Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Үҙеңдән дә оло табип юҡ
Һаулыҡтың һаҡлауға мохтаж икәнлеген хәтерҙә тотайыҡ.

Һуғыш тамамланған осорҙа хеҙмәт юлын башлаған 1-се ҡала дауаханаһын бөгөн Октябрьскийҙың “һаулыҡ һаҡлау бишеге” тип хаҡлы рәүештә атарға мөмкин. Күп профилле, бөтә дауалау учреждениеларын үҙ эсенә алған, район-ара үҙәк статусына эйә дауаханала медицина эшмәкәрлегенең бөтә төрҙәре буйынса ярҙам күрһәтеү мөмкинлеге бар.

2011 йылдан дәүләт-шәхси парт­нерлыҡ нигеҙендә амбулатор гемодиализ үҙәге эшләй башлаған. Медицина учреждениеһының ҡеүә­те ҙур – сменаға 2 535 пациентты ҡабул итергә мөмкин. Утыҙҙан ашыу бүлексә эшләй, үҙенсәлекле ысулдар һәм манипуляциялар нигеҙендә иң алдынғы хирургия технологиялары ҡулланыла. Дауахана базаһында биш муниципаль-ара үҙәктең эшләүен дә билдәләргә кәрәк. Скайп элемтәһе, телемедицина мөмкинлектәренән файҙаланыу ҙа ҡаралған. Пациент­тарҙы һауыҡты­рыу өсөн ошондай ҡеүәтле базаһы булған дауаханала эшләү табип өсөн үҙе оло бәхеттер. Айырыуса хеҙ­мәт юлын ҡыйыр-ҡыймаҫ, икелә­неүҙәр менән башлаған йәш белгес өсөн.

Бынан 12 йыл элек тыуған ҡала­һына эшкә ҡайтҡан табип Айрат Бирдин өсөн үҙәктә эш башлау һис тә ауыр тойолмай. “Үҙ йортоңда стеналар ҙа ярҙам итә. Аҙым һайын таныш йөҙҙәр, эргә-яғыңда һәр һорауыңа яуап бирергә әҙер хеҙмәт­тәштәр… Яҡташтарыңдың ышанысын аҡлау өсөн, һис һүҙһеҙ, көс һалырға, белемеңде ғәмәлдә нығытырға кәрәклеген аңлайым”, – ти табип-эндокринолог Айрат Рәмиз улы.
Ҡала хакимиәтенең йәш белгес­тәрҙе ошо ергә еректереү өсөн башҡарған ҙур эше лә иғтибарға лайыҡ.

– Килеү менән фатирлы иттеләр. Ғаиләле кеше өсөн был бит мөһим. Ҡатыным да – табип-терапевт. Апайым Лилиә лә ошонда уҡ эшләй, ул – реаниматолог. Ҡайҙалыр бәхет эҙләп китеү уйы башыбыҙға инеп сыҡҡаны ла юҡ. Хеҙмәт хаҡы ла һис зарланырлыҡ түгел. Өҫтәүенә ҡыҙҙа­рыбыҙҙы һәм улыбыҙҙы тәрбиәләү, уҡытыу өсөн ҡалала бөтә уңайлыҡ­тар, мөмкинлектәр етерлек.

Әлеге ваҡытта дауахана кадрҙарға ҡытлыҡ кисерә тип әйтеп булмай. Араларында фән кандидаттары ла, атҡаҙанған медицина хеҙмәткәрҙәре лә, һаулыҡ һаҡлау отличниктары ла булған коллективы­быҙ тотороҡло, һәләтле. Шулай ҙа бер нисә терапевт һәм эндокринолог эшкә килһә, шат булыр инек, сөнки һуңғы ваҡытта шәкәр диабеты менән сирләгәндәр һаны ишәйгәндән-ишәйә. Ә һеҙ уның ниндәй мәкерле сир икәнен яҡшы беләһегеҙ, ауырыуҙарҙы ваҡытында асыҡлау, контролдә тотоу, иҫкәртеү сараларын ҡулланыу, тәьҫирле дауа тәғәйенләү – ҡатмарлы һәм оҙайлы процесс, – ти Айрат Бирдин. – Дөрөҫөн әйткәндә, донъяла үҙеңдән дә олораҡ табип юҡ, һаулыҡтың һаҡлауға мохтаж байлыҡ икәнен хәтерҙә тотһаҡ, байтаҡ сирҙәргә юлығылмаҫ та ине.

Табип һөнәре, ниндәй генә заманда йәшәһәк тә, һәр саҡ абруйлы, ихтыяж менән файҙаланған мөһим шөғөлдәрҙең береһе булып ҡала. Һуңғы осорҙа заманса технологиялар индерелеү, “Һаулыҡ” милли проектына ярашлы тармаҡ эшмәкәрлегенә яңы бурыстар ҡуйылыуы менән бәйле, медицина хеҙмәткәрҙәренең күберәк талап ителеүе сер түгел.

Айрат Рәмиз улы әйтеүенсә, талаптар үҫеү менән бергә белгес­тәрҙең тормош сифатын, эш һәм көнкүреш шарттарын яҡшыртыу буйынса ла республикала күп эш башҡарыла. “Һуңғы өс-дүрт йылда табиптарҙың эш хаҡы күҙгә күренеп үҫте. Бер ставка – 13 мең һум, уға стаж, категория, башҡарған эш күләме өсөн түләүҙәр өҫтәлә, һөҙөмтәлә лайыҡлы хеҙмәт хаҡы килеп сыға. Мин үҙем шәхси клиникала ауырыуҙарҙы ҡабул итергә лә ваҡыт табам, – ти ҡаланың штаттан тыш баш эндокринологы. – Пациент­тарыңа шәфҡәтлелек күҙе менән ҡарап, эшеңде яратып башҡара алһаң, табип һөнәренән дә юғарыраҡ, бәҫлерәк, кешелеклерәк һәм лайыҡлы баһаланған шөғөл Ер йөҙөндә юҡтыр”.



Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Сирҙәрҙе башланғыс стадияһында уҡ асыҡлаясаҡ

Сирҙәрҙе башланғыс стадияһында уҡ асыҡлаясаҡ 16.03.2019 // Сәләмәт булайыҡ

Учалы үҙәк дауаханаһында өлкәндәр өсөн УЗИ кабинетын йыһазландырыу эштәре бара....

Тотош уҡырға 21

Ҡәлғәгеҙ хәүефһеҙме?

Ҡәлғәгеҙ хәүефһеҙме? 15.03.2019 // Сәләмәт булайыҡ

Таҙалыҡ – сәләмәтлек нигеҙе, тигән ҡанатлы һүҙҙәр хәҙерге заманда ла көнүҙәклеген юғалтмай....

Тотош уҡырға 74

Уйҙырмаларҙан ҡотолайыҡ

Уйҙырмаларҙан ҡотолайыҡ 15.03.2019 // Сәләмәт булайыҡ

Һаулыҡ һаҡлау өлкәһендә лә төрлө уйҙырмалар етерлек. Шуларҙың бер нисәһенә күҙ һалайыҡ....

Тотош уҡырға 68

“Дошман” ял да,  серем дә итмәй

“Дошман” ял да, серем дә итмәй 15.03.2019 // Сәләмәт булайыҡ

Был мәкерле сирҙе прививка яһап еңеп була....

Тотош уҡырға 82

Ҡыҙылсанан һаҡланайыҡ

Ҡыҙылсанан һаҡланайыҡ 14.03.2019 // Сәләмәт булайыҡ

“Роспотребнадзор”ҙың Башҡортостан идаралығынан хәбәр итеүҙәренсә, республикала ҡыҙылса ауырыуының...

Тотош уҡырға 145

Розалия тыуған ҡалаһына ҡайтты

Розалия тыуған ҡалаһына ҡайтты 13.03.2019 // Сәләмәт булайыҡ

Ошо көндәрҙә Сибай ҡалаһының балалар поликлиникаһы йәнә бер йәш белгес менән тулыланды. Өфөнән...

Тотош уҡырға 189

“Мотор” талсыҡмаһын

“Мотор” талсыҡмаһын 13.03.2019 // Сәләмәт булайыҡ

Йөрәгегеҙ һау булһын, талсыҡмай эшләһен тиһәгеҙ, туҡланыуға айырыуса ҙур иғтибар бүлегеҙ. Бигерәк...

Тотош уҡырға 95

МИОКАРД ИНФАРКТЫ

МИОКАРД ИНФАРКТЫ 13.03.2019 // Сәләмәт булайыҡ

МИОКАРД ИНФАРКТЫ – ҡан әйләнеше боҙолоу сәбәпле йөрәк мускулы күҙәнәктәренең һәләк булыуы....

Тотош уҡырға 165

Табипҡа ышаныу сирҙе еңеләйтә

Табипҡа ышаныу сирҙе еңеләйтә 13.03.2019 // Сәләмәт булайыҡ

Мәләүез үҙәк район дауаханаһында тағы бер эндокринологтың ҡабул итә башлауы шунда уҡ тойолдо. Быны...

Тотош уҡырға 68

Һәр ғәмәл бер епкә теҙелә

Һәр ғәмәл бер епкә теҙелә 13.03.2019 // Сәләмәт булайыҡ

“Зәүхиә, бер мәҡәләңдә ялған араҡы тураһында яҙ әле. Ҡайһы бер ауылдарҙа шул сифатһыҙ шыйыҡсаны...

Тотош уҡырға 158

Халыҡ һаулығын алға ҡуйып

Халыҡ һаулығын алға ҡуйып 05.03.2019 // Сәләмәт булайыҡ

Стәрлебаш районы Ҡуғанаҡбаш ауылының фельдшер-акушерлыҡ пунктынан халыҡ бер ваҡытта ла өҙөлмәй,...

Тотош уҡырға 103

Яҙҙың үҙенсәлекле "бүләге" лә бар...

Яҙҙың үҙенсәлекле "бүләге" лә бар... 02.03.2019 // Сәләмәт булайыҡ

Көтөп алған матур миҙгелебеҙгә лә аяҡ баҫтыҡ. Шулай ҙа, дуҫтар, яҙҙың ҡояш нурҙарына ғына түгел,...

Тотош уҡырға 155