Баҫыу батырҙары еңен һыҙғанды

Бындағы иң ҙур крәҫтиән (фермер) хужалығында (етәксеһе – Морат Иҫәндәүләтов) район аграрийҙары өсөн агроконференция үтте. Унда урындағы хакимиәт башлығы Илгиз Фәтҡуллин, Башҡортостандың Үҙйөрөшлө машиналар һәм башҡа төр техникаларҙың техник хәлен күҙәтеү буйынса дәүләт инспекцияһы етәксеһе урынбаҫары Илһам Шакиров, ауыл хужалығы предприятиелары, кәрҫтиән (фермер) хужалыҡтары етәкселәре һ.б. ҡатнашты.

Улар көнүҙәк мәсьәләләр буйынса фекер алышты, тәҡдимдәрен еткерҙе. Агроконференцияла миҙгелгә бурыстар билдәләнде, яҙғы баҫыу эштәренә старт бирҙе.