+16 °С
Дождь
Әҙәбиәт һәм мәҙәниәт
25 Августа 2019, 16:39
Асҡар Нагаев ни өсөн Айнур Асҡаровты хөрмәт итә?
"Хатта үҙ һөнәренең оҫтаһы тип һаналған ҡайһы бер актерҙарҙың уйынын күреп, күңелем ҡайтҡаны булды..."
Автор фотоһы.
Әгәр ҙә һеҙ бына бөгөн, ошо ваҡытта "Каруанһарай" алдына барһағыҙ, ундағы эскәмйәләрҙең береһендә "Өфөнән һөйөү менән!" фильмында төп ролде башҡарған Уралды, йәғни Асҡар Нагаевты осратасаҡһығыҙ.
Асҡар – үҙенсәлекле егет. Был уның үҙен тотоуында, кейгән кейемендә, һөйләгән хәбәрендә асыҡ сағыла.
– Минең өсөн талант төшөнсәһе юҡ, – ти ул. – Хатта һөнәренең оҫтаһы тип һаналған ҡайһы бер актерҙарҙың уйынын күреп, күңелем ҡайтҡаны булды. Ҡайһы ваҡыт минең өсөн донъяла яҡшы кино юҡ кеүек тойолоп китә.
– Донъяуи кимәлдә кино сәнғәтен бөтөрөп ташлағас, һинең өсөн башҡорт кинематографияһы сүп кенәлер? "Өфөнән һөйөү менән" фильмындағы үҙ эшеңә нисек ҡарайһың? – тип ҡыҙыҡһынам.
– Юҡ. Бар ул башҡорт кино сәнғәте. Һәм беҙҙең кино ла ваҡытында үҙ һүҙен әйтте, үҙ тамашасыһын тапты, – тине Асҡар.
– Айнур Асҡаров тағы ла үҙ проекттарына саҡырһа, ризалыҡ бирәһеңме? – тием.
– Әлбиттә. Уның менән мин ябайыраҡ тойолам, донъяны еңелерәк аңлайым төҫлө. Атайым кеүек тойолоп китә ул миңә. Минең атайымдың да исеме Айнур ине, – тип яуапланы Асҡар.
