Баҫыуҙарҙа эш ҡыҙа

“Май байрамдары беҙҙең ауыл хужалығы хеҙмәткәрҙәре өсөн тынғыһыҙ мәл. Һуңғы тәүлектә генә лә республикала 120 меңдән ашыу гектар ер сәселде.  Яҙғы сәсеү йәмғеһе 520 мең гектар майҙанда үткәрелде – беҙҙең пландың был дүрттән бер өлөшө”, - тип яҙҙы Башҡортостан Башлығы Радий Хәбиров “Бәйләнештәр” селтәрендәге сәхифәһендә.

“Башҡортостанда биш климат зонаһы. Сәсеү уларҙа үҙ графиктары буйынса атҡарыла. Яҙғы культураға бүленгән майҙандарҙың яртыһынан күбеһе Ауырғазы һәм Ҡырмыҫҡалы райондарында сәселгән, Әлшәй һәм Мәләүез райондары ла шуға яҡынлаша. Аяҙ көндәр һәм уңыштар теләйем. Йыл уңышлы була күрһен!” – тип рәхмәтен белдергән Радий Фәрит улы ауыл хужалығы хеҙмәтсәндәренә.

Фото: https://vk.com/radiyhabirov