Фәриҙә Ғаззалова бәпәй алып ҡайтҡан

Бәпес ҡайтты... Йәш ғаилә, уларҙың туғандары өсөн ошонан да изге, шатлыҡлы һүҙҙең булыуы мөмкин түгел.

Ошо көндәрҙә яратҡан йырсыбыҙ Фәриҙә Ғаззалованың ғаиләһе лә шатлыҡлы ваҡиға кисерә: моңло һандуғасыбыҙ улы Асҡарға иптәшкә тағы ул алып ҡайтты.

"Улыбыҙ 30 октябрҙә тыуҙы, – тип яҙа был хаҡта "Бәйләнештә" төркөмөндә йырсы. – Оҙаҡ һәм түҙемһеҙлек менән көттөк. Бигерәк тә улым Асҡар, әсәй, ҡустымды ҡасан күрәм, ти сабырһыҙланды. Ә атаһы ныҡ тулҡынланды. Бәхетле, ғүмерле, тәүфиҡле булығыҙ, балаҡайҙарым".

Беҙ ҙә йырсыны бәхетле минуттары менән ҡотлайбыҙ! Атай-әсәйле, һау-сәләмәт, халҡыбыҙға файҙалы баһадир булып үҫеүен теләйбеҙ.