Ҡаҙмаштар өлгө күрһәтә

Әбйәлил районының Ҡаҙмаш урта мәктәбе директоры Зариф Атауллин "Башҡортостан" гәзитенең үҙ хәбәрсеһе Кәримә Усманованан эстафетаны ҡабул итеп "Башҡортостан" гәзитенә үҙе генә түгел, ә тотош коллективы менән яҙылды.

Ҡаҙмаш урта мәктәбе районда иң алдынғы белем усаҡтарының береһе һанала. Бында көслө педагогия коллективы тупланған. Уҡыусылар белем алыуға ынтылып тора, төрлө олимпиадаларҙа призлы урындар яулай, спорт ярыштарында ҡатнаша. Йыр-бейеүгә маһир, милли матбуғатты иң күп алдырып уҡыусылар ҙа улар.

Әйткәндәй, Ҡаҙмаш урта мәктәбе коллективы "Башҡортостан" гәзитенең күптәнге ышаныслы дуҫтары. Киләһе йылда ла  педагогик коллектив "Башҡортостан" менән бергә ҡалыуҙарына редакция исеменән оло рәхмәтебеҙҙе еткерәбеҙ. 

Берҙәм һәм дәртле Ҡаҙмаш ауылы "Айыҡ ауыл" республика конкурсында район данын яҡлай һәм гәзитебеҙҙең яңы йыл һандарының береһендә Ҡаҙмаш ауылының йәшәйеше, уңған халҡы һәм киләсәккә уй-ниәттәре хаҡында яҡындан танышырһығыҙ.

Фото һәм видео: Зариф Атауллин