Һыу тартыла башлау менән һәүәҫкәр балыҡсылар йылға-күл буйына ашыға. Әгәр ҙә табыш менән ҡайтһалар, уның ауырлығы мотлаҡ ике-өс килоға арттырып, шаштырып әйтелә.
Һыуҙарҙа йылына байтаҡ балыҡ тотола, әммә трофей булырҙайҙары йылдан-йыл һирәгерәк эләгә, сөнки күп күл-быуаларға селбәрә бөтөнләй ебәрелмәй, тәбиғи үҫеш үтә яй. Әлеге ваҡытта ҡормандың иң ҙуры тип теркәлгәне – биш килограмм, ағарсаҡтыҡы – 16, һыланыҡы – 18, суртандыҡы – 39, табандыҡы – биш, һаҙандыҡы – 47, аҡ амурҙыҡы – 70, йәйендеке – 130, һөмбаштыҡы – 92, ҡырпаныҡы – 1500 килограмм.
Был, әлбиттә, Рәсәй буйынса күрһәткес. Башҡортостанда иһә ул байтаҡҡа кәмерәк. Әйткәндәй, иң ҙур балыҡ булған зәңгәр киттың йөрәге 600 килограмм тарта, ул 300 йәшкә тиклем йәшәй.