40 йыл сәхнәлә

Башҡортостандың халыҡ артисы Фәрит Иҙрисов 40 йыллыҡ ижади эшмәкәрлек юбилейын сәхнәлә үҙе өсөн туған Республика милли симфоник оркестры коллективы менән ҡаршыланы. Маэстро етәкселегендәге оркестр башҡарыуында классик музыка шедеврҙары: Заһир Исмәғилевтең “Салауат” симфоник поэмаһы һәм Петр Чайковскийҙың 5-се симфонияһы яңғыраны.

Ижади кисә бер һулышта уҙҙы, юбилярҙы мөһим ваҡиға менән ҡотларға Башҡортостандың мәҙә­ниәт министры урынбаҫары Алмас Сәйетов, бихисап ижад һөйөү­селәр, коллегалары һәм уҡыусы­ла­ры килде. Башҡортостан Рес­публикаһы Башлығы исеменән Алмас Сәйетов Фәрит Иҙрисовҡа Рәхмәт хаты тапшырҙы. Ул музы­кантҡа Башҡортостандың милли сәнғәтенә индергән өлөшө өсөн рәхмәт әйтте һәм яңы ижади үрҙәр теләне. Шулай уҡ юбилярға Бөтә донъя башҡорттары ҡоролтайы­ның юғары наградаһы – “Ал да нур сәс халҡыңа” миҙалы тапшырылды.

“Ал да нур сәс халҡыңа” миҙалы  Бөтә донъя башҡорттары ҡорол­тайы тарафынан 2010 йылдан алып башҡорт хал­ҡын туплау, милли мәҙәниәтте, телде һәм рухилыҡты һаҡлау һәм үҫтереү буйынса әүҙем емешле һәм күп йыллыҡ эше өсөн күре­некле мәҙәниәт, әҙәбиәт, рухани­ҙар эшмәкәрҙәренә тапшырыла.

Фәрит Иҙрисов – Башҡорт­остан Республикаһы дәүләт гимны музы­каһы авторы, композитор, Башҡорт­остандың дәүләт оркестры һәм Башҡорт опера һәм балет театры дирижеры. Уның ижади активында  30-ҙан ашыу милли, рус һәм сит ил композиторҙары спектакл­дәре, Моцарт, Бетховен, Лист, Брамс, Чайковский, Прокофьев симфониялары һәм Рахманинов, Сен-Санс, Григтың фортепиано концерттары, шулай уҡ Ш. Гу­ноның “Фауст”, Дж. Мас­кань­яның “Ауыл намыҫы”, Р. Леонка­вал­ло­ның “Паяцы”, Н. Римский-Корса­ковтың “Ҡарһылыу”, З. Исмәғилев­тең “Урал илселәре” һәм башҡа әҫәрҙәр бар.

- Рүзилә ИҪӘНБАЕВА