Йәш ҡаһармандар награда алды

Бүләкләнеүселәр – ҡырҡыу хәлдәрҙә шәхси батырлыҡ күрһәткән Башҡортостан балалары.

Бөгөн “Торатау” Конгресс-холында РФ Федераль Йыйылышы Федерация Советының иҫтәлекле миҙалдарын тапшырҙылар. Бүләкләнеүселәр – ҡырҡыу хәлдәрҙә шәхси батырлыҡ күрһәткән Башҡортостан балалары.

Наградлау тантанаһында Федерация Советының Фән, мәғариф һәм мәҙәниәт буйынса комитеты рәйесе Лилиә Ғүмәрова, БР мәғариф министры Айбулат Хажин, РФ-тың Граждандар оборонаһы мәсьәләләре, ғәҙәттән тыш хәлдәр һәм стихиялы ҡазалар эҙемтәләрен бөтөрөү министрлығының Башҡортостан буйынса Баш идаралығы етәксеһе Марат Латипов ҡатнашты.

Батыр йөрәкле балаларға беренсе тапҡыр Федерация Советының махсус миҙалы – “Күрһәткән ҡаһарманлығы өсөн” тапшырылды.

- Бөгөн үҙенсәлекле, тантаналы көн. Беҙ сит кеше ҡайғыһына битараф ҡалмаған, үҙ ғүмерен хәүеф аҫтына ҡуйып, уларға ярҙамға ашыҡҡандарҙы тәбрикләйбеҙ. Йәш кенә булғандарына ҡарамаҫтан, был балалар кешенең иң яҡшы сифаттарын – миһырбанлылыҡ, ныҡлыҡ, батырлыҡ күрһәтте, – тине Л.Ғүмәрова.

“Күрһәткән батырлығы өсөн” миҙалдарына Глеб Пахомов, Каролина Сазонова, Искәндәр Зөфәров, Дмитрий Александров лайыҡ булды. Улар бөтәһе лә – бөйөк илдең өлкәндәргә хас булған аҙымға барған оло йөрәкле, киң күңелле кесе граждандары. Был балалар исемдәре Ватан тарихына яҙылған ысын геройҙар эстафетаһын дауам итә. Уларҙың ҡаһарманлығы ата-әсәләре, уҡытыусылары, тренерҙары һалған тәрбиә һөҙөмтәһе. Тап ошо кешеләр бөгөн иҫтәлекле наградаға лайыҡ йәш быуын вәкилдәрен битараф булмаҫҡа, ауыр хәлдә ҡалған кешеләргә ярҙамға килергә өйрәткән.

Читайте нас:

Бөтә хоҡуҡтар ҙа яҡланған.

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.

Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.

Баш мөхәррир

Исхаҡов Вәдүт Ғәйфулла улы

Электрон почта

[email protected]

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)272-62-61

Ҡабул итеү бүлмәһе

8(347)272-05-43

Хеҙмәттәшлек

8(347) 273-83-92

Кадрҙар бүлеге

8(347)272-05-43