-10 °С
Болотло
Бөтә яңылыҡтар
9 Майҙы нисек билдәләйбеҙ?
Республика Башлығы Радий Хәбиров Хѳкүмәттә үткән оператив кәңәшмәлә Еңеү көнөнөң нисек уҙасағы хаҡында белдерҙе.
9 Майҙа - Бѳйѳк Еңеү кѳнѳндә - Башҡортостанда байрам тантаналары уҙасаҡ, әммә эпидемиологик хәлгә бәйле ул күмәк кешеләр ҡатнашлығында ойошторолмаясаҡ, бер ѳлѳшѳ онлайн тәртиптә үтәсәк.
Был хаҡта республика Башлығы Радий Хәбиров Хѳкүмәттәге оператив кәңәшмәлә белдерҙе. Муниципалитет башлыҡтары һәйкәлдәргә һәм обелисктарға Дан веноктары, сәскә бәйләмдәре һаласаҡ.
"Бындай сараларҙа күмәк кеше ҡатнашырға тейеш түгел, халыҡты йыймағыҙ", - тип билдәлне Радий Хәбиров.
Шулай уҡ “Үлемһеҙ полк”ты һуңыраҡ үткәрергә ҡарар иткәндәр, әле республикала “Полк 2020” интернет-порталы эшләй. Башҡортостан халҡы унда үҙ ҡаһармандары хаҡында мәғлүмәт урынлаштыра ала. Был “Үлемһеҙ полк”тың күсермәһе – ветерандар тураһында иҫтәлекте һаҡлау бурысын атҡарыуға булышлыҡ итә.
Яу батырҙарының фотоһүрәттәрен, улар хаҡында яҙмаларҙы һәр кем социаль селтәрҙәрҙәге сәхифәһендә #Бессмертныйполк2020, #Бессмертныйполконлайн, #ДеньПобедыдома, #9маявсети, #9маЯпомню хештегтары менән урынлаштыра ала.
Республика Башлығы 9 Майҙа 21.00 сәғәттә “Бер минут тынлыҡ” Бөтә Рәсәй сараһына ҡушылыуҙы һораны.
"Ул – халҡыбыҙҙың Бѳйѳк Ватан һуғышындағы ҡаһарманлығын иҫкә алыуҙың һәм хѳрмәтләүҙең мѳһим мәлдәренең береһе", - тине республика Башлығы.
Мәғлүм булыуынса, 7 майҙан ирекмәндәр ветерандарға бүләк итеп әҙерләнгән аҙыҡ-түлек тупланмаһын тарата башлаясаҡ. Уны республиканың 62 муниципалитетында йәшәгән 932 һуғыш ветераны аласаҡ.
Кәңәшмә алдынан Радий Фәрит улы ошо аҙыҡ-түлек тупланмаһы менән танышты. Унда 3,5 мең һумға торошло ризыҡ төрҙәре һалынған.
Фото: Башҡортостан Башлығы сайты.
Читайте нас:
© 1917 - 2024 «Башҡортостан» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.
Баш мөхәррир
Исхаҡов Вәдүт Ғәйфулла улы
Электрон почта
Адресы
г. Уфа, ул. 50 лет Октября, 13, 5-й этаж
Реклама хеҙмәте
8(347)272-62-61
Ҡабул итеү бүлмәһе
8(347)272-05-43
Хеҙмәттәшлек
8(347) 273-83-92
Кадрҙар бүлеге
8(347)272-05-43