Уҡытыусылар медицина тикшереүе үткән өсөн түләргә тейеш түгел. Рәсәй Федерацияһы Федераль Йыйылышының Дәүләт Думаһы депутаты, Һаулыҡ һаҡлау буйынса комитет ағзаһы Сәлиә МЫРҘАБАЕВА ошо мәсьәләгә аңлатма бирә.
— Уҡытыусыларҙан медицина тикшереүе өсөн аҡса түләтеү хаҡында мөрәжәғәттәр килә. Башҡортостан Республикаһының Мәғарифты үҫтереү институты хеҙмәткәрҙәре, курсҡа килгән уҡытыусылар менән осрашыу барышында ошо уҡ мәсьәлә күтәрелде. Башҡортостан Республикаһы Прокуратураһына ебәргән һорауыма алынған яуап та ошоно раҫланы, — ти депутат.

Башҡортостанда 383 мең самаһы кеше льготалы дарыуҙарҙан файҙалана, йәшәү өсөн мөһим препараттарға мохтаждар ҙа байтаҡ. Уларҙы тәьмин итеүҙә өҙөклөк булмаһын өсөн меңдәрсә хеҙмәткәрҙән торған ҙур система тырышлыҡ һала. Шул сылбырҙың бәләкәй генә бер өлөшөндә тотҡарлыҡ була ҡалһа ла, был туранан-тура ауырыуҙарҙың хәлендә сағылыш табасаҡ.
Ҡыҙғанысҡа ҡаршы, йыл башланыу менән республикала ҡайһы бер дарыуҙарҙы табыу ҡатмарлашҡан. Башҡортостан Республикаһының һаулыҡ һаҡлау министры Георгий Шебаевтың блогына ошо мәсьәлә буйынса мөрәжәғәт итеүселәр ҙә бар.

“Янғантау” шифаханаһының элекке етәксеһе Рәмил Бәҙретдинов “Йәшел сауҡалыҡ” шифаханаһы директоры итеп тәғәйенләнде.
Ул оҙаҡ йылдар етәкселек иткән “Янғантау” шифаханаһы яҡшы күрһәткестәре менән танылды. Ә “Йәшел сауҡалыҡ”та һуңғы йылдарҙа тейешле иҡтисади алға китеш күҙәтелмәй, шуға күрә Бәҙретдинов алдына хәлде яҡшы яҡҡа үҙгәртеү бурысы ҡуйылды.
Хәтерегеҙгә төшөрәйек: “Янғантау” шифаханаһы Бөтә Рәсәй бизнес-рейтингында “Шифахана-курорт учреждениеларының эшмәкәрлеге” тигән категорияла өсөнсө урын алғайны. Илдә танылыу яулаған шифаханаға артабан Энгельс Ҡолмөхәмәтов етәкселек итәсәк.

“Теш һыҙлау ғазабын дошманыңа ла теләмә”, — тиҙәр. Бының һис тә юҡҡа ғына әйтелмәүен ғүмерендә бер тапҡыр булһа ла теше һыҙлап яфаланған кеше яҡшы аңлай торғандыр. Ярай әле, шул сағында күҙ төбәп барыр, ҡөҙрәтле ҡулдары менән ярҙам итәсәгенә ныҡлы ышанған теш табиптарыбыҙ бар.
Үкенескә ҡаршы, йыш ҡына тештәрҙе һаҡларға, сәләмәт булһын өсөн көн дә тәрбиәләп тороу кәрәклеге хаҡында ауыртыу-һыҙланыуға дусар булғас ҡына иҫкә төшөрәбеҙ.
Тештәребеҙ гәрәбәләй теҙелеп, ынйылай һоҡландырып торһон өсөн нимәләр эшләргә һуң? Булмаһа, һүҙҙе стоматология өлкәһендә 25 йыл эшләп, бай тәжрибә туплаған, “Башҡортостан Республикаһының һаулыҡ һаҡлау отличнигы”, Республика стоматология поликлиникаһының юғары категориялы хирургы Хәмит Мирза улы УСМАНОВҠА бирәйек.
Беҙгә, ғәҙәттә, урты шешкән, хәлдәре ауырайған пациенттар мөрәжәғәт итә.

“Инновационный Башкортостан” (2011 йыл, декабрь) журналында донъя күргән “Яман шешкә ҡаршы көрәш ҡағиҙәләре” тигән мәҡәлә яҡын киләсәктә сирҙе еңеүгә өмөт уята. Яман шешкә ҡаршы көрәш юлдарын билдәләгән һәм ышаныс менән һуғарылған сығыш сит илдәрҙә лә ҙур ҡыҙыҡһыныу тыуҙырҙы. Уның авторы – Башҡорт дәүләт медицина университетының хирургия һәм онкология кафедраһы мөдире, Республика онкология диспансерының онкология клиникаһы директоры, Башҡортостандың Онкологтар ассоциацияһы президенты, Рәсәйҙең атҡаҙанған фән эшмәкәре, медицина фәндәре докторы, профессор Шамил ГАНЦЕВ менән әңгәмәлә сирҙе дауалау ысулдары, иҫкәртеү юлдары һәм уны бөтөрөү буйынса ҡаҙаныштар хаҡында һүҙ барҙы.
– Милли медицина палатаһы президенты Леонид Рошаль яңыраҡ Өфөләге сығышында һуңғы биш-алты йылда медицина ярҙамының яҡшырыуын, һөҙөмтәлә ватандаштарыбыҙҙың ғүмеренең яҡынса дүрт йылға оҙайыуын хәбәр иткәйне. Шул уҡ ваҡытта, Н.Н. Блохин исемендәге Рәсәй онкология ғилми үҙәге мәғлүмәттәре буйынса, һуңғы йылдарҙа яман шеш осрағы 1,5 тапҡырға артҡан. Шамил Хәнәфи улы, бындай ҡапма-ҡаршы күренешкә ниндәй аңлатма бирерһегеҙ?