Түбәндәге авторҙар һәм ижади хеҙмәткәрҙәр “Башҡортостан” гәзитенең 2022 йылғы лауреаттары тип билдәләнде:
ТОЛОМҒУЖИН Зөфәр Ғәли улы, яҙыусы – солоҡсолоҡ буйынса көнүҙәк мәсьәләләргә арналған аналитик яҙмалары өсөн;
ШӘМСЕТДИНОВА Рәшиҙә Рәшит ҡыҙы, Башҡортостан һәм Рәсәй Яҙыусылар союздары һәм Халыҡ-ара әҙәбиәт фонды ағзаһы – фәлсәфәүи йөкмәткеле, уҡымлы парсалары өсөн;
ҠӘЙҮМОВА Динара Салауат ҡыҙы, М. Ғафури исемендәге Башҡорт дәүләт академия драма театрының баш мөхәррире – замандаштарыбыҙға арналған фәһемле публицистик яҙмалары, әңгәмәләре өсөн;
МУСИНА Рәмилә Моҡтасип ҡыҙы, “Башҡортостан” гәзите редакцияһының бүлек мөдире – республикабыҙҙың район һәм ҡалаларын байҡап, халыҡ хужалығының төрлө тармаҡтарын әүҙем яҡтыртҡаны өсөн.