Башҡортостан
-14 °С
Болотло
VKOKРУС
Бөтә яңылыҡтар
22 Июнь , 13:30

Геройҙар онотолмай

Хәтер һәм ҡайғы уртаҡлашыу көнө уңайынан Өфөлә Александр Матросов һәйкәленә сәскәләр һалынды.

Геройҙар онотолмай
Геройҙар онотолмай

 

Күп милләтле Башҡортостан халҡы исеменән сәскәләр һалыуҙа Башҡортостан Республикаһы буйынса баш федераль инспектор Алексей Анатольевич Касьянов, Башҡортостан Республикаһы Премьер министрының беренсе урынбаҫары Азат Шамил улы Бадранов һәм башҡа почетлы ҡунаҡтар ҡатнашты.

81 йыл элек 22 июндә иртәнге сәғәт дүрттә фашистик Германия Советтар Союзына һөжүм итә һәм кешелек тарихындағы  ҡан ҡойошло Бөйөк Ватан һуғышы башлана. Әллә күпме ғүмерҙәрҙе өҙгән, яҙмыштарҙы емергән был һуғыш 1418 көн һәм төнгә  һуҙыла, илебеҙ унда 27 миллион кешеһен юғалта.  

Был һуғышҡа байтаҡ йылдар үтеп, тарих төпкөлөндә ҡалһа ла, еңеү һалдаттарының батырлығы онотолмай.

  • Бөгөн - Бөйөк Ватан һуғышы башланған көн. Һуғыш менән һынау халҡыбыҙҙың көслө, ҡыйыу булыуын ғына түгел, берҙәмлеген дә күрһәтте. Башҡортостандан был һуғышта 700 меңдән ашыу яугир ҡатнашһа, уларҙың 300 мең тирәһе яу яландарынан әйләнеп ҡайта алманы. Шул уҡ ваҡытта йөҙҙәрсә мең кеше еңеү өсөн  тылда хеҙмәт итте. Уларҙың батырлығын оноторға хаҡыбыҙ юҡ, - тине үҙенең сығышында Азат Бадранов.

Һуғыш барған урындарҙа эҙәрмәндәр тарафынан табылған һәләк булған яугирҙарҙың документтарын, шәхси әйберҙәрен туғандарына тапшырыу ҙа сараның тулҡынландырғыс мәле булды. Еңеү һалдаттары  бер минутлыҡ тынлыҡ менән хәтергә алынды.

Автор фотолары.

Геройҙар онотолмай
Геройҙар онотолмай
Геройҙар онотолмай
Геройҙар онотолмай
Геройҙар онотолмай
Геройҙар онотолмай
Геройҙар онотолмай
Геройҙар онотолмай
Геройҙар онотолмай
Геройҙар онотолмай
Автор:Резеда Шәнгәрәева
Читайте нас в