Бөтә яңылыҡтар
Экология
12 Май 2019, 01:44

Владимир Путин төп иғтибарҙы экологияға йүнәлтте

Билдәле булыуынса, Рәсәй Президенты Владимир Путин милли проекттарҙа экология мәсьәләһенә айырыуса ҙур иғтибар бүлде. Был йәһәттән төп йүнәлештәр – законһыҙ сүплектәрҙе бөтөрөү һәм халыҡты таҙа эсәр һыу менән тәьмин итеү.

Фото: yandex.ru
Билдәле булыуынса, Рәсәй Президенты Владимир Путин милли проекттарҙа экология мәсьәләһенә айырыуса ҙур иғтибар бүлде. Был йәһәттән төп йүнәлештәр – законһыҙ сүплектәрҙе бөтөрөү һәм халыҡты таҙа эсәр һыу менән тәьмин итеү.


2024 йылға илдә барлыҡ законһыҙ сүплектәр бөтөрөлөргә, шулай уҡ ҡалдыҡтарҙы эшкәртеүсе заманса комплекстар төҙөлөргә тейеш. Проектты тормошҡа ашырыу өсөн, дөйөм алғанда, дүрт триллион һум аҡса тотоноласаҡ тип күҙаллана.


Башҡортостанға килгәндә, “Сүплектәрҙең интерактив картаһы”нда республикалағы проблемалы 582 сүплек билдәләнгән, уларҙың әлегә 180-е генә бөтөрөлгән. Тимәк, башҡараһы эш күп.


“Роспотребнадзор” мәғлүмәттәре буйынса, Башҡортостан халҡының һигеҙ проценты хәүефһеҙлек талаптарына яуап бирмәгән һыу эсә. Сифатҡа тәбиғәт факторҙары йоғонто яһай. Өфөләге эсәр һыу, мәҫәлән, ҡаты.


Икенсе сәбәп – республикалағы химия һәм нефть эшкәртеү производстволары, тау байыҡтырыу тармағы предприятиелары эшмәкәрлеге. Ер аҫты сығанаҡтарына “ҡара алтын”ды табыу ҙа кире йоғонто яһай. Киләһе өс йыл эсендә Башҡортостан тәүге тапҡыр һыу сифатын яҡшыртыу өсөн 1,1 миллиард һум аҡса аласаҡ.