Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Бөтә дауаны тәбиғәттә табабыҙ
Ауырыһаң, үлән эс, тигән боронғолар. Һәр халыҡтың был йәһәттән йылдар һуҙымында һыналған дауалау серҙәре булған. Тәбиғәт беҙҙе шифалы үләненән дә, йәшелсә-емешенән дә өҙмәй —рәхмәтле булып, ҡуллан ғына. Сәс ҡойолоуҙан да тәбиғи дауалау мөмкинлектәрен – төрлө үлән төнәтмәләрен — ҡулланырға мөмкин. Уларҙың бер нисәһен тәҡдим итәбеҙ.

Сәс ҡойолоуҙан һуғандан эшләнгән маска ярҙам итер. Бының өсөн уртаса ҙурлыҡтағы бер баш һуғанды ҡырғыс аша үткәреп, уға бер аш ҡалағы зәйтүн майы ҡушырға кәрәк. Иҙмәне баш тиреһенә һөртөп, 15 минут дауамында бармаҡтар менән еңелсә массаж яһап, башты полиэтилен менән ҡаплау талап ителә. Йылы һаҡланһын өсөн таҫтамал урап, ярты сәғәт тирәһе тоторға кәрәк. Аҙаҡ сәсте яҡшылап йыуабыҙ. Һуғандың ҡырҡыу еҫен бөтөрөү өсөн лимон һуты йәки аш һеркәһе һалынған һыу менән тағы ла берҙе сайҡатырға мөмкин. Лимон һутын бер юлы иҙмәгә өҫтәргә лә була.

Арыш оно ҡулланып әҙерләнгән маска сәстәрҙең нығыныуына булышлыҡ итә. Уның 50 грамына 100 миллилитр ҡайнар һыу һалып, биш минут ҡапҡаслы һауытта тоторға. Унан һуң 100 миллилитр зәйтүн майы, биш грамм ҡоро гәрсис, саҡ ҡына лимон һуты ҡушып, ныҡлап болғатырға кәрәк. Әҙер ҡушымтаны сәскә һөртөп, ярты сәғәт тирәһе йылытыусы ҡалпаҡ кейеп торабыҙ, унан ағын һыу аҫтында йыуабыҙ. Иҙмәне әҙерләү өсөн ебетелгән арыш икмәге лә ҡулланырға мөмкин.

Сәстең торошон яҡшыртыу һәм туҡландырыу өсөн әфлисун ҡабығы ла бик ҡулай. Бының өсөн ике-өс емештең тышын ҡайнаған һыуҙа өс сәғәт тоторға һәм баш йыуа торған һыуға өҫтәргә кәрәк буласаҡ.

Бер нисә йәшлек алоэның ике япрағын ваҡлап, һутын һығабыҙ, шуға уртаса яулыҡ ҙурлығындағы марляны тулыһынса манып, башҡа һалабыҙ һәм полиэтилен менән ҡаплайбыҙ. Һут күҙгә төшмәһен өсөн алдан хәстәрлек күреү кәрәк. Ярты сәғәттән һуң сәсте йылымыс һыу менән сайҡарға мөмкин.

Бер литр ҡайнар һыуға 100 грамм күләмендә алынған ылыҫлы ағастарҙың (шыршы, ҡарағай, аҡ шыршы) энәләренән әҙерләнгән төнәтмәне (иҙмә утта һыу һалынған һауытта 20 минут самаһы тотола) һөҙөргә һәм сәсте йыуыр алдынан әҙ-әҙләп 15 минут дауамында баш тиреһенә һөртөргә. Был ысул сәс ҡойолоуын туҡтатыу менән бергә яңыларының үҫеүенә лә булышлыҡ итәсәк.

Сәс ҡойолоуҙан төрлө майҙар ҡулланырға мөмкин. Тирегә кастор йәки дегәнәк майы һөртөп, бармаҡтар менән баш тиреһен еңелсә ышҡып, полиэтилен менән ҡаплайбыҙ. Ярты сәғәт тирәһе тотҡандан һуң сәсте йыуырға мөмкин.

Сәс матур һәм ҡуйы булып үҫһен өсөн бер нисә йомортҡа һарыһын туғып, шулай уҡ төбөнә яғырға була. Ярты сәғәт тотҡас, йылымыс һыу менән йыуып, бөтнөк үләне төнәтмәһе менән сайҡатырға кәңәш ителә.

Сәсте йыуғандан һуң даими кесерткән төнәтмәһе менән сайҡатыу ҙа уның торошон күпкә яҡшыртасаҡ.

Әлбиттә, был саралар билдәле ваҡытта һәм даими ҡулланғанда ғына үҙ һөҙөмтәһен бирәсәк.



Беҙҙе Яндекс Дзен лентаһында уҡығыҙ
Комментарий өҫтәргә






Ихтыяр һәм өмөт менән

Ихтыяр һәм өмөт менән 14.12.2018 // Сәләмәт булайыҡ

Ҡурҡыуҙы мотлаҡ еңергә кәрәк Онкология сире сәләмәт тормош алып барған, үҙен көслө тойған, спорт...

Тотош уҡырға 38

Һөлөктө белеп һалырға кәрәк

Һөлөктө белеп һалырға кәрәк 11.12.2018 // Сәләмәт булайыҡ

Һөлөк һалыу халыҡ медицинаһында борон-борондан килә. Уның хаҡында “Урал батыр” эпосында ла телгә...

Тотош уҡырға 108

Имбирь менән дуҫлаш

Имбирь менән дуҫлаш 07.12.2018 // Сәләмәт булайыҡ

Һуңғы йылдарҙа халыҡ телендә имбир һүҙе йыш ҡулланыла башланы. Был төр культура магазин...

Тотош уҡырға 186

Сәй эсәбеҙ өрөп-өрөп

Сәй эсәбеҙ өрөп-өрөп 07.12.2018 // Сәләмәт булайыҡ

Иртәнге көнөбөҙ сәй эсеүҙән башлана. Ҡунаҡ килһә лә иң тәүҙә сәй менән һыйлайбыҙ, сөнки әүәлдән...

Тотош уҡырға 92

Шикселлек тә – сир билдәһе

Шикселлек тә – сир билдәһе 05.12.2018 // Сәләмәт булайыҡ

Невроздар йәшәү сифатын түбәнәйтә. Әүҙем һәм сәләмәт тормош алып барыу, физик күнегеүҙәр менән...

Тотош уҡырға 95

Белеү зыян итмәҫ

Белеү зыян итмәҫ 05.12.2018 // Сәләмәт булайыҡ

Кешене өс-алты сәғәт эсендә ҡотҡарып була. Йыл һайын йәмәғәтселек, медицина ойошмалары Бөтә донъя...

Тотош уҡырға 87

Елдәй ел, “Толпар”!

Елдәй ел, “Толпар”! 03.12.2018 // Сәләмәт булайыҡ

Рәсәй Федерацияһының Йәмәғәт палатаһы Президент гранттары фонды ярҙамында йыл да “Иң яҡшыһы —...

Тотош уҡырға 87

Мәкерле вирустың һинең кем булыуыңда эше юҡ

Мәкерле вирустың һинең кем булыуыңда эше юҡ 30.11.2018 // Сәләмәт булайыҡ

Уны йоҡтормау башлыса кешенең үҙенән тора. Берләшкән Милләттәр Ойошмаһы хәбәр итеүенсә, Рәсәй...

Тотош уҡырға 70

Алма һуты эсегеҙ!

Алма һуты эсегеҙ! 28.11.2018 // Сәләмәт булайыҡ

Магазиндарҙа һуттарҙың ниндәйе генә юҡ! Тәмдәре, сифаттары буйынса ла улар айырыла, хәүефһеҙлек...

Тотош уҡырға 90

Көнөнә – 250 пациент!

Көнөнә – 250 пациент! 26.11.2018 // Сәләмәт булайыҡ

Илеш районы үҙәге Үрге Йәркәй ауылында көнөнә 250 пациентты ҡабул итеү һәләтенә эйә заманса...

Тотош уҡырға 456

Сәләмәтлек бүләк итәләр

Сәләмәтлек бүләк итәләр 23.11.2018 // Сәләмәт булайыҡ

Миңә быйыл Башҡортос­таны­быҙҙың данлыҡлы һәм шифалы “Красноусол” шифаханаһында ял итеү бәхете...

Тотош уҡырға 115

Ауылдаштарҙы ҡайғыртып...

Ауылдаштарҙы ҡайғыртып... 23.11.2018 // Сәләмәт булайыҡ

Йәнырыҫта яңы ФАП уңышлы эшләй. Башҡортостан Башлығы вазифаһын ваҡытлыса башҡарыусы Радий Хәбиров...

Тотош уҡырға 106