйған был сараны сабырлыҡ менән көтөп алғандар байтаҡ. Яңыраҡ алты медицина хеҙмәткәре һәм уларҙың туғыҙ ғаилә ағзаһы “Ватандаштар” программаһында ҡатнашты. Ғәмәлдә ул йыл һайын тыуған төбәгебеҙгә 60 медицина хеҙмәткәрен һәм 120 ғаилә ағзаһын күсереүҙә ярҙам итә аласаҡ. Фармонкул Мансуров та – ошо программала ҡатнашҡан бәхетле ватандаштарыбыҙҙың береһе.
Был маҡсатҡа республика бюджетынан йыл да – 2,5 миллион һум, федераль бюджеттан йәнә ярты миллион һум аҡса бүлеү ҡаралған.

Республикаға күсеп килгән табиптарға төрлө яҡлы ярҙам күрһәтелә. Федераль бюджет иҫәбенә юл хаҡы тулыһынса ҡапланасаҡ, программала ҡатнашыусы һәр кемгә – 20 мең һум, ғаилә ағзаларына 10-ар мең һум аҡса түләнәсәк. Ә ауыл ерендә төпләнергә теләгән медицина хеҙмәткәрҙәре “Ауыл табибы” программаһы мөмкинлектәренән дә файҙалана ала. Бер тапҡыр түләнгән миллион һум аҡса – Башҡортостан ерендә яңы тормош башлаған белгес өсөн, һис һүҙһеҙ, ҙур матди ярҙам.

Республиканың Мәғариф министрлығы тарафынан ватандаштарыбыҙҙың хоҡуҡи, тел һәм мәҙәни белемен күтәреү, сабыйҙарын мәктәпкәсә йәштәге учреждение­ларға урынлаштырыу буйынса ла булышлыҡ күрһә­теләсәк. Һәр хәлдә, республикабыҙҙа төпләнергә теләгән медицина хеҙмәткәрҙәренә бөтә тарафта ла “йәшел ут” ҡабынды: медицина тикшеренеүенә, сит илдә алған дипломды раҫлатыуға, ваҡытлыса йәшәү урынына түләүгә киткән сығымдарҙы Башҡортостан Хөкүмәте үҙ өҫтөнә ала.

Ярты йыл эсендә 20 ватандашыбыҙ, ошо дәүләт программаһында ҡатнашырға теләк белдереп, Башҡортостан Ғаилә, хеҙмәт һәм халыҡты социаль яҡлау министрлығына мөрәжәғәт итте. Әлегә һигеҙ ғаризаға ыңғай яуап алынған. Фармонкул тап ошо бәхетлеләр исемлегендә.



Беҙҙе Яндекс Дзен лентаһында уҡығыҙ
Комментарий өҫтәргә






Ихтыяр һәм өмөт менән

Ихтыяр һәм өмөт менән 14.12.2018 // Сәләмәт булайыҡ

Ҡурҡыуҙы мотлаҡ еңергә кәрәк Онкология сире сәләмәт тормош алып барған, үҙен көслө тойған, спорт...

Тотош уҡырға 37

Һөлөктө белеп һалырға кәрәк

Һөлөктө белеп һалырға кәрәк 11.12.2018 // Сәләмәт булайыҡ

Һөлөк һалыу халыҡ медицинаһында борон-борондан килә. Уның хаҡында “Урал батыр” эпосында ла телгә...

Тотош уҡырға 107

Имбирь менән дуҫлаш

Имбирь менән дуҫлаш 07.12.2018 // Сәләмәт булайыҡ

Һуңғы йылдарҙа халыҡ телендә имбир һүҙе йыш ҡулланыла башланы. Был төр культура магазин...

Тотош уҡырға 185

Сәй эсәбеҙ өрөп-өрөп

Сәй эсәбеҙ өрөп-өрөп 07.12.2018 // Сәләмәт булайыҡ

Иртәнге көнөбөҙ сәй эсеүҙән башлана. Ҡунаҡ килһә лә иң тәүҙә сәй менән һыйлайбыҙ, сөнки әүәлдән...

Тотош уҡырға 89

Шикселлек тә – сир билдәһе

Шикселлек тә – сир билдәһе 05.12.2018 // Сәләмәт булайыҡ

Невроздар йәшәү сифатын түбәнәйтә. Әүҙем һәм сәләмәт тормош алып барыу, физик күнегеүҙәр менән...

Тотош уҡырға 93

Белеү зыян итмәҫ

Белеү зыян итмәҫ 05.12.2018 // Сәләмәт булайыҡ

Кешене өс-алты сәғәт эсендә ҡотҡарып була. Йыл һайын йәмәғәтселек, медицина ойошмалары Бөтә донъя...

Тотош уҡырға 86

Елдәй ел, “Толпар”!

Елдәй ел, “Толпар”! 03.12.2018 // Сәләмәт булайыҡ

Рәсәй Федерацияһының Йәмәғәт палатаһы Президент гранттары фонды ярҙамында йыл да “Иң яҡшыһы —...

Тотош уҡырға 87

Мәкерле вирустың һинең кем булыуыңда эше юҡ

Мәкерле вирустың һинең кем булыуыңда эше юҡ 30.11.2018 // Сәләмәт булайыҡ

Уны йоҡтормау башлыса кешенең үҙенән тора. Берләшкән Милләттәр Ойошмаһы хәбәр итеүенсә, Рәсәй...

Тотош уҡырға 70

Алма һуты эсегеҙ!

Алма һуты эсегеҙ! 28.11.2018 // Сәләмәт булайыҡ

Магазиндарҙа һуттарҙың ниндәйе генә юҡ! Тәмдәре, сифаттары буйынса ла улар айырыла, хәүефһеҙлек...

Тотош уҡырға 90

Көнөнә – 250 пациент!

Көнөнә – 250 пациент! 26.11.2018 // Сәләмәт булайыҡ

Илеш районы үҙәге Үрге Йәркәй ауылында көнөнә 250 пациентты ҡабул итеү һәләтенә эйә заманса...

Тотош уҡырға 454

Сәләмәтлек бүләк итәләр

Сәләмәтлек бүләк итәләр 23.11.2018 // Сәләмәт булайыҡ

Миңә быйыл Башҡортос­таны­быҙҙың данлыҡлы һәм шифалы “Красноусол” шифаханаһында ял итеү бәхете...

Тотош уҡырға 115

Ауылдаштарҙы ҡайғыртып...

Ауылдаштарҙы ҡайғыртып... 23.11.2018 // Сәләмәт булайыҡ

Йәнырыҫта яңы ФАП уңышлы эшләй. Башҡортостан Башлығы вазифаһын ваҡытлыса башҡарыусы Радий Хәбиров...

Тотош уҡырға 105