Һәүәҫкәр композиторҙарға арнап

Бәйгелә, Бөрйән, Баймаҡ, Белорет райондары һәм Силәбе өлкә­һенең Магнитогорск ҡалаһы ижадсыларынан тыш, беҙҙең Әбйәлил районынан Вәғиз Сабитов, Сания Мортазина, Вил Йәнйегетов, Илмир Хызыров һәм Фәнүзә Биктимеровалар ҙа ҡатнашты. Ниндәй генә көйҙәр, ниндәй генә йырҙар яңғыраманы йыйында. Ысынлап та, үҙ ши­ғы­рың­дың көйгә һалыныуын ишетеү – оло бәхет ул!

Тиҫтәнән ашыу һәүәҫкәр композитор ҡатнашҡан был конкурс залда ултырған тамашасы­лар­ҙың сығышы менән үрелеп барҙы.

Башҡортостандың атҡа­ҙанған мәҙәниәт хеҙмәткәре Ә. Иҙиәтуллина, И. Иҫәнғужин, И. Сәғәҙәтов һәм “Ҡуңыр буға” әҙәби ойошмаһы етәксеһе М. Кәримов етәксе­легендәге абруйлы жюри бәйгелә ҡатна­шыу­сыларҙың йәш үҙенсәлектәрен дә, башҡарыу оҫталығы менән йырҙарҙың бөгөнгө көнгә ауаз­дашлығын да иҫәпкә алмай ҡал­маны, әлбиттә. Беренсе урынға лайыҡ булған яҡташыбыҙ, Магнитогорск ҡалаһынан Рафаэль Мортазин “Бөткән ауылдар”, “Икәү атлар юлыбыҙ” йырҙарын үҙе баянда уйнап башҡарһа, икенсе һәм өсөнсө урындарға Баймаҡ ҡалаһынан Илнур Сирбаев менән Белореттан Сәйфулла Ғайсин һәм Әбйәлил районының Амангилде ауылынан Сания Мортазина лайыҡ булды. Ә инде бәйгенең төп бүләген – Гран-приҙы Белорет ҡалаһынан Илнур Әхмәтшин яуланы. Бөрйән районынан үҙеш­мәкәр композитор Нәркәс Ҡара­мышева менән яҡташыбыҙ Сания Мортазинаның йырҙарын тамашасы хөкөмөнә сығарған Фирғәт Өмөтҡужин һәм Магни­тогорскиҙан Рәшиҙә Морта­зинаның, шулай уҡ Белореттан Алһыу Тимерова менән Рөстәм Миһрановтарҙың да сығышы махсус урындар менән билдә­ләнде. Еңеүселәрҙең барыһына ла дипломдар менән аҡсалата премиялар тапшырылды.

Әбйәлил районы.