Балаҡатай егетенә - Суворов миҙалы!

Балаҡатай районы хакимиәте башлығы Мәсхүт Миңлеғәлин "Бәйләнештә" социаль селтәрендә шатлығы менән уртаҡлашҡан.

"Хәрби бурысын үтәгәндә батырлығы, тәүәккәллеге өсөн яҡташыбыҙ Рәсәй Федерацияһының дәүләт наградаһы менән бүләкләнгән, – тигән Мәсхүт Рәшит улы. – Ҡыуанысыбыҙ сикһеҙ – Айрат Сәлимовҡа Суворов исемендәге миҙал тапшырылған. Айрат Радик улы тыумышы менән Әбсәләм ауылынан. Ғорурлыҡ был! Айратҡа, ғөмүмән, барлыҡ яугирҙәргә лә тыуған яҡтарына иҫән-һау әйләнеп ҡайтыуын теләйбеҙ!"

Фото: Мәсхүт Миңлеғәлин.