+17 °С
Облачно
Белем һәм тәрбиә
30 Ноября 2019, 06:35
Ике йыл инде ятаҡта уҡыйҙар...
Бейеүселәр, башын түбәгә бәрмәҫ өсөн, эйелеп хәрәкәт итергә тейеш.
Уҡыу кластары эргәһендә – йәшәү һәм йыуыныу бүлмәләре. Йәштәр бындай шарттарҙан ялҡа башлаған.
Һүҙебеҙ Стәрлетамаҡтағы Башҡорт республика мәҙәниәт һәм сәнғәт колледжы студенттары тураһында. Улар ике йыл инде ошондай шарттарҙа сәнғәт серҙәрен өйрәнә икән. Ә бейеүселәр баштарын түбәгә бәрмәҫ өсөн эйелеп хәрәкәт итергә тейеш. Шуға күптәрҙең бынан китеп башҡа уҡыу йортонда белем алырға теләүе бер ҙә юҡҡа түгел.
Колледждың үҙенең бинаһы ике йыл элек авариялы тип танылған, шуға дәрестәр ятаҡта үткәрелгән.
Буласаҡ хореографтар, актерҙар, режиссерҙар, бейеүселәр өсөн икенсе бина бирелгән, тик унда әле капиталь ремонт бара. Ә уның ҡасан тамамланасағын бер кем дә алдан әйтә алмай икән.
Фото: “Ҡыҙыл һыҙыҡ” видеоһынан стоп-кадр.
