Уҡытыу төрлө телдә алып барыла

Белем усағында уҡытыу-тәрбиә эштәре “тулы көнлө мәктәп” эш тәртибенә көйләнгән. Төштән һуң иһә ҡыҙ һәм малайҙар дәрестән тыш эшмәкәрлеккә башкөллө сума. Өҫтәмә белем биреү программалары буйынса төҙөлгән дәрес­тәр, төрлө түңәрәктәр, спорт секциялары – шуға асыҡ миҫал.

Бер мең уҡыусыға иҫәпләнгән күп тармаҡлы мәктәптә программаларҙы “Ҡанатлан!” модуль проектына ярашлы алып барыуы тураһында белдерҙе педагогтар. Мәҫәлән, кескәйҙәр I кластан уҡ шахмат уйынына өйрәнә. Бынан тыш, баскетбол, волейбол, футбол, еңел атлетика, милли көрәш, көнсығыш көрәш алымдары кеүек спорт секциялары ойошторола. Башҡортостан һәм донъя мәҙә­ниәтенә һөйөү тәрбиәләү рус, башҡорт, инглиз, француз телдәре аша алып барыла, улай ғына ла түгел, баланы ҡыҙыҡһындырыу буйынса клубтар эшләй. Тиҙ уҡыу, робот техникаһы, сәхнә оҫталығы, йыр, үҫеш интеллекты, баш­ланғыс ижадты үҫтереү һәм башҡа түңәрәктәр төрлө яҡлап үҫешкә көслө йоғонто яһауына баҫым яһай уҡы­тыусылар.